Đros trâu njiaz luk “Hluôk nênhs Sơn La shir phaz, njênhs njôngr trâu Đảng”, Hli hluôk nênhs shông no tror cxơưz vax huôv uô ntêx lông, tưx zênhv uô hâux lưv jông, muôx phaz nzưr ntơưv hluôk nênhs hâur hâux lưv huôv tsar nhiax txiax - xã hội, por hưv tiz nênhs txov nhêv luz nênhx tâu jông, tsưx truôx đriv têz qơưk nhoz njias to; phôngv côngz saiz hloz têx hnuz lar tsuv ndo hâur shông.

Hâur luz 3 hli, cxuô cơ sở đoàn tưz piz uô thiaz muôz zok sir zôngv têx hâux lưv: “Uô yar cơưv jông paz trâu mê nhuôv", Tsêr txux chi jêx jok hair nênhs Maz, qox đai. Fuô lês 44 hâux lưv hluôk nênhs ntơưv cơ sở. Krưr nhiax paz uô 5 luz tsêr; 6 luz tiax trâu mê nhuôv zâuk uô si; 3 tsưr ziv "Tơưk tênhz pov cêr txox cêr jêx jok đriv têz”; 12 tsưr ziv tsik sir zôngv hnaz zak zưr. Kriz 152 hâux lưv, muôx yax 3.000 lênhx tưx zênhv cxiv tsa jêx jok yiaz. Choz 5 gơưv nôngz yik, 10 paz kaiz trâu đoàn viên pluôs; muôx 71 cán bộ, hluôk nênhs tsês nhiax hâur tsêr nhiax, xav hur si 380 triệu nhiax...

Đhâu cxênhz fuô lês têx tsưr ziv tso tơưv hâur Hli hluôk nênhs, muôx 10/11 tsưr ziv tưz tâu uô tiar thiaz lês yax cêr tuôr xav. Yuôr 1 tsưr ziv sik tưr "Côngv têk paz ziv pluôs, muôx côngz uô tsêr nhoz", tưz paz uô tiar 52/91 luz tsêr, yuôr 39 luz tsêr taz tov tâu uô, tsov xav lês tiar hâur luz 4 hli.

Ndax jias no, Ban Chấp hành Tỉnh đoàn tưz puz ntơưr kruôk trâu 15 paz pơưs thiaz 25 tus khênhx lês jông hâux lưv hâur Hli hluôk nênhs shông 2025.