Zơưs Hà Như Huệ, Giám đốc Sở Công Thương, kria pâuz: Hâur shông, ngành Công Thương tưz tưx cxênhz yuôx, saz lax cxiv kho Tsưr ziv fuô lês Tsov xav tỉnh ntu 2021-2030, tuôr xav txos shông 2050 zos ngành hâux lưv, đros ntơư tsênhv moz siaz cxiv kho tsov xav chuyên ngành thiaz cxiv tsa cxênhx cxênhv cxiv kho tsov xav thax tsav. Cxênhz yuôx hur si kror qơư huôv tsar, tu jông kôngz txir nox; saz lax trâu UBPX tỉnh thiaz đros cxuô sở, ban, ngành siz chos đơưk cov tâu sai têx “kror tsik tâu thôngz” lok sâuv cêr chai chia têx dự án cxưx nhiax uô tâu lês muôx kaz hâu.

Shông 2025, tỉnh tưz gruô hu 2 dự án cxưx nhiax tu jông kôngz txir nox, li: Dự án Tsêr máy Cà phê Cascara đo shơư đêx hâuk Sơn La thiaz Dự án Tsêr máy Dream Plastic Mai Sơn; piz uô 3 dự án zov chênhr. Hâur ntơư, 2 dự án tưz tâu công nhav uô tiar muôz lok sir zôngv zos Tsêr máy jov hmôngr biến tính BHL Sơn La thiaz Nhà máy tu jông kar nox VFI Sơn La, xav hur si muôx yax 918 tỷ nhiax pênhr.

Huôv tsar vax tsêr, cêr muk lok trâu cụm xuôk máy uô tâu moz siaz txos, tso tơưv tsưr ziv huôv tsar 25 cụm xuôk máy uô, tâu muôz lok kriz zôngv trâu Tsov xav tỉnh ntu 2021-2030. Hâur ntơư, cụm xuôk máy uô Mộc Châu gruô hu têx dự án tâu 93,4%; Cụm xuôk máy uô Gia Phù tror tâu uô tiar vax tsêr, cêr muk lok, gruô hu tsưr muôz nhiax uô tuôx tso pênhr uô nox tâu 15,74%. Đros ntơư, tsênhv moz siaz gruô hu têx tsưr muôz nhiax uô tuôx cxiv puôz vax tsêr, kriz cêr muk lok trâu têx thax tsav muôx ntâu kror muôx liv nhoz têx cụm xuôk máy uô Quỳnh Nhai, Thuận Châu.

Shông 2025, xav tơưv huv xuôk máy uô tsar nzir hur si ngành tsar 11,93% njuôk li shông uô ntêx, sir jos tâu sơưr tiv 12/34 tỉnh, thành phố; chỉ số xav tơưv huv hur si ngành txuôs jông kror sâu nju truôx njês tâu 11,9%, hâur ntơư: Ngành uô tơưv điện tsar 13%; ngành xuôk máy khơưz têx zav xênhz txơưv nhoz hâur đruôz ar tsar 9,1%; ngành tu jông kôngz txir nox tsar 6,7%; ngành tso đêx, hâux lưv saiz car thiaz sâu hlơưr por tsês têx khâuz nhaz, liv đêx kiak nênhs tsar 6,6%.

Zơưs Khương Thế Anh, Giám đốc Công ty Tênhz đêx Sơn La, thav tiak: Shông 2025, đơn vị tưz fuô lês têx cxênhx cxênhv zos li tsưr ziv tso tơưv, nhav nxiak nhaz xênhz thiaz saiz car muôx kaz hâu hâu đêx chia uô tơưv tâu ntâu điện. Xav hur si điện shông 2025 uô tơưv 14,5 tỷ kWh, tâu 112% tsưr ziv Tập đoàn zok, paz muôx txâuk điện trâu cxuô kror qơư hâur têz qơưk sir zôngv, cxơưz thax tsav sâu nju nhiax txiax.

