Jâus tưr xav tơưv txơưx fiv, tsưr ziv kiz tỉnh shuv xênhz trung học shông cơưv 2024-2025, muôx 223 dự án ntơưv 63 kror qơư choz kria muôx kiz THCS, THPT thiaz Trung tâm cơưv tsik tsês, têx phòng Choz kria ntơưr têx huyện, thành phố thax tsav tỉnh. Đhâu jâus xuz xair, Ban kriz tưz xair tâu 78 dự án ntơưv 148 lênhx nhoz 42 đơn vị yar cơưv trâu jâus suôx câuv. Têx dự án tuôx tưr shông no nhoz 4 côngs, li: Khoa học xã hội thiaz cêr lês; Toán - Tin – Têx zav trâuk; Vật lý - Kỹ thuật; Hóa - Sinh – Qơư nhoz.

Côngz xưv xair tưr zuôr piz txix hnuz 15/1 - 17/1, Ban Giám khảo zuôr xair yênhx qar tênhz tso dự án, mnôngs thí sinh ntơưv côngs dự án kria thav hâur 15 phút; nus têx khơư luk txos thí sinh hâur six hơưv 20 phút. Suôx câuv iz phênhv  piar thav, giám khảo côngv iz trôngs luk, tso điểm thiaz sâu hur si têx hâux lưv uô.

Ntơư zos jâus tiv 12, Sở Choz kria ntơưr kriz lês Jâus tưr txơưx fiv, tsưr ziv kiz tỉnh trâu shuv xênhz trung học. Ntơưv no zos qơư uô si cxaz txux, paz shuv xênhz têx yar cơưv muôx cêr siz nus, pâuz txux chi, muôx tâu thiaz huôv nzir têx tsưr ziv nhoz, cxơưz cêr njênhs siaz nhiav tsov xav txơưx fiv tsưr ziv, muôx têx qơư trâu shuv xênhz pâuz paz trâu cêr huôv tsar trâu hâur têz qơưk./.