Paz côngz xưv tưz shuôk, puz huv thương binh Vì Văn Ngọc, jol Lạnh thiaz zơưs Quàng Văn Kẹo, liệt sĩ tsêr nênhs, nhoz jol Nà Nghè, xã Sốp Cộp; thương binh Lường Văn Khiên thiaz bệnh binh Lò Văn Tâng, puôr lênhx nhoz jol Mường Lạn, xã Mường Lạn.

Đồng chí Chỉ huy Trưởng Bộ CHQS tỉnh tưz mul shuôk, puz huv thiaz muôx lul ndo txiax njis têx thương binh, bệnh binh, nênhs muôx côngz tưz tas đas jos, trox nyar trâu xưv cxênhx đơưk cêr tsiv txov trâu pêx xênhv, cxiv tsa thiaz por hưv Têz qơưk. Đros ntơư đồng chí cux xar cov cxuô zis nênhs muôx côngz tsưx truôx siaz njưk chux pưv cxiv tsa têz qơưk, uô ntêx lông huôv tsar nhiax txiax; ntuôk têx mê nhuôv gruôs cơưv shâuv, paz iz phênhv tưs cxiv tsa jêx jol, têz qơưk. Đros ntơư, cxiz cấp ủy, nov hâu thax tsav tror moz siaz paz txos, muôx cêr chai paz têx nênhs muôx côngz, tu đas jos trâu têx zis thương binh, liệt sĩ, paz iz phênhv tưs lês jông njiaz lul “Hâur đêx ndo kror cxơưr”, “Ndo txiax njis” hâur thax tsav.