Chia gruô hu têx dự án FDI, Sơn La tưz gruô hu têx tổ chức quốc tế, cơ quan hlôngr thav luôs oz chas têz Việt Nam nhoz luôs têz qơư chia yâu mông têx txơưv zênhx, muôx ntơưv zuk thax tsav. Đros ntơư, sir jos kria mông, têx zav lok sâuv cxơưz cxiv tsa, lax luôv, nuôv zax, côngv têx jâus cơưv, kriz ciaz ntiax têz thiaz txiz paz côngz xưv zok nriar cêr siz khov đros tsêr luôv luôs oz chas têz.

Tas shông 2025, tas nro tỉnh muôx 8 dự án FDI xav pênhr nhiax chos luk muôx li 161 triệu nhiax đô la, muôx: Dự án khơưz côngr niken jok Phúc, xã Tạ Khoa; dự án côngv luôv Trung tâm  uô tơưv ntông nox txir, ntông chos jông Việt Hàn; Công ty TNHH Nôngz ntông chos Takii Việt Nam, phường Mộc Sơn; chos thiaz uô yuôx zêx muôs luôs oz chas têz ntơưv Công ty TNHH Li Garden Việt Nam, phường Thảo Nguyên; Tsêr máy tsưx tsês thiaz uô tơưv huv kôngz txir chuôz zênhx jông Vân Hồ thiaz dự án Tsêr máy yuôx zêx ntơưv Công ty TNHH Satoen Việt Nam, xã Vân Hồ; dự án uô nuv ntơưv Công ty TNHH CJ CGV Việt Nam, Chi nhánh Sơn La; dự án Tsêr máy Dream Plastic Mai Sơn ntơưv Công ty Dream International Limited (Hàn Quốc), Thax công nghiệp Mai Sơn. Têx nênhs cxiv tsa zov chênhr tuôx ntơưv New Zealand, Nhật Bản, Hàn Quốc, faz cxiv tsa uô cê trâu kôngz lông chuôz zênhx jông, jov kôngz txir, khơưz têx côngr thiaz uô tơưv công nghiệp.

Hâur têx dự án FDI taz tov fuô lês, dự án Tsêr máy Dream Plastic Mai Sơn ntơưv Công ty Dream International Limited (Hàn Quốc) tâu cxiv tsa ntơưv Thax công nghiệp Mai Sơn đros xav hur si pênhr chos luk 7 triệu nhiax đô la, cêr xav uô tơưv, uô têx tưx nhuôv zâuk uô si thiaz têx huv trox ntông, đas jos uô xav tâu li 20 triệu kror huv/shông. Zơưs Jang Kyung Ho, Phó Giám đốc Công ty TNHH Dream Plastic,thav pâuz: Tsêr luôv kruôk txos cêr côngv lês, paz zênhx max ntơưv têx sở, ngành tỉnh Sơn La hâur ntu uô tiar ntâuz ntơưr cxiv tsa thiaz chos luk fuô lês dự án huv cêr xav, trơưk chai têz qơưk xav.

Dự án chos thiaz uô yuôx zêx Nhật muôs trâu luôs têz qơư ntơưv Công ty TNHH Satoen Việt Nam, nhoz trâu ntơưv tiểu khu Sao Đỏ 2, xã Vân Hồ, muôx 41 ha vax yuôx zêx chia uô, tâu paz cxix cxuô chuôz zênhx uô jông thiaz sir zôngv lưv ciz uô tưx uô, ntov nti. Đas jos 2 tấn yuôx zêx njuôz /hnuz, yuôx zêx Matcha 2,5 tấn/hnuz. Têx huv ntơưv Satoen  tâu chênhr nhav ntiax têz li HACCP, HALAL, GLOBAL GAP.

Iz chas ntơư, Dự án khơưz thiaz uô côngr ntơưv Công ty TNHH Côngr Niken jok Phúc (Zos Tập đoàn Blackstone Minerals Limited - Australia) zos dự án FDI muôx kror lox đar yax ntơưv Sơn La, đros trâu xav hur si pênhr nhiax cxiv tsa 136 triệu nhiax đô la. Taz sik, dự án taz tov lav thênhv tsik lês chia lês têx ntâuz ntơưr muôx nzir hnuz nhôngs tso chai trơưk chai xav. Têx dự án FDI tsênhv yuôr mak zov chênhr zos dự án kôngz lông, jov kôngz txir đros zav uô zâu thiaz tov thơưx, pênhr cxiv tsa tsik ntâu, uô nuv trơưk chaix chiv.

