Hnuz 28/2, Paz côngz xưv Đại sứ quán Đan Mạch ntơưv Việt Nam zos zơưs Nicolai Prytz, Đại sứ Đan Mạch ntơưv Việt Nam uô thơưx chox tưz tuôx shuôk, uô hâux lưv ntơưv tỉnh Sơn La.

Luz 3 hli xiaz, trôngx têz ntux yiaz jêx jok Sơn La lok jông saiz mok nhôngk, nziv cêr uô nênhx nhoz. Tox trôngz hâur pêk jông, tiz nênhs hla trâu ntux yiaz muôx cêr xav tsik tas trâu cxuô zav txux chi jông, lar haik mak cưr cxiax đros suôz trax. Têx cxiax pas sênhr ntux yiaz, khênhr muôx cêr sênhr jông, tsik zos haik txos cêr jông ntơưv tox trôngz hâur pêk xưz, tsênhv uô trâu tiz nênhs siaz xiz muk đêz, lov jêv, khov vav.

Kriz têx zav fiv huv zuk đêx, ar txơưv pênhv lok sâuv muôx pak đêx điện Sơn La, huyện Mường La tưz huôv tsar 1.100 luz guôx zus njêk uô cê ntơưv têx xã: Chiềng Lao, Mường Trai, Nậm Giôn, Pi Toong, Ngọc Chiến, đros trâu têx njêk 450 - 500 chiaz/guôx/shông.

Fuô lês tsưr ziv hlôngr yiaz tsêr kho moz cơ sở têx hâux lưv, huyện Vân Hồ tưz gruô hu nhiax pênhr, cxưx nhiax cxiv puôz vax tsêr, zuôr chuôz zênhx njuôk kho moz yiaz, iz phênhv tưs hlôngr yiaz tsêr kho moz cơ sở hâux lưv njuôk, kho moz trâu pêx xênhv.

Xã Tú Nang, huyện Yên Châu muôx yax 650 ha txir mor môngk, phênhv ntâu zos txir mok môngk njuôz tơưr, xav muôs tâu 3.400 tấn/shông; hâu ntơư 90 ha tâu muôz mã số kria pâuz qơư chos chia muôs muk trâu oz chas têz qơưk.

Xã Chiềng Khương, huyện Sông Mã muôx zuôr luôs 900 ha ntông nox txir cxuô zav, xav hur si sâu tâu yax 6.700 tấn txir/shông. Hâur ntơư, muôx 40 ha txâuk chai VietGAP; 10 ha tâu puz mã chiv thax tsav chos muôs trâu oz chas têz qơưk.

Lês cêr siz tưr côngv têk paz uô tsêr trâu pêx xênhv txov nhêv nhoz, xã Hua Nhàn, huyện Bắc Yên tưz hu pêx xênhv saz lax, fuô chai, gruô hu pêx xênhv lok sâuv chai paz uô tsêr trâu pêx xênhv txov nhêv nhoz; cxênhz yuôx, sâu mênhx bê têx ziv zuôr tsuv tâu paz trơưk đraiv cêr chai.

40 shông đrav ntêx, hnuz xiaz 2/3/1985, Tsêr puôr fênhx tỉnh Sơn La tâu cxiv tsa txix ntơưv Tsêr Puôr fênhx Thax tsav Tây Bắc, tov kaz no, zos Phòng Puôr fênhx tâu Ty Txux chi Sơn La saiz car. Đhâu 40 shông cxiv tsa thiaz huôv tsar, Tsêr puôr fênhx tỉnh Sơn La puôr lênhx tsi njênhk têx hâux lưv chính trị tâu zok, paz trâu xưv cxênhx txuôs jông, huôv tsar txiax njis, txux chi pêx xênhv cxuô hair nênhs Sơn La kror muôx gri.

Hnuz 26/2, Hội Chữ thập đỏ tỉnh Sơn La tưz đros Trung tâm Y tế huyện Mai Sơn siz chos kriz jias njuôk moz, kria por hưv đas jos thiaz puz đơưz yuôx nox trâu 200 lênhx zos ziv pluôs, ziv muôx côngz trâu têz qơưk, nênhs lâuk, nênhs trâus yuôx tuô đrox nhoz hâur xã Mường Chanh thiaz Chiềng Chung.

Hnuz 26/2, Zênhx đriv têz trôngx lôngs Chiềng Tương tưz đros xã Lóng Phiêng thiaz Chiềng Tương, huyện Yên Châu kriz “Hnuz grâuv pax hur si pêx xênhv por hưv têz qơưk” saiz hloz 66 shông Hnuz cênhz cưv Tuz lênhv đriv têz (3/3/1959 - 3/3/2025), 36 shông Hnuz hur si pêx xênhv por hưv têz qơưk (3/3/1989 - 3/3/2025).

Hnuz 26/2, Chi hội VHNT cxuô hair nênhs tsơưs Việt Nam tỉnh Sơn La tưz Đại hội jâus tiv 7, ntu 2025-2030.

Hnuz 26/2, đồng chí Đặng Ngọc Hậu, Phó Chủ tịch UBPX tỉnh, Lưv Thơưx ban Thường trực Ban Chox car huôv tsar tiz nênhs zuôr BHXH, BHYT, BH tsik muôx hâux lưv uô tỉnh, chox car Jias cơưv cxênhz hâux lưv ntơưv Ban Chox car shông 2024 thiaz zok tsưr ziv uô, chos luk huôv tsar tiz nênhs zuôr BHXH, BHYT shông 2025.

Cxiv tsa thành phố Sơn La trơưk cêr tuôr xav muôx ntâu zav txux chi jông thiaz nhaz xênhz, txos nhiv no, Thành phố muôx 139/139 tổ, jok, tiểu khu muôx tsêr txux chi, tâu zuôr cxix cxuô têx chuôz zênhx paz max chia lês hâux lưv siz tưr têx txux chi, thể thao hair nênhs; muôx 185 paz sênhr chêr cơưv shâuv tsik tsês, 36 câu lạc bộ txux chi đros trâu yax 2.400 thành viên côngv; 100% têx câu lạc bộ txux chi hair nênhs puôr lênhx cơưv shâuv thiaz nthuôr tâu jông 6 jax tuôr têk sênhr chêr thôngx siaz.

Hâur shông 2024, huyện Mường La paz yax 500 triệu nhiax trâu 4 HTX yâu mông têx huv kôngz txir nox trâu têx qơư fuô mông txos trâu sơưr đơưk; 4 HTX tâu muôz ntơưr chênhr nhav VietGAP; paz HTX Kôngz txir jok Bâu cxiv tsa hnaz ntiv, ntơưr chiv thiaz HTX Kôngz txir thiaz Nuôv zax Ngọc Chiến bax tâu zok saiz mã QR-Code chia tâus tâu qơư uô tơưv huv.

Nhiv no, ntơưv ndâux cêr Vân Hồ lok six jông gâux. Cxuô zav puôr lênhx jông, tiz nênhs shir phaz đros trâu têx txux chi cxuô hair nênhs uô trâu kruô nuôv zax ndo njôngr thâuv tâu tuôx iz lưv txos trôngx têz no.

Hâur luz 1 hli, sâu nhiax BHXH, BHYT, BH tsik muôx hâux lưv uô thôngz tỉnh tâu zuôr luôs 173 tỷ nhiax.

UBPX tỉnh Sơn La nhiv kruôr tso tơưv cêr chai công nhav thiaz puz Ntơưr công nhav yar cơưv txâuk chai têz qơưk shông cơưv 2024-2025 jias 2 trâu 37 yar cơưv hâur thax tsav tỉnh.