Zos sĩ quan taz tov uô côngz xưv ntơưv Công an tỉnh Hủa Phăn,têz qơư Lok Tsuôk, tix lâus Khun Thon Bomy Xay nhuôv kruôr cơưv tiar ntu cxaz nzir Luk Việt 9 luz hli ntơưv Yar cơưv Cao đẳng Sơn La. Hâur ntu cơưv shâuv, nưk thiaz ntâu tus tuz cơưv Lok Tsuôk tâu yar cơưv moz siaz, paz cêr zôngx ziv hâur nox nhoz; lês ntâu cêr nthuôr txux chi đros sinh viên Việt Nam; ndis saiz têx qơư nuôv zax, cêr txuôs tsês txux chi uô têz qơư ntơưv Sơn La, tưz tsês trâu tix lâus Khun Thon siaz ndo njôngr lok sâuv iz trôngx têz muôx txux chi đros tox trôngz hâur pêk jông. 

Tix lâus Khun Thon BomyXay thav tiak:Thâuv ntu cơưv shâuv nhoz Sơn La, cur tâu muk ndis saiz ntâu qơư txuôs tsês cêr uô têz qơư, têx zav ntux trâus têz xênhz jông, li Tsêr tux Sơn La; yar tiax lox Tây Bắc; Tsêr máy điện đêx Sơn La; jôngr chiaz jok Áng; trôngz yuôx zêx Mộc Châu... Cur pov tâu tỉnh Sơn La lok sik huôv tsar,đrôngs txơưx lês nuv, jông fiv taz sik muôx txux chi, pêx xênhv ndơưs, nhiav kruô.

Hok cưr Phome SaVanh, sinh viên cơưv Saiz car nhiax txiax tiz nênhs tsêr kruô, cux muôx ntâu cêr ndo jông tov kaz zuôr luôs 2 shông cơưv shâuv ntơưv Yar cơưv Cao đẳng Sơn La. Hâur têx jâus nthuôr txux chi đros sinh viên Việt Nam, cưr lok sik nhiav têx tsôngk hnar yo ntêr cênhz cưv thiaz yo cóm ntơưv nênhs Poz Ziz thiaz txux chi kar nox cxuô tsar zav thiaz gas siaz.

Sinh viên Phome SaVanh thav tiak: Iz chas cơưv ntơưv tsêr lớp, cur tâu lês ntâu hâux lưv nthuôr txux chi, cưr cxiax zos Hội Sinh viên yar cơưv kriz lês.Cur tưz pâuz 5 jax cưr cxiax ntơưv Việt Nam li jax: Nênhs cưk kria,Ntux yiaz no, Txiax njis Việt Nam - Lok Tsuôk ... Hâur luz tsiaz têz qơư ntơưv Việt Nam,cur tâu muk txos tsêr têx fôngx zưs sinh viên nhoz Sơn La, nox têx hno kaz, li nduôr txâuv puôz, kol đêx, nzưv cxa nyar, caz puôz kaz ndâux... Têx ndis saiz siv ntơư uô trâu cur lok sik jông siaz thiaz xar nhoz ntơưv no.

Txix li 20 shông choz kria nênhs trâu têx tỉnh têz qơư Lok Tsuôk,Yar cơưv Cao đẳng Sơn La tsik so hlôngr yiaz, yôngv siaz choz kria cxuô zav. Iz chas cơưv chính khóa, yar cơưv tsênhv chia tuz cơưv muk ndis cơưv trâu têx qơư mênhx pêv ntơưv iz cxia qơư txuôs tsês cêr uô têz qơư, têx qơư jông saiz hâur tỉnh, paz têx mê  nhuôv pâuz nzir luk Việt, pâuz txos trôngx têz thiaz tiz nênhs Việt Nam.

Ndax trâu têx hnuz tsiv txiax lox ntơưv oz luz têz qơư li Tsa tơưv têz qơư Lok Tsuôk xiaz 2/12; Tsiaz hli shông yiaz (Bunpimay); Tsiaz Têz qơư Việt Nam... yar cơưv kriz têx cxiax cxênhv siz nus, nus txos txux chi ntơưv oz têz qơư, bôngs nzir cêr thôngx siaz siz trâus jông ntơưv cxuô fâuv hluôs oz luz têz qơư. Viv li, tov kaz iz ntu cơưv shâuv ntơưv Sơn La, ntâu tus tuz cơưv Lok Tsuôk, tưz haik tâu ntâu jax cưr cxiax Việt, côngv nthuôr iz cxia sênhr chêr cênhz cưv li: Sênhr chêr, đhia pak, “Sênhr chêr thôngx siaz”...

Zơưs Nguyễn Xuân Thắng, Phó Hiệu trưởng Yar cơưv Cao đẳng Sơn La, kria tiak: Shông cơưv 2025-2026, yar cơưv taz nhav choz kria luk Việt trâu 397 tus tuz cơưv thiaz học viên ntơưv 9 tỉnh têz qơư Lok Tsuôk.Txix shông 2024, yar cơưv tưz kriz thiaz lês trơưr “Hnuz thứ 7 txuôk chuôs” ntâu nuv uô cxuô zav li nthuôr cêr lov jêv cưr cxiax, thể thao, nus txos cêr nox nhoz, uô têz qơư...paz têx tuz cơưv, sinh viên Lok Tsuôk muôx cêr gas siaz jông txos txux chi, trôngx têz, tiz nênhs Sơn La. Đhâu iz ntu cơưv shâuv ntơưv yar cơưv, têx tuz cơưv tsik zos pâuz txux chi xưz, mak tsênhv muôx cêr ndơưs, jông siaz txos cêr siz trâus jông, thôngx siaz txơưr hlo Việt Nam – Lok Tsuôk.

Txix têx sir jos hâur côngz xưv choz kria, Yar cơưv Cao đẳng Sơn La yênhx “luz tsêr tiv oz” ntơưv ntâu fâuv tuz cơưv Lok Tsuôk, siz chos kho cxaz, bôngs nzir cêr siz trâus jông txơưr hlo, siz khov tas nro Việt Nam – Lok Tsuôk haik tas nro thiaz ntơưv tỉnh Sơn La đros têx tỉnh têz qơư Lok Tsuôk haik khênhx.