Thôngz tỉnh muôx 3.132 tus liệt sĩ, hâur ntơư 2.363 tus liệt sĩ tsik tâu pâuz mênhx bê tâu phâuk kror tưs thiaz tsik pâuz bê lok sik têx nxa tsik yuôr poz cxa. Têx Công an tưz xav mênhx 2.406 tus saz niav têx cxênhz jê chia njuôk xav ADN; txos thâuv uô ntêx piz lês hâux lưv tưz muôx 2.004 tus nênhs zos liệt sĩ cxênhz jê zênhv njuôk xav ADN.

Jias lês hâux lưv piz txix hnuz 19 tax tas hnuz 23/7, Công an tỉnh txiz 3 paz nênhs uô côngz xưv cấp tỉnh, tưz njuôk xav ntơưv 12 xã, phường zos têx huyện, thành phố thâuv ntêx, nzir qơư njuôk xav ntơưv phường Chiềng An. Cxuô paz nênhs uô côngz xưv lês trơưk iz ntu jux juk, tiar iz thax tsav jux juk mav txar muk đuô qơư trơưk đraiv chai; têx lâuk, tsik txâuk đas jos muk lok mak muk muôz nyar cias ntơưv qơư.

Côngz xưv njuôk xav tâu saiz car ntov nti hâur ntu cxênhz yuôx, uô cov tiar ntâuz ntơưr. Hâux lưv njuôk tsov ADN liệt sĩ têx cxênhz jê tsik tâu pâuz mênhx muôx txiax njis lok sâuv cêr chai chính trị thiaz txiax njis tiz nênhs, chia uô cov tiar cơ sở dữ liệu ADN têz qơưk njuôk tsov, xav mênhx bê têx anh hùng liệt sĩ tsik tâu pâuz mênhx bê, trơưk têx ziv liệt sĩ chia siaz nriar cov tâu, cux zos cênhz cưv jông “Hâuk đêx ndo hâur đêx cxơưr”, “Ndo txiax njis” ntơưv tsôngv nênhs.