Cias têx hnuz hâu shông yiaz, trơưk li Hội LHPN xã Xuân Nha kria pâuz, pêz tưz muk shuôk HTX chos thiaz uô njuôs hur Xuân Nha ntơưv jok Tưn..Hâur qơư uô hâux lưv, yax 10 lênhx gâux muôv taz tov trâu siaz njo lês hâux lưv chia cov muôx txâuk hax huv muôs trâu têx nênhs sir zôngv.

HTX chos thiaz uô njuôs hur Xuân Nha tâu muôv Lò Thị Nguyễn đros 8 zis hội viên pox niav jok Tưn tsa tơưv txix shông 2020. Txix li cêr cxơưz paz ntơưv Dự án “Cxaz nzir pênhr xưv trâu pox niav hair nênhs tsơưs đhâu huôv tsar chos thiaz uô njuôs hur” ntơưv Chính phủ Australia, HTX tưz muôz nhiax uô qơư chos njuôs đar 1.000 m²; tsêr uô hâux lưv đar 500 m² thiaz tsêr jiaz njuôs đar 100 m²; zuôr mair ntiv hnaz thiaz zuôr têx chuôz zênhx paz max txơưr; hur si nhiax tas yax 600 triệu đaiv.

Yênhx shông, HTX tưz sâu zuôr txix 150-200 tấn njuôs nhôngk bát độ, paz muôx hâux lưv uô trơưk chaix trâu txix 40-50 lênhx nênhs, đros trâu nhiax hli txix 4-5 triệu đaiv/nênhs/hli. Đros ntơư, siz khov đros 337 zis chos yax 200 ha njuôs shôngz bát độ. Kror qơư ntơư tưz paz trâu têx hax huv ntơưv thax tsav muôs tâu gri đuô, kriz đar tsưr ziv huôv tsar nhiax txiax truôx njês trâu têx hội viên pox niav hâur thax tsav.

Hok ntơưv Chi hội pox niav jok Nà Chá, xã Tô Múa, ntâu shông đhâu, Chi hội tưz tsưx jông hâux lưv muôz nhiax txaik trâu têx zis pluôs, đros trâu têx nhiax tsês tso txaik yax 200 cxênhz đaiv/hli trâu têx hội viên txaik txix 30 - 70 triệu đaiv chia huôv tsar nhiax txiax. Txos nhiv no, Chi hội tưz muôx txos 700 triệu đaiv. Txix li têx pênhr ntơư, ntâu hội viên tưz muôx pênhr chia huôv tsar nhiax txiax, iz thênhv jux juk tâu jông đuô.

Thax tsav Vân Hồ nhiv no muôx yax 10.000 hội viên pox niav, hâu ntơư muôx yax 95% zos pêx xênhv hair nênhs tsơưs nhoz hâur 115 chi hội hâur thax tsav 4 xã Vân Hồ, Tô Múa, Song Khủa, Xuân Nha. Lês trơưk têx cêr siz tưr, Hội LHPN têx thax tsav tưz moz siaz fuô kria, zaz zâuv hội viên moz siaz hlôngr nôngz kôngz yiaz tsêz chos, nôngz tsiax cxu tu zus; nhav kir nhiax ntơưv Phòng Tso txaik nhiax Tsêr nhiax Chính sách xã hội Vân Hồ muôz trâu yax 3.200 zis hội viên txaik đros trâu nhiax yax 122 tỷ đaiv. Đros ntơư, siz khov đros têx cơ quan chuyên môn kriz kria nzir tsưr ziv trâu têx hội viên sir zôngv khoa học - kỹ thuật lok uô hâux lưv cov tâu têx hax huv jông, muôs tâu gri.

Iz chas paz huôv tsar nhiax txiax, cxuô cấp Hội LHPN tsênhv moz siaz cxiv tsa zis nênhs sor siaz, shir phaz. Shông 2025, 100% têx chi hội pox niav hâur thax tsav 4 xã tưz fuô lês hội viên chos luk lês têx jias zaz zâuv “Cxiv tsa zis nênhs 5 tsik muôx, 3 hur”, cxiv tsa “zis nênhs muôx txux chi”, hâu ntơư muôx txix 70% tror sâur txâuk chai. Iz chas ntơư, ntâu hâux lưv cux tâu fuô kria lok sâuv pox niav, txir nênhx vax huôv siz txis hâur zis nênhs.

Txix li têx hâux lưv cxơưz paz vax huôv siz txis, pox niav hair nênhs tsơưs thax tsav Vân Hồ tưz iz thênhv jux juk hlôngr yiaz tsưr ziv uô hâux lưv thiaz moz siaz côngv têx hâux lưv xã hội, huôv tsar nhiax txiax, iz thênhv jux juk tsi njênhk tâu qơư sơưr ntơưv pox niav hâur zis nênhs thiaz xã hội.