Côngv jias piz kriz ciaz tsênhv muôx nênhs hlôngr njêx muôs iz cxia bộ, ngành, têx tỉnh, thành phố hâur têz qơưk. Saz tỉnh Sơn La, muôx đồng chí Đặng Ngọc Hậu, Phó Chủ tịch UBPX tỉnh.

Jias kriz ciaz Chaix ntux yiaz jâus tiv iz - shông 2026 tâu kriz txix hnuz xiaz 2/2 txos trâu hnuz 13/2 zos hâux lưv huôv tsar nhiax - txux chi têz qơưk; muôx yênhx cxênhz paz pơưs, tsêr luôv hâur têz qơưk thiaz oz chas têz đros côngv. Jias kriz ciaz muôx zuôr luôs 3.000 qar huv...

Ntơư tưz tsik zos qơư fuô kria têx hax huv, côngz bê Việt xưz, mak tsênhv zos thax qơư nthuôr hur si cxuô hair nênhs têx txux chi jông. Jias kriz ciaz tâu kriz jông zav li têx hâux lưv muôx yưv hâur hur si têz qơưk Việt, muôx cxix cxuô têx hâux lưv huôv tsar nhiax txiax, txux chi.

Jias kriz ciaz muôx 8 thax qơư zov chênhr, li: Thax qơư đros trâu njiaz luk - Thành phố Hồ Chí Minh; thax qơư “Ndis uô si chaix ntux yiaz - Têx hax huv cxuô qơư”; thax qơư “Kôngz txir nox Việt - nto mông hâur chaix ntux yiaz”; thax qơư “Chaix ntux yiaz shir phaz”; têx qơư xơưk tsôngk hnar, xơưk khâu thiaz chuôz zênhx cxuô zav (VIVC 2026); thax qơư “Tsiaz siz hluz”; thax qơư “Têx txux chi jông ntơưv Việt Nam” thiaz thax qơư đrâuv yar tiax “Luz chaix ntux yiaz thôngx siaz”.

Muôx luk jias no, Thủ tướng Chính phủ Phạm Minh chính haik mênhx: Jias kriz ciaz Chaix ntux yiaz jias tiv iz shông 2026 zos qơư chuôz jos chia muôs têx hax huv hâur têz qơưk tâu jông đuô, paz lês tâu jông cêr siz tưr uô kôngz lông, lax luôv cias hâu shông yiaz 2026.

Thủ tướng cxiz cov Bộ Công Thương bax cxix cxuô zav, chia cov jias Kriz ciaz tâu kriz yênhx côngz tâu jông, saiz jias Kriz ciaz no zos qơư chuôz jos zov chênhr chia lês nto mông têx hax huv ntơưv Việt Nam hâur ntiax têz, paz trâu têx hax huv nto mông hâur thax tsav thiaz ntiax têz cias shông 2026.

Têx bộ, ngành, cơ quan, đơn vị, thax tsav moz siaz hlôngr yiaz cêr xar txix li "tuv, fuô kria têx hax huv". Moz siaz sir zôngv công nghệ số lok fuô kria têx hax huv ntơưv thax tsav, hax huv OCOP… paz trâu côngz bê Việt Nam nto mông txos trâu têx fôngx zưs ntiax têz. Đros ntơư, moz siaz kriz têx hâux lưv siz khov, nthuôr têx txux chi, haik cưr cxiax, sênhr chêr, paz muôx cêr shir phaz trâu pêx xênhv.

Côngv jias kriz ciaz no, tỉnh Sơn La muôx iz qar huv đar 200 m2 chia fuô kria têx hax huv zov chênhr ntơưv thax tsav, hax huv OCOP, têx đuôz fuô kria lok sâuv hâux lưv huôv tsar nhiax - xã hội, têx dự án, cêr chai cxơưz paz ntơưv tỉnh.

Iz chas hâux lưv fuô kria têx hax huv, thax qơư tuv hax huv ntơưv tỉnh Sơn La tưz tâu kriz trơưk njiaz luk hâur chaix ntux yiaz, đros trâu têx txux chi ntơưv thax tsav. Têx qơư fuô kria txos luz Tsiaz, qơư fuô kria hax huv txơưr hlo, qơư ndis shuôk uô si, qơư nthuôr têx txux chi chia paz muôx ntâu qơư trâu têx kruô ndis shuôk.

Đhâu jias kriz ciaz, têx hax huv kôngz, txir nox đros trâu têx txux chi ntơưv Sơn La tưz tâu fuô kria đêz đar, txix ntơư paz trâu têx hax huv muôs tâu jông đuô; paz muôx cêr siz khov chia cxiv tsa têx tour, têx qơư nuôv zax thax tsav hâur hur si têz qơưk trâu tỉnh Sơn La.