Fuô lês hâux lưv cxiv kho têx yar cơưv zos têz qơưk tus trơưk Ntâuz ntơưr chox car số 777/TTg hnuz xiaz 10/7/2026 ntơưv Thủ tướng Chính phủ, shông cơưv 2026-2027, hur si tỉnh tưz cxiv kho yuôr 406 yar cơưv, hâur ntơư muôx 125 yar cơưv mầm non, 61 yar cơưv tiểu học, 57 yar cơưv THCS, 107 yar cơưv TH&THCS, 56 yar cơưv THPT; grêk 186 yar cơưv njuôk li shông cơưv uô ntêx. Đros ntơư, têx cán bộ saiz car, nhân viên cux tâu cxiv kho trơưk faz grêk tsơưs, fiv huv yênhx cơ sở hâux lưv. Hur si ngành muôx yax 24.000 cán bộ saiz car, cưk kria; grêk 441 cán bộ saiz car.

Zơưs Nguyễn Văn Chiến, Giám đốc Sở Choz kria ntơưr, haik kria: Hâux lưv cxiv kho, côngv muôz têx yar cơưv lok uô cê tâu fuô lês trơưk txox chai txo cov tsơưs têx qơư uô hâux lưv, "grêk tsơưs chor nênhs saiz car choz kria ntơưr, tsar tus nênhs kria ntơưr", sir zôngv muôx kaz hâu vax tsêr thiaz saiz car ntov nti tiz nênhs uô hâux lưv. Sở Choz kria ntơưr tư đros Sở Nội vụ thiaz têx thax tsav, cxênhz mênhx yênhx yar cơưv, cxiv tsa tsưr ziv uô fiv huv; tưx tsov xav tsưr ziv đơưk cov tâu sai têx txov nhêv muôx nzir, nhav nxias uô hâux lưv truôx njês, txuôs jông thiaz hlôngr yiaz choz kria ntơưr txix cias hâu hnuz kriz shông cơưv yiaz.

Shông cơưv 2026-2027, 100% yar cơưv hâur tỉnh tror kria ntơưr 5 hnuz/tuần thiaz 2 zar tas cik thiaz hnuz kaix hâur yênhx hnuz. Sở Choz kria ntơưr tưz đros têx thax tsav cxênhz yuôx, cxiv kho vax tsêr, zuôr cxaz nzir chuôz zênhx kria ntơưr. Txos nhiv no, Sở tưz cxiv tsa tâu tsov xav zuôr cxaz nzir chuôz zênhx kria ntơưr trâu shông cơưv yiaz xav hur si zuôr luôs 100 tỷ nhiax.Đros ntơư, saz lax trâu UBPX tỉnh paz fuô lês 70 dự án nhoz hâur têz qơưk têx Hâux lưv ntu 2026-2030, xav hur si yax 1.417 tỷ nhiax, chia moz siaz cxưx nhiax cxiv puôz, hlôngr yiaz vax tsêr, zuôr cxaz nzir chuôz zênhx kria ntơưr thiaz hạ tầng công nghệ thông tin, paz zênhx max hâux lưv hlôngr pâur số hâur choz kria ntơưr.

Hâux lưv bax txưv cưk kria chia uô tiar tsưr ziv shông cơưv yiaz taz tov tâu ngành Choz kria ntơưr moz siaz fuô lês. Txix luz 7 hli txos nhiv no, Sở Choz kria ntơưr tưz kriz têx lớp kria cxaz nzir chính trị, tsưr ziv uô hâux lưv hâur chaix so ntơưr trâu 100% cán bộ saiz car, cưk kria hâur hur si tỉnh. Cxênhx cxênhv tưz moz siaz fuô kria têx kror yiaz hâur kria ntơưr, tsov xav cêr txơưx fiv, hlôngr pâur số... Đros ntơư, chia cov bax txâuk cưk kria ntơưr, Sở Choz kria ntơưr tưz đros têx thax tsav cxênhz đuô têx cưk kria cxuô yar cơưv, yênhx cấp cơưv, môn cơưv, tso 60 cưk kria muk uô hâux lưv trâu têx đơn vị tsênhv tsik tâu muôx txâuk cưk kria ntơưr; fuô lês tsưr ziv kria ntơưr trâu ntâu yar cơưv, ntâu cấp nhoz thax tsav txov nhêv, tsik chia tu nduô hâux lưv kria ntơưr. 

