Taz thiaz đros paz côngz xưv uô hâux lưv, tỉnh Sơn La muôx đồng chí Nguyễn Thành Công, Phó Chủ tịch UBPX tỉnh; nênhs hlôngr njêx muôs iz cxia sở, ngành ntơưv tỉnh; thơưx car huyện Mộc Châu.

Tiv coz nas shơư chuô số 3 ruôr hiav tưz uô trâu đêx nhaz, đêx cuôr thiaz ar poz cxuz hâur thax tsav tỉnh, 1 lênhx tuôs, 781 luz tsêr piav tas, 8 yar cơưv, 1 tus qox hla đêx, yax 270 ha blêx liax, 58 ha jâuz, 552 ha kôngz mas hiav; 9 ha ntông nox txir, iz cxia txox cêr ar poz cxuz thiaz đêx nhaz… Xav hur si pôngz tas 70 tiv nhiax.

Đros trâu njiaz luk “4 cias ntơưv qơư”, Ban Chox car tir tar ntux nas hloz thiaz paz chơưv tiz nênhs tỉnh tưz chox car, gruô hu têx nênhs, chuôz zênhx đơưk cêr phiv liv tiv ntux nas hiav; cxênhz yuôx hâux lưv yêv têx ziv nênhs ntơưv thax tsav nziv ar poz cxuz, đêx cuôr; chia bax qơư nhoz trâu têx ziv nênhs; zênhx max cxơưz paz pêx xênhv luz nênhx truôx njês, tror huôv tsar kôngz lông.

Đồng chí Nguyễn Quốc Trị tưz kruôk kror sir jos, zênhx max ntơưv tỉnh Sơn La hâur côngz xưv đơưk cêr phiv liv tiv ntux nas hiav. Đồng chí cxiz cov tỉnh tror chox car uô trơưk njiaz luk “4 cias ntơưv qơư” đơưk cêr phiv liv tiv ntux nas hiav. Cxênhz yuôx têx qơư nziv ntux nas hiav, tso tơưv têx tsưr ziv chia txo grêk tsơưs têx txuz ntux nas hiav. Chox car, uô jông zaz zâuv pêx xênhv tror huôv tsar kôngz lông; paz têx ziv mas ntux nas hiav nzor truôx njês luz nênhx.

Uô ntêx no, Paz côngz xưv tưz muk cxênhz yuôx hâux lưv đơưk cêr phiv liv tiv ntux nas hiav ntơưv xã Hua Păng thiaz thị trấn Mộc Châu, huyện Mộc Châu.