Têx hnuz kaz tuần, ntơưv tsêr txux chi tiểu khu Pán, xã Thuận Châu, suôz kênhx maz, suôz trax blaiv, trax flâux tâuz tror đror nxê nxênhs lov jêv. Têx zơưs lâuk, pos lâuk côngv yuôz lov jêv ntưk, cax siaz lus. Đros trâu têx suôz trax zos suôz paz cxơưz tưx zưv ntơưv têx tus tuz hluôs, nxaik hluôs taz tov muôx niax shông muk cơưv ntơưr siaz kâus laik mnôngs thiaz uô jông njia trơưk yênhx cêr nthuôr txux têx zơưs, têx pos. Paz cơưv suôz trax nênhs tsơưs nhoz CLB Côngv fâuv nênhs tưx siz paz tiểu khu Pán, tâu tsa thiaz lês trơưr nuv ntâu shông lok no, yênhx qơư cơưv txux chi ntơưv têx nênhs muôx hnuz nhôngs, têx cưk txux pêx xênhv Poz Ziz, yênhx hnuz uô tâu muk đêz đar cêr nhiav txux, muôx phênhv shuôv lok sâuv por hưv txux chi tiz nênhs trâu tsôngv pêx xênhv thiaz fâuv hluôs.

Zơưs Lường Văn Dòm, thành viên paz cơưv ntâuk trax pêx xênhv tus, thav tiak: Hnuz kaz tuần, lar haik mak so chaix  ntux sor, têx pos, têx zơưs cê jor mê nhuôv xênhz nzưr, cê kria trâu têx xênhz nzưr shâuv cơưv cxuô zav trax cênhz cưv ntơưv nênhs Poz Ziz li trax flâux tâuz, trax kox, kênhx maz. Têx pos mak kria nzir trâu têx xênhz nzưr tsưr ziv tơưv lâus fuôv txiax, sênhr chêr Poz Ziz đros trâu tok nrư têx hluôs zuôr tror tsưx tsês kror jông txux chi zuk hair nênhs.

Tâu hu uô “Cưk kênhx” hâur hair Hmôngz, zơưs Lưr Xênhv Tsaz, jok Hua Tạt, xã Vân Hồ zênhx tas siaz, nhiav tsưx tsês têx kênhx Hmôngz. Zơưs thav: Traz kênhx muôx qơư sơưr txơưr hlo hâur cêr uô nênhx chia siaz thiaz đaz kruô ntơưv hair Hmôngz. Taz sik nênhs pâuz yuôz kênhx cov saik jiv, yax hlo mak têx jax kênhx zôngv trâu têx cêr đaz kruô cênhz cưv nhiv no tsik yuôr ntâu lơưv. Viv li, nưk tok nrư thiaz tsik tsês kria txux chi ntơưv zuk trâu têx paz hluôs nênhs.

Ntơưv Sơn La muôx ntâu tus cưk txux gruôs pliak kria cxuô zav txux chi trâu têx hluôs, yênhx têx nênhs “tsưx tsês” thiaz “kria nzir” lok sâuv txux chi tiz nênhs. Cưk txux nto côngz Bàn Văn Đức, xã Vân Hồ, yax 10 shông, zơưs tưz kriz kria cơưv trâu zuôr luôs 1.000 tus nênhs cơưv ndâux luk, nux gri tsiv tơưv, txux chi, paz hair nênhs Cho pâuz tâu ntơưr sâu cênhz cưv. Lok sik cưk txux nto côngz Hoàng Văn Chiêm, xã Quỳnh Nhai kria trâu têx paz hluôs nthuôr txux thiaz uô tơưv trax flâux tâuz. Cưk txux nto côngz Tòng Văn Hỏa, phường Chiềng Cơi kria xênhz nzưr kox trax gâux nos...

Nhiv no, tas nro tỉnh muôx 2 tus cưk txux pêx xênhv, 27 tus cưk txux nto côngz. Tỉnh tưz lês têx cêr paz nhiax trơưk txox chai xav; kriz têx nuv uô chia têx cưk txux huôv nzir qơư sơưr, siz chos por hưv txux chi cênhz cưv cxuô zav nênhs. Txux chi cxuô zav nênhs cux tâu muôz trâu cxiax cxênhv choz kria txux chi trâu zuk thax tsav, paz tuz cơưv muôx cêr pâuz, nus ntâuv tsênhv taz tov nhoz hâur yar cơưv ntơưr.

Zơưs Phạm Hồng Thu, Phó Giám đốc Sở Txux chi, Thể thao thiaz Nuôv zax, thav pâuz: Sở zuôr tror chox car, kriz têx jâus tưr, nthuôr txux, tưr txux chi, hnuz gruôv pax txux chi, thể thao thiaz nuôv zax chia yax xiz yâu xor, kria têx chas txux chi ntơưv tỉnh txos têx fôngx zưs hâur zuk têz qơưk thiaz koz chas têz. Đhâu ntơư, chia têx fâuv cưk txux, nênhs pâuz txux côngv nthuôr, cơưv shâuv, siz khov, cxơưz paz côngz xưv tsưx tsês thiaz huôv nzir txux chi. Tror saiz hloz luz côngz têx cưk txux, cxiv kho cêr chai nhiax paz cxơưz jos têx cưk txux trâu siaz por hưv, choz kria thiaz huôv nzir txux chi.