Zơưs Lường Văn Bua, Phó Chủ tịch UBPX xã Mường Sại, haik tiak: Ntu 2020-2025, xã Mường Sại (đrav ntêx zos xã Mường Sại thiaz Nặm Ét kuz) txix nhiax pênhr têx Hâux lưv têz qơưk thiaz Đề án por hưv pêx xênhv luz nênhx tâu jông, huôv tsar nhiax txiax- xã hội thax tsav pêx xênhv yaik qơư nhoz yiaz chia tsês vax tsêr uô tsêr máy tênhz đêx Sơn La (Đề án 666), xã tưz cxưx nhiax cxiv puôz vax tsêr, cêr muk lok jêx jok zov chênhr, li uô kror đêx hur sir zôngv nhoz uô cê, chaz điện têz qơưk trâu pêx xênhv jêx jok sir zôngv, lênhv bê tông trâu 13 txox cêr... Txos nhiv no, 100% cêr muk lok ntâu xã, yax 90% cêr muk lok ntâu jok, 100% txox cêr muk lok hâur jêx jok tâu uô jông. Đros ntơư, paz zuz ntông chos thiaz nôngz tsiax cxu zus li nhux, yik sha mê nhuôv, kria pêx xênhv pâuz hlôngr yiaz nôngz kôngz chos, nôngz tsiax cxu zus, cxiv tsa têx tsưr ziv huôv tsar nhiax txiax fiv huv thax tsav hâux lưv.

Lar haik shông 2025, xã Mường Sại tâu paz yax 6 tỷ nhiax txix Hâux lưv têz qơưk 1719, fuô lês 4 dự án cxiv kho yar tsêr cơưv; uô yiaz kror đêx hur sir zôngv; zuôr chuôz zênhx uô côngz xưv trâu cán bộ, công chức xã tov kaz cxiv kho, côngv muôz lok uô cê trơưk tsưr ziv nov hâu thax tsav oz cấp. Tsik tas li, xã tsênhv cxưx nhiax uô jông txox cêr txuôk đrôngs thax tsav Nặm Ét thiaz Mường Sại xav hur si pênhr cxưx nhiax uô yax 18,6 tỷ nhiax; dự án cxiv kho tsêr uô côngz xưv, cxiv puôz qar tsêr cơưv thiaz têx hâux lưv txơưr, zuôr chuôz zênhx uô côngz xưv ntơưv trụ sở xã; dự án cxiv tsa tsov xav xã Mường Sại… txix nhiax pênhr cxưx nhiax uô têz qơưk hâux lưv thiaz têx nhiax pênhr txơưr.

Txix kror paz max ntơưv têx hâux lưv, dự án, nhiax txiax ntơưv xã iz phênhv tưs muôx ntâu hlôngr yiaz, đros têx tsưr ziv uô tâu muôx kaz hâu. Yênhx shông, pêx xênhv tưz moz siaz tsêz chos 5.000 ha kôngz; por hưv jông yax 350 ha ntông nox txir; zus yax 95.000 tus tsiax cxu; txuôs jông yax 450 luz guôx cơư njêk hâur pak đêx tênhz đêx, xav hur si ntâuk cxov tâu yax 600 tấn tsiax đêx/shông. Nhiv no xã muôx 8 HTX taz tov uô hâux lưv huôv tsar kôngz lông, tu zus tsiax đêx; muôx huv txir thênhx caz Nặm Ét tâu công nhav txâuk chai OCOP 3 hnuz kuz. Pêx xênhv hâur thax tsav zênhv hnuz zênhv sâu tâu nhiax ntâu, tyv tsôngv ziv pluôs shông 2025 tsuôk zos yuôr 4,5% (grêk 0,8% njuôk li shông 2024).

Ntơưv jok Tốm, qơư muôx zuôr luôs 100 ziv nênhs hair nênhs La Ha nhoz, ntâu shông đhâu, têx ziv pluôs hâur jok tưz tâu paz nôngz kôngz chos, nôngz tsiax cxu zus chia piz uô nox truôx njês. Xã tsik so tso cán bộ muk zaz zâuv, kria pêx xênhv pâuz tsưr ziv tu zus tsiax cxu cơư guôx chia muôs trâu tu zus tsiax cxu tsik nhoz uô cê, tso yar tsiax cxu.

Zơưs Quàng Văn Pánh, Bí thư chi bộ, Hâu jok Tốm, thav: Tâu kror paz max ntơưv Têz qơưk hâur huôv tsar kôngz lông, paz cxuô ziv nênhs cxiv tsa luz nênhx truôx njês. Nhiv no jok zus tâu 330 tus tsiax cxu, 3.500 tus kaiz ok, chos 140 ha poz cưk, 60 ha kok ntông thiaz 3 ha ntông nox txir. Tsik tas li, pêx xênhv tsênhv por hưv jông yax 165 ha jôngr. Zos tiak li shông 2020, ziv pluôs hâur jok txênhz yax 1/3 ziv nênhs hâur jok mak nhiv no, jok tsuôk zos yuôr 8 ziv pluôs lơưv xưz. Nhiv kruôr đhâu, 13 ziv nênhs hâur jok tsênhv tâu paz luz thôngz ntiv đêx, tưz paz lơưr muôx txâuk đêx zôngv hâur ntâu shông đhâu.

Cxơưz têx hâux lưv tưz uô tâu, ntu zuôr txos, Mường Sại tror nzaz nzơưv pênhr nhiax paz ntơưv Têz qơưk paz lês uô ntêx têx hâux lưv cxưx nhiax cxiv puôz vax tsêr, cêr muk lok puôk tsar zav paz max trâu pêx xênhv luz nênhx, hâux lưv huôv tsar kôngz lông thiaz txuôs jông, hlôngr yiaz têx tiêu chí jêx jok yiaz, cxuz cêr yaiz pluôs truôx njês. Sir jos tas shông 2030, xã tsik yuôr ziv pluôs, xav fênhx đraz iz tus tiz nênhs sâu tâu 49 triệu nhiax; tsik tsês huôv tsar kôngz lông hur, hữu cơ, cxiv tsa mã số chiv thax tsav chos thiaz tik bê lax luôv OCOP.