Hâux lưv uô qar tsêr cơưv shâuv hâux lưv choz kria STEM tâu lês ntơưv 103 luz yar cơưv ntơưv 34 tỉnh, thành phố thôngz têz qơưk. Ntơưv Sơn La, Faz tsưr ziv haik no, tâu lês ntơưv 3 luz yar cơưv: THPT Chuyên Sơn La, THPT Thuận Châu, THCS Chu Văn An, iz qar tsêr cơưv zôngv tas 3 tỷ 5 nhiax zos Petrovietnam paz. Iz qar tsêr đar 90 m², tâu cxơưv txưv têx chuôz zênhx yiaz, li: Robotics, Internet cxuô tsar zav (IoT), zos têx tsưr ziv yiaz (AI), zôngc cuôz zênhx jông, txâuk chai paz max hâux lưv cơưv shâuv trâu 35 lênhx shâuv xênhz/lớp, đros cưk kria.

Hâux lưv cxưx nhiax paz uô têx qar tsêr cơưv shâuv STEM ntơưv têx yar cơưv chia chuôz jos trâu cêr hlôngr yiaz hâux lưv choz kria, hlôngr txix cơưv têx zav muôx hâur ntơưr yiaz, tâu shâuv cias cov pâuz mênhx; cxơưz hâux lưv choz kria ntâu môn, nthuôr huôv phaz nzưr, tsưr ziv yiaz cov shâuv xênhz txơưx. Txix thâuv zok lok zôngv, têx yar cơưv tưz bax tsưr ziv saiz car, sir zôngv têx qar tsêr shâuv STEM; lês tâu jông têx hâux lưv choz kria khoa học.

Ndax no, Petrovietnam tưz krưr puz 30 poz nhiax paz cơưv trâu shâuv xênhz vax tsê txov nhêv, cơưv txơưx ntơưv têx yar cơưv: THPT Chuyên Sơn La, THPT Thuận Châu, THCS Chu Văn An; paz 1 nhiax paz lês hâux lưv Tsiaz "Viv pêx xênhv pluôs" tỉnh Sơn La.