Jias no, muôx thơưx car Ban Dân vận Huyện ủy, Hội Liên hiệp Pox niav huyện Sông Mã thiaz Thuận Châu, Điện lực thax tsav Sông Mã – Sốp Cộp, têx đơn vị paz thiaz pêx xênhv 3 luz jok Nà Dòn, Co Bay, Huổi Co.

Cxênhx cxênhv tưz krưr 62 hnaz huv tsiaz (xav iz hnaz huv tsiv nhos 500.000 nhiax) trâu têx ziv pluôs; 12 poz nhiax paz cơưv ntơưr trâu shuv xênhz pluôs hla đhâu cêr txov nhêv cơưv txơưx ntơưr; krưr 300 đaiv pav puô thiaz 1.000 luz yo tir no trâu shuv xênhz yar cơưv tiểu học thiaz yar cơưv mê nhuôv zâuk. Krưr 40 triệu nhiax paz cxiv puôz “Tsêr nhoz siz hluz” trâu hội viên pox niav pluôs. Đros ntơư, piz cxiv puôz tsêr cơưv Pá Vẹ thiaz krưr chuôz zênhx paz pov cêr trâu Yar cơưv Mê nhuôv zâuk Hoa Đào. Xav hur si yax 600 triệu nhiax, txix têx nhiax paz ntơưv têx đơn vị siz chos kriz thiaz têx nênhs siaz jông côngv tâu.

Iz chas ntơư, fuô lês têx hâux lưv: Txiar plâuz hâu tsik tas nhiax trâu zuôr luôs 100 lênhx; kriz ciaz muôs yax 4.000 chêr trik so kuz tsik zuôr nhiax; kriz jias njuôk, puz đơưz yuôx nox trâu yax 200 tus pêx xênhv. Fuô kria Cêr chai tsav yêz nhaz xênhz trâu pêx xênhv. Tsik tas li, tsênhv kriz tưr têx cêr uô si pêx xênhv tênhz tus li: Muk tơư nênhk, truz hluô, njuôk jos, krưr nduôr txâuv puôz hâur 3 luz jok Nà Dòn, Co Bay, Huổi Co, lok six lov jêv ntưk thâuv shông lâuk tas, shông yiaz tuôx.