Pos Hà Ngọc Châu, Phó Giám đốc Sở Tài chính, thav pâuz: Shông 2025, Sở tưz cxênhz yuôx têx hồ sơ zênhv cêr cxiv tsa, muôz ntơưr chênhr nhav chos luk cxiv tsa thiaz ntâuz ntơưr muôs cổ phần, pênhr côngv uô cê ntơưv paz pơưs muôx pênhr cxiv tsa luôs têz qơư; đros ntơư, côngv đros Công an tỉnh yuôx têx njiaz luk cik txos tsưx hưv têz qơư, njias to, chok nxiak zos lưv ciz, cêr xav thiaz txox chai têz qơư xav.

Iz chas ntơư, taz nhav, kho đơưk hồ sơ chos luk zuôr muôs cổ phần, pênhr côngv iz cxia tsêr luôv muôx pênhr cxiv tsa luôs têz qơư; Cxênhz yuôx hồ sơ taix khov tso chai lês cêr cxiv tsa Dự án Tsêr máy jov kôngz jông chuôz zênhx jông Tạ Khoa. Đros ntơư, côngv đros têx cơ quan tâu chai kria kho đuô ntơưr chênhr nhav chos luk cxiv tsa, cxiz têx tsêr luôv FDI lês chai fuô trơưk chaix, tsik si saiz njôngr têx nuv uô cxiv tsa, zênhx max tik cêr cxâuv têx nênhs zuôv chai, kênhz cêr xav lês, uô tsik jông.

Nhiv no, hâux lưv gruô hu FDI tsik tâu tênhv khov, tiv Sơn La zos thax tsav nhiax txiax- xã hội tsênhv lok sik txov nhêv; cxuô zav tsik tâu jông siz xưk, qơư nhoz đêz têx đrôngs nhiax txiax thiaz cêr pâur muôs, nhiax cxiv tsa ntâu; nênhs uô nuv txơưx tsik tâu chôngz, têx qơư uô tơưv huv ntơưv tsêr luôv thiaz HTX zâu. Viv li, tsik tâu txâuk siaz trâu têx nênhs cxiv tsa luôs oz chas têz.

Tỉnh pêz tsik tâu muôx dự án FDI txâuk chia tâu zôngv cêr xuz paz cxiv tsa txơưr hlo trơưk Chai Cxiv tsa shông 2020, pov tsênhz cêr gruô hu nênhs cxiv tsa muôx nhiax txiax ntâu, chuôz zênhx jông njiz ntâu cêr txov nhêv.Têx dự án FDI zov chênhr tsik lox, zâu đuô 10 triệu đô la, côngv paz trâu kôngz lông đros nux gri tsar nzir thiaz cêr sir zôngv chuôz zênhx tsênhv tsơưs. Thax công nghiệp Vân Hồ txơưv tâu tso chai lês yax 216 ha, taz sik tsik tâu nênhs cxiv tsa jông vax tsê. Cux iz zav li, têx thax tsav công nghiệp thiaz thax tsav trôngx lôngs đriv têz tsik tâu muôx jông logistics, nuv paz txos, tsik tâu tsa yênhx thax tsav nhiax txiax trôngx lôngs đriv têz,  li ntơư kror gas siaz txos têx pênhr nhiax cxiv tsa hla đriv têz tsik tâu muôx ntâu.

Gruô hu pênhr FDI muôx txiax njis tsênhv chênhz hâur cêr cxơưz paz tsar nhiax truôx njês, tỉnh pêz côngv têx tsưr ziv xav,li: Kho đuô jông cxuô zav, tuôr xav đêx ar, uô sai yêv qơư đo thiaz hlôngr ntơưr hành chính chia muôx cêr cxiv tsa đar rơưr, gas siaz têx nênhs cxiv tsa luôs têz qơư. Zov chênhr côngv tsa yênhx têx thax, qơư công nghiệp, uô tiar jông têx zav logistics chia tsar cêr gas siaz. Yôngv siaz nuv lês, mênhx pêv thiaz truz lur hnuz nhôngs uô têx ntơưr hành chính trâu tsêr luôv. Cxiv tsa cêr chai, nhiax xuz paz cxiv tsa txâuk siaz, lar haik mak têx faz kôngz lông zôngv jông chuôz thiaz nuôv zax tox trôngz hâur pêk. Ndo njôngr xair tsov nênhs cxiv tsa, đros trâu têx bộ, ngành Trung ương chia kriz lês nuv cxơưz paz cxiv tsa. Cêr xav chia gruô hu têx dự án muôx chuôz zênhx jông, huv cêr nyiaz hur, siz chos yôngv siaz pênhr xưv siz tưr thiaz chok nxiak tsar nhiax truôx njês trâu zuk thax tsav.