Txux chi Tsiaz Hmôngz shông 2026 tâu tso yar nthuôr ntâu txux chi jông. Phênhv tưr nthuôr cêr lov jêv cxuoo luz jok tâu tso yar uô ntêx hlo hâur hnuz grâuv pax, muôx 8 paz nênhs. Cxuô jax cưr cxiax, sênhr chêr kruôk Đảng, Zơưv Côngz Hôx, nhiav têz nhiav qơư, đros trâu kruôk têx txux chi cênhz cưv jông hâur tsôngv cưr tix Hmôngz xã Xím Vàng.

Jias nthuôr txux chi tsênhv muôx cêr siz tưr hnar tsôngk yo trơưk chax chês, tưr tuôr nduôr blêx. Hâur phênhv tưr hnar tsôngk yo trơưk cênhz cưv, muôx 8 paz nênhs, iz paz 2 lênhx tưr hnar tsôngk yo Hmôngz hlâus thiaz tsôngk yo trơưk ntu hlôngr yiaz. Phênhv tưr tuôr nduôr blêx, muôx 3 paz nênhs. Cxuô phênhv tưr puôr lênhx muôx chôngz pêx xênhv hâur xã tuôx saiz.

Lov jêv yax hâur hnuz nthuôr txux chi mak zos cxuô phênhv tưr thể thao trơưk cênhz cưv chax chês, li: Truz hluô, lâuz pak, tuô hnênhr… Tâu sơưr đơưk buôx tês kruôk hax zav chuôz jos trâu têx nênhs tưr cuz siaz sir tas pênhr xưv, đas jos tưr cov zênhx.

Hnuz nthuôr txux chi tâu tso yar chia cxơưz cêr siz tưr nthuôr txux chi, uô lov jêv, thể dục, thể thao, bôngs cêr thôngx siaz cxuô jêx jok tuôx siz njiz; siz chos nthuôr cêr lov jêv Tsiaz Pêz châus, piar txux chi chia huôv tsar nuôv zax.