Ntơư zos cêr đaz kruôk cênhz cưv muôx txiax njis lok six zov chênhr thor muôx đas jos, iz shông ntux yar ntux nas lok siz luôs, kôngz lông hloz jông, sâu nju thiaz cux zos jias chia pêx xênhv hâur jok uô tsâus txos nênhs muôx côngz tsa tơưv jêx jok.

Txix thâuv sơưr nzor, pêx xênhv jok Hang Chú tưz uô jông bax 1 tus nhux, 1 tus buô, 3 tus kaiz thiaz đros ntâu lưv zav chia paz trâu Cêr lais đaz luz poz jêz Tủa Sềnh, đêz đrôngs xã 4 km. Thâuv lais đaz, hur si jok puôr lênhx muôx njêx muôs cxix cxuô ntơưv luz  poz jêz Tủa Sềnh. Txir ndâux txir luk xênhv Muôk hâur jok piz lais đaz, chơư xênhz poz jêz lok đros nox thiaz thor têx luk jông phôngv côngz pêx xênhv hâur jok muôx đas muôx jos, uô nênhx yar ntux.

Trơưk têx lâuk thav, hâur ntu tir ntâuk Phaz Cir, thax tsav xã Hang Chú muôx Thống lý Txôngr Lâux Muôk, zos nênhs ntâu côngz nto bê thiaz uô nênhx bluô nux yax thax tsav no. Muôx côngz bê, zơưs Txôngr Lâux Muôk tưz gruô hu cưr tix Hmôngz hâur thax tsav thôngx siaz, paz thiaz đros cán bộ Việt Minh côngv tir ntâuk tsav tros.

Pâuz tâu Thống lý Txôngr Lâux Muôk têx hâux lưv, Phaz Cir tưz tso tuz tros lok jor trâu Hang Chú thiaz cxiv tsa zênhx La-hu-van, tsik so zok nriar, cxov tiz nênhs. Thống lý Txôngr Lâux Muôk cux mas Phaz Cir cxov cơưv ntơưv zênhx La-hu-van, zơưs tưz gruô hu tsêr nênhs thiaz pêx xênhv hâur jok nriar txox cêr khiar điv njiz cov tâu cán bộ. Thâuv khiar điv, zơưs Txôngr Lâux Muôk tưz thor luz poz jêz: “Viv cêr uô têz uô qơư, viv tir ntâuk tros, Xênhz poz jêz thor cox paz cur khiar điv yênhx”.

Tov kaz zơưs Txôngr Lâux Muôk tưz tsik uô nênhx nhoz lơưv, pêx xênhv hâur jok tưz kriz cêr lais luz poz jêz thiaz zơưs Txôngr Lâux Muôk trâu hâu shông yiaz, xar thor muôx đas jos, iz shông muôx jông ntux paz, uô tâu kôngz lông. Pêx xênhv uô tsâus txos nênhs muôx côngz tsa tơưv jêx jok, cux zos jias chia sơưr đơưk tâu so đhâu iz shông khưr txov nhêv njuôr.