Phix ciaz “Chaix ntux yiaz tox siaz” tâu kriz cias ntơưv tơư ndêx huôz kas Mường Và hâur 2 hnuz 24-25/1, chia pêx xênhv cxuô jêx jok siz chos tsưx hưv thiaz nthuôr txux chi cxuô hair nênhs iz txưv muôx; piarr trâu kruô oz chas pâuz têx zav muôx txơưv, chia huôv tsar nuôv zax truôx njês ntơưv thaxx qơư cênhz cưv ndêx huôz kas Mường Và, xã Sốp Cộp.

Phix ciaz jias no, muôx 20 qar thaz nzưr muôs têx hax huv cxuô HTX hâur thax tsav xã Sốp Cộp thiaz têx xã Mường Lèo, Púng Bánh, Mường Lạn…, tưz piar muôs têx hax huv zos kôngz lông, hax huv têk uô trơưk cênhz cưv, têx kar hno kaz ntơưv thax tsav tox siaz no. UBPX xã Sốp Cộp zuôr kria tsik sok luz ciaz no 1 hli iz phix chia huôv tsar cêr lax luôv, tok kruô oz chas tuôx nuôv zax. Hâur jias kria ciaz, tsênhv nthuôr ntâuỗtux chi, thể thao iz txưv pêx xênhv zênhx muôx, li: ndis car ciaz, tưr truz hluô, lâuz pak njuôk jos, pok kror muôs  cxov ok thiaz tuô hnênhr…

Uô ntêx ntơư, hmo 24/1, ntơưv kror qơư kriz ciaz tưz tso yar nthuôr têx txux chi jông, muôx 15 jax cưr cxiax, sênhr chêr zos txux chi cxuô hair nênhs tâu chox tuôx nthuôr, lok six chôngz pêx xênhv thiaz kruô nuôv zax tuôx saiz. Tsênhv chênhz yax hâur jias nthuôr txux chi, mak zos sơưr đơưk siz chos tuôr têk sênhr chêr thôngx siaz thiaz tuô fgov ntơưr tơưs pax uô cêr shir phaz trâu tsôngv pêx xênhv, chuôz jos chia piz lês têx hâux lưv tok shông yiaz thiaz kriz ciaz “Chaix ntux yiaz tox siaz” ntơưv jok Mường Và, xã Sốp Cộp.