Trơưk tuôr xav, Công an tỉnh zuôr zaz zâuv, fuô kria cêr chai tsav yêz muk lok nhaz xênhz. Phòng Cảnh sát por hưv tsav yêz muk lok nhaz xênhz, Phòng Cảnh sát Saiz car hành chính lok sâuv tsưx truôx cêr nox nhoz njias to, công an têx xã, phường tưz tsik tsês cxênhz yuôx têx nênhs tsav yêz tsik zos chai hâur cêr ar thiaz hâur đêx. Bax nênhs tsưx truôx cêr nox nhoz njias to, phaiz cêr muk lok thôngz plơưk trâu têx yar yêz thâux kruô, kror qơư kriz têx cxiax cxênhv saiz hloz 80 shông hnuz tsa tâu Têz qơưk xiaz 2/9 thiaz hnuz kriz shông cơưv yiaz. Cxênhz yuôx têx yar cơưv, bluô têx sinh viên, shuv xênhz tsav yêz tsik zos chai; saiz car cxov, bluô ntov nti têx nênhs tsav yêz, tsar gox thâux shuv xênhz muk lok cơưv ntơưr tsik nhaz xênhz thiaz tsik txâuk têx chuôz zênhx por hưv ...

Jias fuô kria, cxênhz yuôx nênhs tsav yêz muk lok nhaz xênhz tâu lês txix hnuz 26/8/2025 tax tas hnuz 31/10/2025. 

Fuô luk jias no, đồng chí Nguyễn Thành Công cxiz cov Công an tỉnh tsuv uô jông bax txâuk nênhs, chuôz zênhx, kriz jias fuô lês cov tâu jông; tsik tsês fuô kria cêr chai tsav yêz muk lok nhaz xênhz trâu pêx xênhv, zaz zâuv niav txir thiaz têx shuv xênhz hlôngr yiaz cêr xar, to tâuz tsav yêz muk lok nhaz xênhz; tsik so cxênhz yuôx, cxov, bluô têx nênhs tsav yêz tsik zos chai, phaiz cêr yêz muk lok thôngz plơưk, nhav nxiak tsav yêz muk lok nhaz xênhz hâur jias so hnuz tsa tâu Têz qơưk xiaz 2/9, kriz shông cơưv yiaz thiaz têx cxiax cxênhv, chính trị zov chênhr ntơưv tỉnh trâu ntu zuôr txos.

Cias tov kaz jias fuô kria, têx nênhs muôx vax huôv tưz tsav yêz tâus iz cxia cêr lox hâur thax tsav phường Chiềng Sinh, Chiềng Cơi thiaz Tô Hiệu.