Câu lạc bộ Txux chi hair nênhs Poz Ziz tâu cxiv tsa muôx 35 thành viên zos têx cưk txux, txơưx pâuz txux chi cênhz cưv, cưk hair cưr cxiax, sênhr chêr thiaz pêx xênhv hâur jok. CLB zuôr kriz jias siz njiz, saz lax tsưr ziv, kria pâuz hair nênhs Poz Ziz txux chi jông li luk, ntơưr, cưr cxiax, sênhr chêr, hâux lưv xuôk têk uô cênhz cưv, têx cêr uô si pêx xênhv tênhx tus thiaz têx môn thể thao hair nênhs tsơưs.

Jias no, CLB tưz tror cxiv kho đuô Hnuz grâuv pax Hạn khuống đros têx hâux lưv nthuôr txux chi, haik cưr cxiax, cưr cxiax siz lưr chia paz tuz nxaik hluôk tâu siz pâuz, nriar tâu txix gơưv thiaz chox tâu pêx xênhv jêx jok cêr thôngx siaz. Ntơư zos hair nênhs Poz Ziz đuz txux chi tênhx tus, paz txuôs jông txox chai, choz kria fâuv hluôk pâuz zuk hair nênhs txux chi, jêx jok cêr thôngx siaz; đros ntơư tsênhv kria pâuz cêr chia siaz cxiv tsa luz nênhx shir phaz, nox tsâu hnar sor thiaz uô tâu kôngz lông.

Hâux lưv cxiv tsa Câu lạc bộ thiaz tror cxiv kho đuô Hnuz grâuv pax Hạn khuống paz zaz zâuv cán bộ, đảng viên thiaz pêx xênhv to tâuz por hưv, txuôs jông pêx xênhv cxuô hair nênhs txux chi jông, cxiv tsa luz nênhx tsiv txiax, muôx txux chi, đros ntơư, tsênhv kria cxuô kror qơư pâuz txux chi cênhz cưv kror muôx gri thiaz huôv tsar nuôv zax jêx jok.