Ntơưv xã Vân Hồ, côngz xưv bax trâu shông cơưv 2026-2027 taz tov tâu têx yar cơưv zênhx max uô tiar, txix vax tsêr txos têx kror txâuk chai kria thiaz cơưv ntơưr. Zơưs Nguyễn Thanh Hải, Phó Chủ tịch UBPX xã, thav pâuz: Luz 8 hli shông 2026, xã tưz cxiv kho, grêk 30% yar cơưv. Nhiv no hur si xã muôx 7 yar cơưv, yax 5.200 shuv xênhz thiaz 420 cán bộ saiz car, cưk kria. Tov kaz cxiv kho, UBPX xã chox car têx yar cơưv cxênhz đuô hur si vax tsêr, tsov xav cêr xar cxiv kho vax tsêr, zuôr cxaz nzir chuôz zênhx, paz max hâux lưv kria thiaz cơưv ntơưr. Têx qar cơưv, phòng chức năng puôk lơưv ntâu tưz tâu paz cxiv kho uô ntêx; têx yar cơưv tov kaz cxiv kho thiaz ntơưv thax tsav txov nhêv tâu moz siaz paz nhiax pênhr, chia paz txâuk chai cơưv ntơưr trâu shuv xênhz txix cias hâu hnuz kriz shông cơưv yiaz. 

Shông cơưv 2026-2027 lok six zov chênhr paz xưv cxênhx choz kria ntơưr ntơưv thax tsav đriv têz hâur tỉnh muôx ntâu hlôngr yiaz.13 Yar cơưv phổ thông nội trú liên cấp Tiểu học thiaz THCS ntơưv têx xã đriv têz tâu cxưx nhiax cxiv puôz trơưk Câuk luk số 81-TB/TW hnuz 18/7/2025 ntơưv Bộ Chính trị taz tov uô tiar têx hâux lưv tâu zok chia muôz zok sir zôngv, tok shuv xênhz tuôx cơưv trâu shông cơưv yiaz. 

Ntơưv Yar cơưv Phổ thông nội trú Tiểu học - THCS Yên Sơn, tưz uô tâu yax 99% hâux lưv. Yax 1 tuần no, têx cưk kria yar cơưv tưz tsik so qêz khơưs khâuz nhaz yar tiax, qar tsêr cơưv, so trôngx tos, chuôz zênhx đu lus, hur si.... chia bax trâu jias kriz shông cơưv yiaz. Đơn vị cxiv puôz cux taz tov zênhx max uô tiar têx hâux lưv tsênhv tsik uô tâu chiaz muôz zok hur si trâu yar cơưv uô ntêx jias piz shông cơưv yiaz..

Cưk kria Trần Văn Lâm, Hiệu trưởng Yar cơưv Phổ thông nội trú Tiểu học - THCS Yên Sơn, haik kria: Shông cơưv no, yar cơưv muôx 30 lớp, 1.050 shuv xênhz, 66 cán bộ saiz car, cưk kria, nhân viên. Txos nhiv no, yar cơưv tưz cxiv tsa tiar tsưr ziv uô hâux lưv hâur shông cơưv, tso tơưv têx cêr chai uô côngz xưv, nox nhoz hâur yar cơưv, saiz car shuv xênhz... Đros ntơư, tsênhv xav tơưv six hơưv cơưv, so, tưx cơưv ntơưr thiaz kriz cêr lov jêv hâur qơư nhoz.

Tas cik hnuz xiaz 5/9/2026, Jias kriz shông cơưv yiaz 2026-2027 thiaz Txiar ntâuz muôz zok sir zôngv yar cơưv phổ thông nội trú ntơưv têx xã đriv têz zuôr tâu kriz iz cxix hâur hur si têz qơưk. Tâu kror uô jông bax txix vax tsêr, têx cán bộ, cưk kria, txos têx kror txâuk chai kria thiaz cơưv ntơưr, ngành Choz kria ntơưr Sơn La taz tov tok njôngr trâu Hnuz grâuv pax "Hur si pêx xênhv chox mê nhuôv muk cơưv ntơưr", kriz shông cơưv yiaz đros trâu cêr chia siaz hâux lưv chor kria ntơưr shông no zuôr muôx ntâu hlôngr yiaz.