Tsưr ziv tâu fuô lês hâur thax ar đar 5,1 ha ntơưv phường Chiềng Cơi thiaz xã Bình Thuận, muôx 6 ziv nênhs côngv chos cà phê. Têx ziv nênhs tâu paz 3 jâus qir mfông, li: Zuôr luôs 7 tấn qir NPK thiaz yax 3,7 tấn qir hữu cơ vi sinh. Iz chas ntơư, dự án tsênhv paz qir mfông trâu blôngx ntơưv Công ty cổ phần Bình Điền - Mê Kông thiaz yuôx tsuôs por hưv kôngz lông hur ntơưv Công ty cổ phần Qir Bình Điền.

Fuô lês tsưr ziv, têx ziv nênhs tưz tâu kria pâuz cxuô tsưr ziv chos cà phê txơưx njê, li: Txiar chês, saiz car hâux lưv mfông qir, zưs đêx, tir tar caz hmoz hiav thiaz por hưv ntông chos txơưx fiv, fiv huv đêx ar huôz chuô txơưr txar. Hâur ntu fuô lês, cán bộ kỹ thuật ntơưv Trung tâm Khuyến nông thiaz Hlôngr pâur số tỉnh tưz tsik so tsi njênhk cơ sở, kria tuz kôngz pâuz chos ntông zos li cêr tuôr xav; têx chuyên gia ntơưv Công ty cổ phần Qir Bình Điền kria pâuz mfông qir fiv huv trơưk yênhx ntu trâu ntông cà phê hloz jông, sâu nju, tir tar ntux yar ntux nas txơưr txar. 

Đhâu tsưr ziv no, têx đơn vị siz chos lês xar cov paz hlôngr yiaz muôx kaz hâu hâux lưv huôv tsar kôngz lông trơưk faz truôx njês, sir zôngv qir thiaz yuôx tsuôs por hưv kôngz lông hur cov fiv huv đêx ar huôz chuô txơưr txar thiaz paz nênhs chos cà phê sâu nzir nhiax zôngv.