Hnuz 15/4, Hâux lưv Huôv tsar Liên hợp quốc (UNDP) tưz đros Trung tâm Kria nzir cán bộ, tsov xav khoa học Mặt trận Tổ quốc Việt Nam thiaz Trung tâm Tsov xav huôv tsar thiaz paz (CECODES) fuô Chỉ số saiz car thiaz tu ntâuz ntơưr muôx kaz hâu cấp tỉnh (PAPI) 2024 ntơưv Việt Nam.

Trơưk ntơư, chỉ số PAPI tỉnh Sơn La shông 2024 tâu 43,8876 điểm, tsar 1,4291 điểm njuôk li shông 2023, sơưr tiv 25/63 tỉnh, thành phố, tsar 5 thênhv njuôk li shông 2023, nhoz hâur paz  tâu điểm fênhx đraz- siaz. Hâur 8 cxênhx cxênhv tsa yênhx chỉ số PAPI, Sơn La muôx 1 chỉ số cxênhx cxênhv nhoz hâur paz tâu điểm siaz zos phênhv shuôv têz pêx xênhv ndâux luk nus; 4 chỉ số cxênhx cxênhv nhoz hâur paz tâu điểm fênhx đraz siaz: siz chos lês hâur pêx xênhv ntơưv cấp cơ sở; mênhx pêv, ndax ndênhk; saiz car ntov nti nênhs nox nhiax têz qơưk; saiz car đêx ar.

Zơưs Lại Như Long, Phó Giám đốc Sở Nội vụ, kria pâuz: Hlôngr yiaz kror qơư cxuô hov lok sâuv chỉ số PAPI shông 2024 ntơưv tỉnh Sơn La kria pâuz têx kror sir jos mênhx pêv hâur hlôngr yiaz saiz car hâux lưv tu ntâuz ntơưr, lar haik hâur têx hâux lưv li phênhv shuôv têz pêx xênhv ndâux luk nus, siz chos lês hâur pêx xênhv ntơưv cấp cơ sở, mênhx pêv, ndax ndênhk hâur hâux lưv tso tơưv cêr chai fuô lês ntơưv thax tsav, saiz car ntov nti nênhs nox nhiax têz qơưk, saiz car đêx ar.

Chỉ số cxênhx cxênhv 3 “Phênhv shuôv têz pêx xênhv ndâux luk nus" tâu 4,4623 điểm, tsar 0,1341 điểm njuôk li shông 2023 hlôngr txix paz "siaz" trâu paz “fênhx đraz siaz”. Kror no kria pâuz kror sir jos hâur hlôngr yiaz tsưr ziv têz pêx xênhv ndâux luk nus ntơưv nov hâu, mênhx pêv, ndax ndênhk hâur fuô kria cêr chai, tu ntâuz ntơưr; hlôngr yiaz cxênhx cxênhv txaik nhav, tu pêx xênhv ntâuz ntơưr thor, ntơưr khov; tsik so đros pêx xênhv thav têx hâux lưv cik txos luz nênhx.

Kror tsar điểm thiaz hlôngr yiaz paz xair hov kria pêx xênhv pâuz tưz pâuz mênhx đuô nov hâu phênhv shuôv hâur tu têx cêr chor nhov pov muôx nzir. Kror no, cux kria pâuz cêr jông siaz, njênhs njôngr ntơưv pêx xênhv trâu nov hâu thax tsav. Ntơư zos luôs hâux lưv uô tâu muôx kaz hâu, chia tỉnh cxơưz têx tsưr ziv saiz car jông, huôv tsar truôx njês, vax huôv siz luôs, saiz hloz pêx xênhv.

Taz sik, đhâu cxênhz shông 2024, tỉnh Sơn La tsênhv yuôr 3 chỉ số cxênhx cxênhv nhoz hâur paz tâu điểm fênhx đraz kik: cêr chai uô ntâuz ntơưr, tsưr ziv tu ntâuz ntơưr, saiz car điện tử. Iz cxia chỉ số cxênhx cxênhv điểm grêk njuôk li shông 2023, li: Cêr chai uô ntâuz ntơưr, tsưr ziv tu ntâuz ntơưr, saiz car điện tử. Luz cênhz  tiv zos pêx xênhv cêr pâuz ntơưr tsik siz txis, hâux lưv sir zôngv tsưr ziv uô ntâuz ntơưr trực tuyến njiz ntâu cêr txov nhêv. Kror no tsênhr cov cấp nov hâu cơ sở tsuv moz siaz kria, zaz zâuv, paz pêx xênhv pâuz sir zôngv tsưr ziv uô ntâuz ntơưr trực tuyến.

Txuôs jông thiaz hlôngr yiaz chỉ số PAPI shông 2025, têx cơ quan, đơn vị trơưk li zuk vax huôv, hâux lưv, thor UBPX tỉnh tso tơưv têx tsưr ziv chia txuôs jông chỉ số tâu điểm siaz; đơưk tâu cêr chor nhov, hlôngr yiaz chỉ số cxênhx cxênhv, cxênhx cxênhv tâu điểm kik. Tror chox tâu hur si cêr chai ndêx ntus chính trị, pêx xênhv cêr thôngx siaz cxiv tsa, siz chos lês, cxênhz yuôx hâux lưv uô trơưk ntov nti cêr chai tso tơưv hâur thax tsav, thơưx car cơ quan Têz qơưk hlôngr yiaz phênhv shuôv hlôngr yiaz chỉ số PAPI.