Têx shông lok no, kruô cxuô qơư thâuv ndis txox têx jias nthuôr txux chi - nuôv zax ntơưv Sơn La lênhx tưs cux kruôk nxiak têx cênhz cưv txux chi jông. Ntâu tsar txux chi tâu tso yar nthuôr tsik so hâur yênhx shông trâu chôngz lênhx côngv ntơưv cxuô qơư, li; Têx hnuz grâuv pax nthuôr txux chi cxuô hair nênhs taz tov tâu cxuô luz xã, phường tso yar lus nthuôr hâur ntu đhâu, muôx trơưr têx txux chi cênhz cưv iz txưv muôx tâu chôngz nênhs côngv.

Zơưs Nguyễn Hồng Sơn, Phó Chủ tịch UBPX xã Quỳnh Nhai, haik tiak: Xã Quỳnh Nhai muôx 6 hair nênhs, muôx ntâu tsar txux chi cênhz cưv jông iz txưv muôx nhiv no tsênhv taz tov tâu tsưx hưv thiaz nthuôr huôv. Hâur ntơư, têx cênhz cưv tưz tâu côngk nhav zos txux chi jông têz qơưk, li: Tsiaz Xíp xí, Txux chi tsâus plâuz hâu, Kin Pang Then Puôz Ziz Đơưz; Pang A La Ha; Xé Pang Á Puôz Thơưx... Têx txux chi no, tâu tso yar xair têx ntu txux chi muôx txiax njis lok nthuôr tsik so trâu kruô nuôv zax saiz, têx jias muôx cxênhx xưv lox. Đhâu ntơư, piar kria tâu têx txiax njis txux chi, tiz nênhs Quỳnh Nhai trâu kruô cxuô qơư tuôx nuôv zax.

Nhiv no, thôngz tỉnh muôx 20 zav txux chi tâu têz qơưk côngk nhav, zos têx txux chi cênhz cưv, chax chês đaz kruôk zênhx muôx. Hâur ntơư, Puôz Ziz zav txux chi tuôr têk sênhr chêr tưz tâu UNESCO sâu tsês hâur Txux chi cênhz cưv jông tsôngv nênhs. Ntơư, zos têx txux chi jông hâur cxuô tsar txux chi iz txưv muôx hâur tsôngv pêx xênhv cxuô hair nênhs Sơn La nhiv no tsênhv tsưx hưv truôx. 

Têx txux chi li cấp sắc, Púng Hiéng ntơưv hair nênhs Cho Nhiax, Hết Chá Puôz Ziz, Kênhx Hmôngz, Mạng Ma Xinh Mun, txux chi thor cêr cax siaz hair nênhs Kháng... tâu zôngv hâur têx hnuz uô cêr đaz kruôk, têx jias nthuôr txux chi, tưz tâu têx yar cơưv yơưz lok kria, tâu tso yar têx jias nthuôr txux chi ntơưv Tsêr tux Sơn La... thâuv ntêx nhiak muôx nhiak iz tsar txux chi jông nhiak txơưr nhiak, taz sik nhiv no tưz yênhx têx txux chi tâu chox tuôx nthuôr kria trâu sơưr đơưk.

Ntâu jias tuôx ndis txos Sơn La ndax têx jias nthuôr txux chi, niav lâuk Lê Thu Phương, nhoz Hà Nội, haik tiak: Lok six nhiav têx tsưr ziv chox têx txux chi cxuô hair nênhs tuôx nthuôr trâu têx hnuz kriz cêr lov jêv. Têx txux chi cênhz cưv tâu tso yar lus nthuôr trâu sơưr đơưk saiz, paz têx nênhs nhoz oz chas tuôx pâuz mênhx đuô têx txux chi muôx txiax njis, cênhz cưv chax chês yênhx hair nênhs tsênhv taz tov tâu tsưx hưv truôx.

Têx txux chi cênhz cưv jông no tsênhv tâu xair yênhx ntu jông yax lok nthuôr trâu têx jias muôx cxênhx xưv nthuôr txux chi tsênhv chênhz: Jias nthuôr cêr lov jêv “Txux chi Sơn La - Tây Bắc” ntơưv thành phố Hồ Chí Minh shông 2023, “Txux chi Sơn La” ntơưv thành phố Đà Nẵng shông 2025, nthuôr txux chi Sơn La ntơưv hnuz grâuv pax Nuôv zax Thành phố Hồ Chí Minh shông 2026... Sơn La cux côngv nthuôr tsik so têx txux chi jông hâur cxuô jias nthuôr txux chi ntơưv Jok Txux Chi - Nuôv zax cxuô hair nênhs Việt Nam, Hà Nội.

