Cxiax cxênhv “Har jôngr njuôz” zos Trung tâm Tiz nênhs thiaz Tox trôngz hâur pêk piz lês txix shông 2022 chia cxiv kho đuô 500 ha jôngr txuôk thax tsav Mai Châu (Phú Thọ) thiaz thax tsav Vân Hồ (Sơn La) hâur 10 shông (2022 - 2032). Har jôngr no tâu saiz lok six zov chênhr ntơưv Tây Bắc, zos qơư muôx chuôv flu đơưz nhoz đros ntâu kôngz lông thiaz têx tsiax txơưr. Taz sik, tiv zos ntor txiar ntâu tsoz ntông chia huôv tsar nhiax txiax, tưz uô trâu têx tox trôngz hâur pêk ntơưv no mas ruôr hiav saz. Txix shông 2022 txos shông 2025, tâu kror côngv têk paz ntơưv têx tsêr luôv, đơn vị thiaz pêx xênhv, Trung tâm Tiz nênhs thiaz Tox trôngz hâur pêk tưz chos yax 180.000 tsoz ntông cxuô zav, nzôngr nzông yax 300 ha jôngr.  

Cxênhx xưv “Har jôngr njuôz 2026” gruô hu yax 200 lênhx zos cán bộ Trung tâm Uô luôv puôk tsar zav, tsôngv kiểm lâm, têx đơn vị, tsêr luôv thiaz pêx xênhv hâur jok côngv siz chos lês. Têx tsôngv nênhs tưz côngv chos tâu 10 ha jôngr đros yax 6.000 tsoz ntông muôx hâur thax tsav li njuôs bát độ, trám đuz, ntông ntôngx... Txix têx nhiax paz ntơưv cxuô đơn vị, tsêr luôv.

Hâux lưv no tâu kriz chia cxiv kho jôngr, grêk tsơưs ar poz cxuz thiaz por hưv jông tsiax kuk qơư nhoz, paz Por hưv cxuô kôngz lông thiaz têx tsiax, huôv tsar tox trôngz hâur pêk Việt Nam.