Cêr lax luôv tror tsar nhiax uô ntêx hlo, txênhz yax 40.800 tỷ nhiax, tsar yax 13% njuôk li shông 2024 thiaz ntâu đuô 3% njuôk li xav uô ntêx. Têx hâux lưv txix huôv tsar lax luôv siz luôs jok,  kho đuô têx ciaz jêx jok, kriz đar cêr lax luôv điện tử, đhâu pêx xênhv zuôr hax huv. Ntâu ngành pov njôngr tsar siaz, li: kho cxuô tsar zav tsar yax 28%; jêz por huv, nhiax, cuz tsar yax 26% thiaz kôngz lông, kar hno puôr lênhx tsar yax 18%.

Zơưs Bùi Văn Chiến, Saiz car Trung tâm Lax luôv Đ&T Plaza Sơn La haik: Trung tâm zos iz luz siêu thị muôs huv ntâu yax ntơưv tỉnh. Trung tâm sir zôngv chuôz zênhx sâu gri tsik zôngv nhiax thiaz muôs huv trực tuyến đhâu fanpage, nhav muôs huv online. Iz chas ntơư, lês tsik so hâux lưv jav gri, puz huv, puôz tiz kruô sir zôngv. Bax txâuk huv muôs trâu kruô zôngv thâuv Tsiaz pêz châus, trung tâm tưz gruk huv ntâu, tso siaz lus txâuk trâu cêr sir zôngv, gri truôx njês.

Hâux lưv muôs huv muk oz chas têz tror tsar nto 225 triệu đô la, tsar yax 13% njuôk li shông 2024. Têx hax huv zos kôngz lông tsênhv chênhz ntơưv tỉnh li: cà phê, yuôx zêx, hmôngr kok ntông, txir hmaz txir ntông tưz muôs thôngz 12 luz têz qơưk thiaz ntâu thax tsav.

Ntơưv Chi nhánh Công ty cổ phần hmôngr kok ntông Phú Yên – Tsêr máy hmôngr kok ntông Sơn La, xã Chiềng Mung, zuôr thiaz tsuôv hmôngr kok ntông muôs muk Trung Quốc tưz lês tiar hâux lưv zok uô lax luôv shông 2025. Zơưs Ngô Quang Tuấn, Phó Giám đốc Chi nhánh, haik: Hâur shông, tsêr máy zuôr tas zuôr luôs 100.000 tấn kok ntông nhôngk, uô tâu yax 30.000 tấn hmôngr kok ntông. Txos nhiv no, tưz muôs tas 20.000 tấn hmôngr kok ntông muk Trung Quốc. Chiv kok shông 2025 - 2026, tsêr máy tưz zuôr tas 120.000 tấn kok ntông nhôngk, uô tâu 35.000 tấn hmôngr kok ntông muôs muk Trung Quốc. Nhiv no, iz hnuz tsêr máy taz tov tsuôv tas 800 tấn kok ntông nhôngk. Zuôr tas têx kok ntông ntơưv yênhx cxênhz ziv pêx xênhv tỉnh Sơn La thiaz iz cxia xã nhoz tỉnh Điện Biên trơưk siz chos luk.

Cêr lax luôv, nuôv zax tror huôv tsar ntâu njuôk li cêr huôv tsar nhiax txiax txênhz 42%, tsar yax 1% njuôk li shông 2024, ntâu đuô tuôr xav. Tưz zos sir jos njok cxưx nhiax uô cêr jông siz luôs; kriz yênhx côngz ntâu cxênhx xưv txux chi, grâuv pax, Sơn La yênhx kror qơư kruô hâur têz qơưk thiaz oz chas têz qơưk nhiav tuôx nuôv zax. Lar haik mak, Sơn La tưz yênhz kror qơư muôx côngz bê hâur têx qơư nuôv zax ntiax têz, lar haik yax mak, têz qơưk thax qơư nuôv zax Mộc Châu jias tiv 4 tâu côngz “Điểm đến thiên nhiên hàng đầu châu Á – (Kror qơư nuôv zax ntux trâus têz xênhz jông yax châu Á” thiaz pak điện đêx tâu njuôk tsov cấp têz qơưk.

Trơưk luz bê “Điểm đến thiên nhiên hàng đầu châu Á 2025 (Kror qơư nuôv zax ntux trâus têz xênhz jông yax châu Á 2025)” jias tiv 4, Têz qơưk thax qơư nuôv zax Mộc Châu tror tok tâu chôngz kruô nuôv zax. Hâux lưv cxưx nhiax kho têx qơư so, cov muôx cxix cxuô cêr lax luôv, huôv tsar nuôv zax. Zơưs Hoàng Mạnh Duy, Phó Giám đốc saiz car thax qơư nuôv zax Mộc Châu Island, haik: Shông 2025, tok tâu 350.000 lưv pưs kruô, sâu tâu yax 130 tỷ nhiax, tsar 40% njuôk li shông uô ntêx. Chia cov kruô nhiav tuôx nuôv zax, đơn vị tưz kriz ntâu yar tsux chi, thể thao lox. Tsik tas li, tsênhv yôngv cêr lax luôv, sir zôngv chuôz zênhx jông thiaz yơưz têx txux chi muôx txơưv lok nthuôr huôv trâu kruô nuôv zax tuôx côngv.

Zơưs Quàng Văn Dũng, Phó Giám đốc Sở Công Thương, haik: Ntu 2026 - 2030, Sơn La xav têx xiv huv zuôr muôs tâu yax 43.500 tỷ nhiax, têx nhiax muôs cxuô zav muk oz chas têz qơưk yax 240 triệu đô la, hâur ntơư kôngz lông nto 235 triệu đô la. Hla trâu shông 2026, ngành Công Thương Sơn La tsi njênhk lês cov siz luôs têx hâux lưv kho cêr lax luôv trơưk xav txos shông 2050, kho đuô têx ciaz jêx jok, gruô hu trơưk cêr lax luôv yiaz; hlôngr số, paz têx tsêr luôv, ziv nênhs uô lax luôv muôs hax huv đhâu ntâu cêr luôv, thêv gri tsik zôngv nhiax; puôz tiz cêr luôv đhâu têx jias kriz ciaz, tuần muôs huv Việt; đros ntơư cux saiz car ntov gri hax huv cov truôx, por hưv vax huôv trâu têx nênhs sir zôngv.

Trơưk cêr lax luôv muôs huv muk oz chas têz qơưk, tỉnh tưz paz têx tsêr luôv chuôs tâu têx xor xưv têx FTA, sê thiaz chai ntiax têz, paz max huôv tsar ntâu cêr lax luôv, lar haik yax mak tuz luôv EU, Nhật Bản thiaz Hàn Quốc; cxiv tsa bê lax luôv trâu têx kôngz cov truôx njês, bax chos kôngz yênhx thax tsav ntâu trơưk chai GlobalGAP, Organic paz têx hax huv zov chênhr li: cà phê, yuôx zêx, txir lưv tsiz, mo môngk. Côngz xưv cxơưz cêr lax luôv tâu hlôngr yiaz trơưk hlôngr số, lax luôv trực tuyến...

Yôngv siaz cêr lax luôv, chuôz jos truôx chia ngành hla trâu ntu yiaz, tror huôv tsar uô ntêx hlo, paz max chia lês tiar têx hâux lưv huôv tsar nhiax txiax - xã hội ntơưv tỉnh.