Luz 11/2025, paz nênhs nthuôr cêr lov jêv tỉnh Sơn La tưz chox têx txux chi Mê Jênhx jông muk tưr hnuz nthuôr txux chi Mê Jênhx jias tiv oz ntơưv Jok Txux chi - Nuôv zax cxuô hair nênhs Việt Nam. Cưk nthuôr txux chi Đinh Quang Chưởng, xã Kim Bon, shir phaz lus haik: Jông siaz yax thâuv tâu chox zuk têx txux chi muk nthuôr trâu tsôngv fôngx zưs, kruô hâur thôngz têz qơưk saiz. Lar haik mak, piar kria mo Mường, iz tsar txux chi jông têz qơưk, zos hair nênhs Mêx Jênhx têx cêr shir phaz lok sâuv tsar txux chi Mợi, zos iz zav txux chi lox ntơưv hair nênhs Mêx Jênhx.

Kror muôx txiax njis yax mal chox têx txux chi jông Sơn La "nthuôr yênhx cêr lov jêv" trâu sơưr đơưk saiz, zos sir zôngv siz luôs jok cênhz cưv txux chi iz txưv muôx lok nthuôr trâu ntu nênhx nhiv no. Thâuv ntêx, têx cêr chai đaz kruôk zôngv six hơưv ntâu, muôx ntâu tsar ntâu zav siz qaz siz qơưk, lol sik nhiv no têx cưk txux tưz txơưx xair têx ntu muôx txiax njis, txo têx ntu phiv liv por tsês, chia nthuôr huôv yênhx txux chi pêx xênhv zôngx ziv cơưv shâuv.

Đros ntơư, zôngv têx suôz trax, suôz đruôk, kênhx, tênhz, chuôz zênhx LED paz max, xair têx nênhs txơưx nthuôr txux chi chôngz nto yênhx puô lênhx cov hax zav lov jêv, li tuôr têk sênhr chêr. Hâur ntơư, têx nênhs saiz cux pov cias ntơưv kror muôs hax zav pâuz tsênhz. Têx kruô tâu côngv đros têx nênhs nthuôr txux chi tuôr têk sênhr chêr uô cê ntơưv yar tiax, pâuz mênhx đuô têx txux chi cxuô hair nênhs.

Zơưs Phạm Hồng Thu, Phó Giám đốc Sở Txux chi, Thể thao thiaz nuôv zax, haik: Sở tưz saz lax trâu tỉnh fuô têx cêr chai, lês hâux lưv, đề án por hưv têx txux chi jông. Hâur ntơư, puôz tiz cxuô qơư tso yar têx hnuz nthuôr txux chi, nthuôr cêr lov jêv, siz tưr chia kria têx txux chi jông ntơưv tỉnh txos trâu tsôngv fôngx zưs hâur têz qơưk thiaz ntiax têz; siz chos cxiv tsa têx txux chi zôngv số, huôv tsar nuôv zax.

Têx txux chi jông tâu "nthuôr yênhx cêr lov jêv" trâu sơưr đơưk saiz, zos nthuôr txux chia trơưk phaz nzưr, phênhv shuôv. Ntơư, zos iz faz tsưr ziv jông ntơưv trôngx têz Sơn La - Tây Bắc piar kria txux chi txos tsôngv fôngx zưs cxuô kror qơư, zos hâux lưv tsưx hưv têx txux chi iz txưv muôx lok nthuôr huôv trâu ntu nênhx yiaz, paz têx kuz chas txux jông tsik zos tâu “tsês” hâur têx tsêr tsês txux chi cxuô hair nênhs uô pir txưr chia saiz xưz, mak tsênhv tâu nthuôr hâur ntu nênhx yiaz, yênhx zav txux chi tâu sơưr đơưk sir zôngv trơưr hâur ntu muôx ntâu tsar zav txux chi nhiv no./.