Côngv trâu jâus no muôx đồng chí Đặng Ngọc Hậu, Phó Chủ tịch UBPX tỉnh; thơưx car têx sở, ban, ngành, têx tổ chức chính trị - xã hội ntơưv tỉnh; thơưx car UBPX Thành phố; nênhs hlôngr têx tsêr luôv thax tsav tỉnh.

Đros cêr xav "Đêx hur viv iz jêx jok njuôz hur, truôx njês", Tuần lễ Têz qơư Đêx hur thiaz Txuôs đêx cêr njiaz hur shông 2025 tror haik tsênhz kror tsiv txiax khov muôx ntơưv đêx hur,lar haik mak têx thax tsav tox siaz, đêz đrôngs; gruô huk cêr côngv têk ntơưv tsôngv nênhs chia por hưv têx zav tsiv gri no.

Fuô luk ntơưv jâus gruô hu, đồng chí Đặng Ngọc Hậu, Phó Chủ tịch UBPX tỉnh Sơn La haik tiak: Sơn La chos luk fuô lês đros cêr xav “Hlôngr pâur cêr to tâuz - Uô nuv mênhx pêv - Muk đêz đar truôx njês”; Têx sở, ngành, đơn vị, thax tsav sir jos fuô, choz kria, yôngv siaz cêr to tâuz tsôngv nênhs lok sâuv kial nênhs khâuz trox ntông, por hưv têx đêx thiaz fiv huv huôz chuô. Cxơưz pênhr xưv tsov xav, fuô kria, phax tar ntux hiav cấp tỉnh, huyện, xã, lar haik ntơưv têx thax tsav muôx njik nziv hiav. Uô tiar cêr xav zênhx max, cxiv tsa têx têx qơư phax tar ntux hiav muôx liv, paz max tsênhz mênhx tsôngv nênhs.Tsik tsês cxênhz yuôx, sox njôngr, tik cêr cxâuv ntov têx nênhs zuôv chai têz qơưk lok sâuv têx muôx txơưv trâu tox trôngz hâur pêk, cêr nyiaz hur, tso têx zav kial zuôv chai, kriz sir têx đêx tsik trơưk chai xav thiaz cxiv tsa têx qơư tsik hur.

Ntơưv cxiax cxênhv, Ban Tổ chức muôx luk gruô hu, ntâuz kria, poster fuô luk trâu UBPX têx huyện, thị xã, thành phố; choz puz 30 thôngz phênhz khâuz nhaz por tsês pêv hâu trâu UBPX têx xã, phường thax tsav Thành phố; puz ntông njuôz trâu Sở Kôngz lông thiaz Môi trường, UBPX Thành phố.

Cias tov kaz jâus gruô hu, tưz kriz cxiax cxênhv pâur ntơưr, khâuz nhaz trox ntôngk pâur ntông njuôz thiaz têx huv uô đuô txơưr; tso njêk trâu pak njêk zơưv Hloz Hôx; chos ntông njuôz; chôngz tus đoàn viên thanh niên tuôv yêz ndis.