Côngz xưv cxơưz kôngz txir nox tâu fuô lês tsik tsês, Sở Công Thương tưz saz lax tso tơưv têx tsưr ziv muôs huv trâu oz chas têz thiaz uô luôv điện tử ntu 2025-2030; tsik tsês đros cxuô thax tsav siz chos cxưx nhiax uô, đros tỉnh Thanh Hoá cxơưz cêr lax luôv thiaz huôv tsar nuôv zax, paz lês jông hâux lưv uô luôv hax huv truôx njês; siz chos kriz yênhx côngz Jias kriz ciaz cxơưz cêr lax luôv kôngz txir nox thiaz huv OCOP thax tsav Tây Bắc - Sơn La shông 2025; txuv têx cxênhx xưv cxơưz cêr lax luôv li: Kriz ciaz Cxơưz cêr lax luôv ntiax têz Việt Nam, Kriz ciaz Chaix Ntux lax jâus tiv iz, đros 55 cxênhx xưv siz chos uô lax luôv hâur hur si têz qơưk. Đros ntơư, tsênhv đros têx tỉnh đriv têz, cxuô đơn vị cik txos chia pâuz xor mông uô luôv hax huv trâu oz chas têz; xor mông uô ntâuz ntơưr uô luôv hax huv, paz tsêr luôv tso tơưv tsưr ziv uô nox; đros Hàn Quốc, Liên bang Nga siz khov cêr lax luôv. Côngz xưv kria cxuô kror qơư pâuz tâu fuô lês tsik tsês đhâu tso tơưv fâu ntơưr sâu luk Việt - Anh - Trung thiaz têx xor mông uô lax luôv trâu 4 hax huv zov chênhr: Lưv tsiz, mo môngk, cà phê, yuôx zêx, paz tik bê kôngz txir nox Sơn La nto mông hâur cêr lax luôv. Lar haik hâur hâux lưv cxơưz lax luôv điện tử, Sở tưz đros Cục Cxơưz cêr lax luôv điện tử thiaz Nhiax txiax số fuô lês côngz xưv cxênhz yuôx sâu tsês cxơưz cêr lax luôv điện tử shông 2025 siz chos kriz 4 Jias kria pâuz tsưr ziv sir zôngv cxơưz cêr lax luôv điện tử shông 2025 trâu yax 200 đại biểu hlôngr njêx muôs trâu têx qơư uô luôv kôngz lông, muôs huv, HTX, ziv nênhs uô lax luôv, ziv nênhs nhoz têx xã Muổi Nọi, Mường La, phường Tô Hiệu thiaz Chiềng An. Đros Tổng Công ty Bưu điện Việt Nam, Bưu điện tỉnh Sơn La siz chos kriz yênhx côngz têx jias livestream kriz ciaz tênhv chaix OCOP siz chos uô luôv txir khơưz, mo môngk thiaz têx kôngz txir nox txơưr...

Hâux lưv cxơưz cêr lax luôv sâu nju nhiax txiax. Xav hur si nhiax huv sâu tâu yax 41.129 tỷ nhiax, tsar 14,15% njuôk li shông 2024. Lar haik, hâux lưv muôs huv trâu oz chas têz tưz uô tâu hâux lưv muôx kaz hâu viv pâuz paz muôs tas têx kôngz txir nox. Têx huv kôngz txir nox ntơưv tỉnh tâu sâu zuôr thiaz muôs tas đros trâu gri nhiax fiv huv, paz por hưv pêx xênhv luz nênhx truôx njês. Xav hur si hax huv muôs trâu oz chaz têz shông 2025 sâu tâu 225,3 triệu nhiax đô la, tsar 13,55% njuôk li chaix no tsaiz no. Hâur ntơư, huv kôngz txir nox thiaz kar nox muôs trâu oz chas têz xav sâu tâu 218,4 triệu nhiax đô la, sâu nju nhiax txiax tâu 14,69% njuôk li shông 2024.

Côngz xưv saiz car cêr lax luôv tâu chox car fuô lês tsik so, siz lơư lias. Chox car kria pâuz ntov nti đhâu têx tus số “pâuz haik luk”. Lar haik hâur hli zov chênhr, côngz xưv cxênhz yuôx tov kaz cxênhz yuôx tas tưz nzor pâuz, cxov, bluô thiaz muôz tik cêr cxâuv 13 txuz nxor hnho; Chi cục Saiz car cêr lax luôv tưz cxênhz yuôx 209 txuz, cxov 158 txuz cxâuv chai, bluô yax 926 triệu nhiax trâu Têz qơưk. Hâur shông 2025, tsôngv saiz car gri hax huv tưz cxênhz yuôx 786 txuz, cxov 694 txuz zuôv chai, xav hur si bluô yax 4,2 tỷ nhiax trâu Têz qơưk. Xav hur si nhiax huv mas thuk thiaz sâu hlơưr por tsês nto yax 1,6 tỷ nhiax, paz tir tar zênhx max chor nênhs uô luôv huv chuôr, huv tsik zos chai hâur thax tsav tỉnh.

Txix têx hâux lưv uô tâu, shông 2026 ngành Công Thương sir jos uô tiar tsưr ziv tso tơưv, xav hur si nhiax huv sâu tâu 43.500 tỷ nhiax, tsar 10%; chỉ số uô tơưv huv xuôk máy uô hur si ngành tsar 2,5% thiaz nhiax huv muôs trâu oz chas têz xav hur si sâu tâu 240 triệu nhiax đô la, tsar zuôr luôs 11,6 % njuôk li shông 2025. Ngành Công Thương tror zênhx max uô tiar têx dự án tu jông kôngz txir nox thiaz cxiv puôz tiar vax tsêr, kriz cêr muk lok trâu cụm xuôk máy uô chia gruô hu tsêr luôv tuôx tso pênhr uô nox; tsik tsês cxơưz cêr lax luôv, sir zôngv tas cêr muôx liv hâur cxơưz cêr lax luôv điện tử siz chos uô lax luôv; saiz car ntov nti gri hax huv, tsik tsês txo tsơưs ntâuz ntơưr đros trâu cxiv tsa nov hâu số chia paz zênhx max tuz luôv uô tiar ntâuz ntơưr tâu sai.