Chia gruô hu cxiv tsa trâu tsêr nhoz lax luôv thiaz huôv tsar đrôngs, tỉnh pêz tưz ndo njôngr mênhx pêv, fuô lês zênhx max têx chai yiaz, muôx cêr cxiv tsa to cêr thuôr, mênhx pêv; yuôx, tso tơưv, chox lês têx ntâuz ntơưr xav cxâuv chai têz qơư txos trâu têx chai cik txos. Sir jos hlôngr ntơưr hành chính, yôngv siaz cêr cxiv tsa, côngv kho đuô tuôr xav tỉnh thiaz tuôr xav đrôngs chia muôx ar hur, xav huôv tsar mênhx trơưk yênhx thax tsav, yênhx fênhr. Iz chas ntơư, tỉnh tưz tsa tơưv têx paz côngz xưv chuyên trách  paz max, đros đraiv nênhs cxiv tsa thâuv sox njuôk, fuô lês dự án.

Pos Trần Thị Ánh Tuyết, Trưởng Phòng Saiz car cxiv tsa iz chas nhiax txiax, Sở Tài chính, thav pâuz: Hâur shông đhâu, Sở tưz taz nhav, kho đơưk 33 hồ sơ taix khov zênhv cêr cxiv tsa. Hâur ntơư, UBPX tỉnh tưz tso chai uô 11 dự án đros pênhr nhiax chos luk 14.951 tỷ đaiv,muôx têx thax đrôngs, thax pêx xênhv nhoz, yar yêz, qơư đar vax nza thiaz dự án kho đuô đrôngs tại Mộc Châu, Vân Hồ, Yên Châu thiaz thành phố Sơn La (kuz).

Cêr huôv tsar đrôngs ntơưv Sơn La  taz tov hlôngr txix li zâu, tsik uô cê yênhx têx thax tsav đrôngs siz luôs, đros trâu tox trôngz, uô nuv thiaz nuôv zax. Ntâu dự án lox tâu fuô lês, muôx mênhx mov đrôngs yiaz, hâur ntơư pov njôngr zos Thax đrôngs jông trâu sơưr đơưk shâuv Mộc Châu đar jê 98 ha, xav pênhr muôx li 3.500 tỷ đaiv, huôv tsar trơưk faz đrôngs jông fiv, vax tsê siz luôs, fiv huv qơư njuôz thiaz tox trôngz hâur pêk; Thax  đrôngs uô nuv trôngx lôngs muk  phường Vân Sơn, đar 38,7 ha, xav pênhr nhiax cxiv tsa 2.350 tỷ đaiv; Thax tsav đrôngs Bó Bun, phường Bình Minh,  đar jê 10 ha, xav pênhr 655 tỷ đaiv...

Tas shông 2025, thax tsav tỉnh muôx 21 dự án cxiv tsa puôz tsêr nhoz tưz xair tâu nênhs cxiv tsa đhâu têx chai muôs yôngv gri vax huôv sir zôngv ar, yôngv dự án muôx sir zôngv ar thiaz têx chai trơưk chai txơưr. Hâur ntơư, muôx 11 dự án txâuk chai gruô hu pênhr txix li muôs, puz ntiar zuôr tsêr nhoz trâu ntu tov kaz, lok sik jav vax huôv sir  zôngv ar muôx jông zav trâu nênhs pêx xênhv tưx puôz tsêr nhoz, li Trung tâm lax luôv, tsêr nhoz lax luôv Vincom Sơn La; Thax tsav pêx xênhv nhoz lax luôv đêx Nậm La – njux số 5, phường Tô Hiệu; Thax tsav đrôngs jok Buổn, phường Chiềng Cơi...

Dự án Tổ hợp tsêr kruô, tsêr nhoz thiaz ciaz nuôv zax Mộc Châu, phường Mộc Châu zos Công ty CP Civ tsa thiaz Huôv tsar đrôngs Trí Đức uô tsưr cxiv tsa, lox 5,6 ha, muôx 120 luz tsêr nhoz, hâur ntơư muôx 100 luz tsêr  siz txuôk jưk thiaz 10 luz jông tsêr, đros tsêr kruô jông 10 yôngx, trung tâm hội nghị, ciaz lax luôv thiaz têx công trình paz đros, xav nhiax pênhr cxiv tsa yax 370 tỷ đaiv. Pos Nguyễn Thị Trang, hlôngr nênhs cxiv tsa, thav pâuz: Dự án tưz uô tiar hur si têx tsưr ziv thiaz txâuk kriz muôs 120 luz tsêr nhoz yênhx trâu tov kaz; têx zav ciaz lax luôv, trung tâm hội nghị thiaz tsêr kruô tsov xav piz puôz trâu shông 2026. Tsêr luôv taz  tov sir jos uô sai muôz dự án lok zôngv, gruô hu nênhs pêx xênhv tuôx nhoz, uô luôv, siz chos yênhx qơư đrôngs vav mênhx, njuôz - hur - jông, gas têx kruô nuôv zax siaz.

Cêr gruô hu cxiv tsa trâu tsêr nhoz lax luôv thiaz huôv tsar đrôngs tưz uô tâu cêr hlôngr mênhx pêv trâu Sơn La, txix qơư đrôngs tâu kriz đar, vax tsêr zênhv hnuz zênhv jông fiv, cxuô zav jông tâu cxiv puôz siz luôs. Têx ar ntâu zav cê fiv huv kho uô tsêr nhoz, cê siz chos paz sâu nju nhiax txiax têz qơư, muôx nuv uô thiaz cxơưz paz huôv vav nhiax txiax truôx njês. Txix li côngv siaz ntơưv pêx xênhv thiaz sir jos ntơưv nov hâu, Sơn La taz tov haik tsênhz zos qơư txâuk siaz ntơưv têx nênhs cxiv tsa ar thax tsav kâuv Têz hnuz Pôngz.