Tror lok txos trâu xã Thuận Châu têx hnuz zuôr txos Tsiaz, đros trâu têx đồng chí thơưx car xã muk shuôk, pos Lò Thị Thoan nhoz trâu jok Mòn, xã Thuận Châu zis nênhs, iz hâur têx zis pluôs hâur thax tsav nhiv kruôr tâu paz uô tsêr nhoz. Chox pêz muk ndis luz tsêr yiaz ntơư, pos Thoan tưz shir phaz lus haik tiak: Tâu têz qơưk paz 60 triệu đaiv chia uô tsêr yiaz, đros trâu têx nhiax zis nênhs tsês tâu thiaz tâu têx cxênhz jê paz, mak tưz uô tâu luz tsêr yiaz lok nhoz, cur lok six jông siaz. Shông no, tâu nox Tsiaz hâur luz tsêr đar pho, jông gâux, muôx luk uô tsâus txos Đảng, Têz qơưk lok six ntâu.

Ndaik pos Lò Thị Thoan ziv nênhs, pêz muk shuôk zơưs Lò Văn Vinh, nhoz trâu Mòn, xã Thuận Châu zis nênhs. Hâur luz tsêr yiaz ntơư, zơưs Vinh thav pâuz: Cur zis nênhs zos zis pluôs, xar kho đuô tsêr puôs nzor lok lơưv, taz sik tsik tâu muôx nhiax kho. Nhiv kruôr no, tâu Têz qơưk paz 30 triệu nhiax chia kho tsêr, cur tưz uô tiar luz tsêr lok nhoz, nhiv no txơưv lok nas, yar cuz lok tsik ndo cxơưx lơưv. Tsik zos cur luz tsêr xưz, ntơưv iz saz no zos cur tus muôv cux tâu paz 60 triệu chia uô tsêr yiaz, nhiv no cux tiar lơưv. Zos tsik muôx Têz qơưk oaz, tsik pâuz shor thâuv tưs thiax kho tâu tsêr nhoz.

Đhâu cxênhz, hâur thax tsav xã Thuận Châu muôx 67 zis pluôs tsênhv nhoz tsêr khâuz hlaz, tsêr ntuôs muôx nzir tov kaz hnuz 15/5/2025, txâuk chai chia paz trơưk đraiv cêr chai. Txix li kror moz siaz chox car ntơưv tỉnh thiaz kror moz siaz ntơưv nov hâu thax tsav, 67/67 zis tưz tâu paz uô tsêr txix li đraz hli 11/2025 thiaz tas hli 1/2026 tưz lês tiar 100% cêr tuôr xav tso tơưv. Hur si nhiax lês hâux lưv tas 3,96 tỷ đaiv. Hâu ntơư, Pênhr “Viv nênhs pluôs” tỉnh Sơn La paz 3,9 tỷ đaiv trâu 66 zis, cxiv puôz yiaz 64 luz tsêr thiaz kho đuô 2 luz tsêr; 1 zis nênhs muôx côngz trâu têz qơưk 60 triệu đaiv. Têx tsêr tâu uô tiar puôr lênhx txâuk tiêu chí “3 khor” thiaz sir zôngv tâu ntêr shông.

Tuôr xav côngz xưv paz uô tsêr nhoz zos hâux lưv zov chênhr hâur paz têx nênhs txov nhêv hla đhâu cêr phiv liv thiaz txo tsơưs cêr pluôs truôx njês, shông 2026, xã Thuận Châu zuôr tror fuô lês jông Đảng têx cêr chai, chox car ntơưv Chính phủ thiaz UBPX tỉnh lok sâuv paz uô tsêr nhoz; saiz ntơư zos hâux lưv lês tsik tsês hâur hur si ndêx ntus chính trị. Pos Lường Thị Thanh Thủy, Phó Bí thư Thường trực, Chủ tịch HĐPX xã Thuận Châu haik pâuz: Xã zuôr tror moz siaz cxênhz têx zis pluôs, jê cêr pluôs. Moz siaz gruô hu cxuô tus khênhx, paz pơưs paz; nthuôr huôv jông cêr thôngx siaz, siz hluz, siz paz chia paz uô tsêr nhoz. Tik hâux lưv paz uô tsêr nhoz đros trâu paz huôv tsar nhiax txiax zis nênhs, chia cov pêx xênhv iz thênhv jux juk tơưv đhâu cêr pluôs truôx njês.

Iz luz chaix ntux yiaz lok txos thâuv tâu nhoz luz tsêr yiaz. Ntơư tưz tsik zos zav huv muôx txiax njis hâur luz shông yiaz xưz, mak tsênhv zos qơư chuôz jos zov chênhr, cxơưz paz têx zis nênhs trâu siaz uô kôngz lông, sir jos côngv têx cêr siz tưr ntơưv thax tsav, paz cxiv tsa xã Thuận Châu zênhv hnuz zênhv huôv tsar.