Têx hnuz kaz shông muk đhâu luz trôngz Chẹn thiax mav txos Bắc Yên, hâur ntu tox siaz tsênhv no lok six no, đros têx paz côngz xưv thơưx car xã muk shuôk, khưr huv trâu pêx xênhv, pêz tưz pov tâu pêx xênhv têx txưv njêx muôs luôs nxi thâuv tâu moz siaz paz txos, kria pâuz têx hnuz Tsiaz, chaix ntux yiaz tưz tror lok txos. Zos nênhs muk cxênhz yuôx, krưr huv Tsiaz trâu pêx xênhv tiểu khu 1 cias ntơưv qơư, đồng chí Hà Thị Ngọc Yến, Bí thư Đảng ủy xã tưz xa txos têk têx hnaz huv muôx txiax njis lok six zov chênhr trâu têx ziv pluôs, ziv nênhs tâu paz cêr chai, gruô hu pêx xênhv nox Tsiaz tsik tuôr xuôv nhiax txiax, lov jêv ntưk.

Kria trâu pêz pâuz côngz xưv bax Tsiaz trâu pêx xênhv nox, đồng chí Hà Thị Ngọc Yến, thav tiak: Hur si xã muôx 682 ziv pluôs, yax 500 ziv nênhs jê cêr pluôs. Hâur luz Tsiaz shông no,  Đảng ủy xã tưz chox car têx phòng chuyên môn cxiv tsa têx paz côngz xưv muk shuôk, krưr huv Tsiaz; chox car fuô lês hâux lưv cxiv kho đrôngs, ruôr por tsês têx luz tsêr nav ntus cêr cxiv puôz tsik zos chai, por hưv đêx ar huôz chuôz nyiaz hur, tsưx truôx jias nox Tsiaz njias to; bax txâuk huv muôs trâu pêx xênhv, saiz car gri hax huv zov chênhr; nthuôr têx hâux lưv txux chi, haik cưr cxiax phôngv Chaix ntux yiaz thiaz lês jông côngz xưv tsưx truôx thax tsav uô ntêx, hâur ntu thiaz tov kaztsiaz nhoz njias to.

Txaik tâu têx hnaz huv Tsiaz, têx ziv pluôs, ziv nênhs tâu paz cêr chai tus tưs cux lok six shir phaz. Thương binh Nguyễn Văn Sào shir phaz thav: Tâu thơưx car tỉnh, xã moz siaz krưr huv Tsiaz, cur ziv nênhs lok six jông siaz cơưs. Kror paz zênhx max no, cxơưz ziv nênhs tâu nox Tsiaz sor siaz đuô.

Jias nox Tsiaz shông no, hur si xã Bắc Yên muôx 161 lênhx muôx côngz, liệt sĩ tsêr nênhs, nênhs tâu pêx xênhv njênhs thiaz nênhs lâuk tưz tâu nhav huv krưr ntơưv Chủ tịch têz qơưk, Tỉnh ủy, HĐPX, UBPX, Ủy ban MTTQ Việt Nam tỉnh. Xã tưz paz 7,9 tấn cxur trâu 132 ziv pluôs nox Tsiaz; kênh nhiax txix pênhr pêx xênhv sơưr đơưk côngv nhiax paz krưr huv Tsiaz trâu 605 ziv pluôs (xav iz hnaz huv tsiv nhos txix 250 txos 500 cxênhz nhiax).

Iz chas têx hnaz huv muôx txiax njis zov chênhr, paz têx ziv nênhs muôx luz nênhx txov nhêv hâur thax tsav, xã Bắc Yên cux nthuôr ntâu hâux lưv txux chi, haik cưr cxiax đros trâu txuôs jông cxuô hair nênhs txux chi lov jêv ntưk hâur têx hnuz hâu shông yiaz. Trơưk ntơư, xã zuôr kriz Hnuz grâuv pax txux chi, thể thao cxuô hair nênhs, sik tưr têx môn truz hluô, njuôk jos, tuô hnênhr, por poz, sênhr chêr; kriz Cxiax cxênhv haik cưr cxiax phôngv Chaix ntux yiaz Nênhk shông; hâur 3 luz hli hâu shông 2026, zuôr kriz Hov tưr ntâuk bóng pox niav phôngv côngz Đảng, Chaix ntux yiaz ntơưv yar tiax lox thể thao xã.

Xã tsênhv tưx tsov xav tsưr ziv đros Paz saiz car điện lực thax tsav Phù Yên - Bắc Yên, Chi nhánh tso đêx Bắc Yên cxiv tsa tsưr ziv muôs hax huv uz nox trâu pêx xênhv sir zôngv. Côngz xưv kho moz thiaz por hưv kar nox hur tâu saiz car ntov nti. Cxiv tsa têx paz côngz xưv muk cxênhz yuôx tir tar têx nênhs uô luôv huv chuôr, huv tsik zos chai trâu têx qơư muôs huv zov chênhr, li: Fov ntơưr, chuôz zênhx thiaz yuôx tơưs, zênhz caz ntơưr điện tử, cxur nox, kar nox, suôz thax, chơưr bia, zênhz caz ntơưr, trox a trox yêz, huv điện tử... Têx tsêr kho moz bax cán bộ jor trơưr hâur yênhx hnuz cxuô hmo, bax txưv cxix cxuô chuôz zênhx, yuôx nox muôs trâu pêx xênhv. Công an xã tưz tso tơưv tsưr ziv tir tar têx nênhs cxâuv, tsik so lês muôx kaz hâu côngz xưv saiz car thax tsav, gruô hu pêx xênhv tưx zênhv gra fov muk trâu têz qơưk thiaz tir tar hluôr tơưk cuz, por hưv tsav yêz muk lok nhaz xênhz, pêx xênhv cxuô hair nênhs luz nênhx tâu jông.

Têx hnaz huv muôx txiax njis zov chênhr, têx ndâux luk phôngv côngz hmôngr jông đros têx hâux lưv txux chi, thể thao cênhz cưv tưz cxiv tsa tâu iz luz Pax tsiaz sor siaz ntơưv thax tsav tox siaz tsênhv njiz ntâu cêr txov nhêv. Hâur ntu tok chaix ntux yiaz Nênhk shông 2026, kror moz siaz, uô tiar phênhv shuôv ntơưv nov hâu zuôr zos qơư chuôz zov chênhr cxơưz cêr njênhs njôngr trâu pêx xênhv, chuôz jos lox chia pêx xênhv cxuô hair nênhs hâur thax tsav xã tso siaz uô tâu nox tâu hâuk, txuôs jông txux chi, côngv đas jos cxiv tsa Bắc Yên zênhv hnuz zênhv tsik tsês huôv tsar.