Tưr muôx Zênhx zos Trung tâm fuô luk Dân tộc thiaz Jêx jok (VTV5) - Đài xa đuôz Việt Nam chox car, côngv đros Liên đoàn Yêz câux vaz - Mô tô Thể thao Việt Nam, Sở Txux chi, Thể thao thiaz Nuôv zax tỉnh Sơn La kriz thiaz tâu tso yưv pov njôngr hâur ntu xa đuôz VTV5, VTV6, Đài Xa đuôz Việt Nam thiaz tâu tso yưv huôz chuôz hâur fanpage ntơưv Báo thiaz Xor tôngx chuô, Xa đuôz Sơn La.

Côngv jâus kriz muôx đồng chí Tòng Thị Phóng, kuz Uỷ viên Bộ Chính trị, kuz Phó Chủ tịch Thường trực Quốc hội; thơưx car, kuz thơưx car tỉnh Sơn La đhâu cxuô ntu; thơưx car VTV5, Đài Xa đuôz Việt Nam; Liên đoàn Yêv câux vaz - Mô tô thể thao Việt Nam; thơưx car têx sở, ngành ntơưv tỉnh đros chôngz pêx xênhv, kruô nuôv zax hâur tỉnh thiaz luôs tỉnh.

Muôx yax 110 vận động viên tuôx ntơưv 26 câu lạc bộ yêz mô tô muk cêr chor nhov hâur têz qơư tuôx tưr. Hâur ntơư, muôx 6 vận động viên pox niav thiaz 15 vận động viên luôs oz chas têz qơư nhoz, uô nuv ntơưv Việt Nam. Têx vận động viên tưr ntơưv pêz hov: Hov D1 (kriz đar); D2 (bán chuyên); E (chuyên nghiệp).

Txox cêr tưr tsav yêz tâu xav trơưk hov Hard Enduro, ntêr li 6,8 caik, sir zôngv cov tas qơư chor tox trôngz đros ntâu zav tưr thair li cêr nxaz, cêr ar, cưx ha đêx kruôr, poz jêz poz tsuôk, har jôngr lâuk, trôngx yuôx zêx njuôz thiaz têx tưr thair trơưk tsưr ziv xav.

Ntơưv no zos têx cêr taix khov vận động viên tsuv muôx tsưr ziv tsav yêz, muôx jos thiaz muôx pênhr xưv muk đhâu cêr chor nhov hâur ntu tưr, chia têx nênhs tưr pov njôngr gas siaz.

Cias tov kaz Jâus kriz tưr Zênhx tsav yêz mô tô muk cêr chor nhov Việt Nam - Cúp VTV shông 2026, ntơưv tổ dân phố Đoàn Kết, phường Vân Sơn, tỉnh Sơn La, 110 vận động viên nhoz ntơưv 26 câu lạc bộ mô tô tâus cêr muôx poz jêz, cêr zâu hâur têz qơưk tưz hla piz tưr jâus suôx câuv.

Têx nênhs tưr tưz sir jos, pov njôngr pênhr xưv muk đhâu têx tưr thair li trôngz nxaz, cêr ar, cưx ha kruôr, thax qơư muôx jêz tsuô, jôngr lâuk, yuôx zêx thiaz têx zav tưr thair… hâur txox cêr Hard Enduro ntêr 6,8 caik/lưv, pov ntâu tus tưr, siz châuv txâuk siaz, jông saiz, muôx chôngz tus nênhs, pêx xênhv thiaz kruô nuôv zax hâur zuk tỉnh thiaz luôs tỉnh tuôx saiz, cxơưz jos.

Iz hâur têx kror tsuv phax txos ntơưv jâus tưr Zênhx tsav yêz muk cêr chor nhov Việt Nam - Cúp VTV shông 2026 zos jâus xuz thơưx Ban kriz tưr muôz qơư xav tưr txux chi yênhx iz phênhv tsênhz ntơưv cêr tưr. Txơưr đuô têx tưr zênhx Enduro cênhz cưv, qơư  Checkpoint tsuôk zos qơư nhav vận động viên uô tiar cêr xav, ntơưv tưr zênhx shông no, Checkpoint tâu cxiv tsa li iz kro qơư txuôs tsês txux chi txơưr hlo ntơưv pêx xênhv Poz Ziz thiaz Cho.

Tov kaz uô tiar têx ntơưr nhav trơưk chai ntơưv jâus tưr, vận động viên zuôr tâu nênhs thax tsav no muôz câux têk chox thiaz siz njiz, nus txos nuv txux chi cênhz cưv, li đhia pak ntơưv pêx xênhv Poz Ziz, sênhr chêr cho tsưz ntơưv pêx xênhv Cho, tsês kro phênhz so uô ntêx hla trâu têx ntu tưr thair txuôk nzir sâuv cêr tưr.

Ban kriz lês tsik muôx chai txos six hơưv thênhv ntơưv Checkpoint. Tror tưr cias tov kaz uô tiar chai lok sik tsês nzir six hơưv chia muk cov tiar khov trâu tsưr ziv ntơưv yênhx tus vận động viên. Txix ndo njôngr no paz tâu iz jâus ndis muk lok đar rơưr, yênhx tus nênhs tưr nhiak xair nhiak têx zuk pov pâuz trơưk faz cêr muk lok tsik siz thôngx.

Suôx câuv, Ban kriz tưr tưz muôz 3 zênhx tiv iz trâu nênhs tưr Nguyễn Văn Ngọc (hov kriz đar); Nguyễn Duy Dũng (hov bán chuyên); Nguyễn Văn Tạo (hov chuyên nghiệp); choz 3 zênhx tiv oz thiaz 3 zênhx tiv pêz trâu têx nênhs tưr tâu zênhx ntơưv cxuô hov tưr.

Tưr Zênhx tsav yêz muk cêr chor nhov Việt Nam-Cúp VTV shông 2026 zos yar thể thao truôx njês, txơưx trâu têx nênhs tsav yêz muk cêr chor têz qơư. Ntơư cux zos nuv tsênhz mênhx chia yâu mông cêr txơưv zênhx nuôv zax, têx tox trôngz jông, txux chi tiz nênhs ntâuz tsar zav thiaz njux đuôz tiz nênhs lax trôngz Mộc Châu nhiav kruô txos fôngx zưs, kruô nuôv zax hâur zuk têz qơư thiaz ntiax têz.