Niav lâuk Hải ziv nênhs nhoz jok Búng, đrav ntêx nưk ziv nênhs tsuôk zos chos poz cưk thiaz kok ntông. Txix li kror uô ntêx lông ntơưv hluôk nênhs, shông 2017, niav lâuk Hải tưz hlôngr chos 600 tsoz mo môngk, 100 tsoz lưv tsiz, 35 tsoz lưk pax trâu 1,5 ha têz chos kôngz tsik jông. Viv uô jông por hưv, li ntơư nưk ziv nênhs têx ntông nox txir tưz hloz jông. Nhiv no, yênhx shông đê tâu yax 20 tấn txir cxuô zav, sâu tâu zuôr luôs 100 triệu nhiax txix muôs nox txir.

Iz chas ntơư, nưk tsênhv huôv tsar nzir qơư zus nhux, tưv cơư guôx thiaz zus mâuv buô sha mê nhuôv. Txos nhiv no, nưk ziv nênhs tưz zus tâu 16 tus nhux, tưv; 3 tus mâuv buô, 25 tus mê nhuôv buô chia muôs thiaz yax 400 tus kaiz, ok. Nưk ziv nênhs tưz cxiv puôz guôx buô, chôngx kaiz đu lus, hur si, lax nziak hâur chaix ntux sor; tsik trâus chuô hâur chaix ntux no. Paz buô, nhux tưv tâu zus đêz vax tsêr; hur si têx kuôr tsiax cxu puôr lênhx tâu muôz lok vâuv chia tso trâu ntông nox txir.

Chia cov muôx txâuk jâuz krâur puz tsiax cxu, niav lâuk Hải ziv nênhs tưz nzaz nzơưv thax ar đar 3.000 m² lok chos tâux puz nhux tưv. Niav lâuk Hải haik mênhx: Nhiv no, yênhx shông cur ziv nênhs muôs txos 50 tus nôngz buô; 20 tus buô graix; 3 tus nhux. Txix li tu zus tsiax cxu, nưk ziv nênhs tưz sâu tâu 350 triệu nhiax/shông.

Tsik zos txơưx huôv tsar nhiax txiax, đros trâu vax huôv zos Bí thư Đoàn xã Chiềng Sàng, niav lâuk Hải tsênhv moz siaz gruô hu hluôk nênhs côngv fuô lês têx cêr sik tưr “Hnuz tiv 7 tưx zênhv mul paz pêx xênhv uô hâux lưv”, “Hnuz chủ nhật muk paz lês cxuô zav”, txuôs jông txox cêr hluôk nênhs tưx saiz car hâur têx jok. Đros ntơư, tsênhv moz siaz paz, saz lax kria tsưr ziv zus tsiax cxu, chos kôngz lông trâu têx hluôk nênhs; ntuôk hluôk nênhs moz siaz huôv tsar kôngz lông, hla đhâu cêr txov nhêv, cxiv tsa luz nênhx bluô nux.

Zơưs Vì Văn Quang, Bí thư Đảng ủy xã Chiềng Sàng, thav pâuz: Đồng chí Hoàng Thị Hải zos iz tus cán bộ đoàn uô ntêx lông, hlôngr yiaz, gruôs uô hâux lưv, lês jông côngz xưv đoàn thiaz cêr sik tưr txơưx huôv tsar nhiax txiax, lar tsiv nhos trâu têx hluôk nênhs thax tsav cơưv shâuv, uô trơưk thiaz fuô kria đêz đar.