Shông 2025, nhiax txiax tsênhv njiz ntâu cêr phiv liv, Sơn La tuôr xav gruô hu muôz nhiax lês hâux lưv zos iz hâur têx tsưr ziv zov chênhr chia tsưx truôx hâux lưv huôv tsar. Tỉnh tưz moz siaz chox car têx sở, ngành, thax tsav fuô lês cxix cxuô têx tsưr ziv cxiv kho qơư lês hâux lưv. Iz chas 39 ntâuz ntơưr khov tso chai lês dự án yiaz tưz tâu tso chai lês, tỉnh tưz cxênhz, tso chai lês 21 dự án, đros trâu hur si nhiax muôx nzir 1.032 tỷ đaiv. Têx dự án moz siaz trâu saz sâu nju nhiax li saz tsuôv cuô, tsưx tsês kôngz, txir nox, xơưk khâu, muôs hax huv; tsi njênhk fiv huv cêr tuôr xav, fiv huv pênhr xưv fuô lês thiaz hâux lưv huôv tsar nhiax txiax - xã hội.

Zơưs Hoàng Văn Vạn, Giám đốc Sở Tài chính, haik pâuz: Shông 2025 tỉnh tưz moz siaz lês jông côngz xưv cxênhz yuôx, cxaz nzir têx cêr tuôr xav, moz siaz siz khov lês ntâuz ntơưr têz qơưk thiaz zênhx max đơưk têx cêr phiv liv trâu tsêr luôv; têx ntâuz ntơưr, đêx ar, cxiv puôz tâu cxênhz đuô. Đhâu têx jias cơưv đơưk cêr phiv liv, ntâu cêr khov vav ntơưv tsêr luôv tưz tâ tu zênhx max, ntơư zos kror moz siaz txos têx tsêr luôv ntơưv nov hâu tỉnh.

Gruô hu muôz nhiax lês hâux lưv shông 2025 tưz tsik zos pov đhâu têx dự án tâu tso chai lês xưz, mak tsênhv pov mênhx txix li têx hâux lưv uô kôngz lông, lax luôv ntơưv ntâu dự án. Ntơưv xã Mường Bú, Tsêr mair kra kruôr txir tsơưz ntơưv Công ty CP Musa Green piz lês hâux lưv txix têx hli kaz shông 2025, tưz yênhx qơư siz khov lês hâux lưv ntơưv thax tsav. Tsêr mair paz muôx hâux lưv uô trâu 30-40 lênhx nênhs uô nuv, nhiax hli txix 6 triệu đaiv/nênhs/hli. Zơưs Nguyễn Văn Tiến, Giám đốc Công ty haik mênhx: Hâur ntu fuô lês dự án, tsêr luôv tưz nhav tâu cêr paz ntơưv têx cơ quan ntơưv tỉnh hâur uô ntâuz ntơưr thiaz siz khov huôv tsar qơư chos, paz zôngx ziv chia tsêr luôv tso siaz uô kôngz lông, lax luôv.

Ntơưv thax tsav tsêr mair Mai Sơn, Tsêr mair jov mnôngr kok ntông ntơưv Công ty CP BHL Sơn La lês tiar thiaz piz lês hâux lưv, đros trâu jov tâu 300 tấn/hnuz. Dự án tưz paz trâu kok ntông muôs tâu gri đuô, kriz đar qơư muôs hâur têz qơưk thiaz oz chas têz, paz trâu pêx xênhv muôx hâux lưv uô truôx njês.

Tsêr mair xơưk khâu ntơưv Công ty CP Khâu Yên Châu, xã Yên Châu tưz pov tâu lês tâu jông hâux lưv gruô hu têx paz pơưs, tus khênhx muôz nhiax uô nuv đros trâu paz muôx hâux lưv uô. Tsêr mair tuôr xav uô tâu yax 1 triệu hax huv/shông, paz muôx hâux lưv uô trâu yênhx puô lênhx nênhs uô nuv ntơưv thax tsav. Muôv Lò Thị Kim Khánh, Tổ trưởng Tổ Xơưk khâu, haik pâuz: Fênhx đraz thâuv nhiv kruôr lês hâux lưv mak nhiax tâu 5-7 triệu đaiv/hli, nênhs uô nuv tâu zuôr bảo hiểm thiaz tâu sir zôngv hur si têx cêr chai.

Iz chas têx tsêr mair tưz lês hâux lưv, tỉnh tưz muôz quyết định tso chai lês Dự án Tsêr mair Dream Plastic Mai Sơn ntơưv Công ty TNHH Dream Plastic (dự án FDI), đros trâu hur si nhiax lês yax 181 tỷ đaiv; Dự án zos qơư uô chuôz zênhx trâu mê nhuôv zâuk uô si  thiaz têx hax huv txơưr, tuôr xav uô tâu 20 triệu hax huv/shông; trơưk tuôr xav, tsêr mair zuôr uô tiar thiaz muôz lok uô hâux lưv hâur hli 3/2026. Dự án Tsêr mair Cà phê Cascara Sơn La, ntơưv Công ty CP Cà phê Cascara Sơn La cux tâu tỉnh muôz quyết định tưz tso chai lês hâux lưv đros trâu hur si nhiax chos luk zuôr luôs 103 tỷ đaiv; trơưk chos luk, iz shông tsêr mair uô tâu zuôr luôs 200 tấn yuôx zêx Cascara, 500 tấn cà phê Cascara ciz jov mok, 3.000 tấn Cascara (tơưr cà phê gra kruôr) thiaz 300 tấn cà phê ciz jov mok.

Kror moz siaz lês hâux lưv hâur shông 2025 tưz tsi njênhk tâu qơư sơưr thiaz tsưr ziv hlôngr yiaz ntơưv tỉnh Sơn La. Têx dự án yiaz tâu tso chai lês thiaz têx dự án taz tov nthuôr huôv tâu jông tưz paz kriz đar qơư huôv tsar, chuôz jos truôx khor chia tỉnh Sơn La gruô hu tâu pênhr nhiax lês hâux lưv, paz huôv tsar nhiax txiax truôx njês hâur têx shông zuôr txos.