Jias no muôx yax 170 tus cưk txux, cưk haik cưr cxiax, sênhr chêr jêx jok tuôx ntơưv têx câu lạc bộ, paz haik cưr cxiax hâur Thành phố thiaz huyện Yên Châu; têx chiến sĩ Trung đoàn 754, hur si têx mê nhuôv zâuk, pêx xênhv thiaz kruô nuôv zax.

Tuôr têk sênhr chêr Poz Ziz ntơưv 4 tỉnh Tây Bắc, hâur ntơư muôx Sơn La tưz tâu UNESCO công nhav zos kuz chas txux hlôngr njêx muôs trâu tiz nênhs txix shông 2022. Jâus no, têx cưk txux, paz haik cưr cxiax tưz côngv nthuôr têx jax sênhr chêr cênhz cưv ntơưv hair nênhs Poz Ziz Sơn La, têx jax tuôr têk sênhr chêr lâuk ntơưv hair nênhs Poz Ziz Yên Châu; nthuôr têx jax cưr cxiax, sênhr chêr Poz Ziz. Tsik tas li tsênhv đhia pak, tuôr têk sênhr chêr thôngx siaz, kria pâuz tuôr têk sênhr chêr, nria fuôv txiax; têx cêr uô si pêx xênhv tênhz tus li: Ntâuk txir toz, muk tơư nênhk, truz hluô…muôx chôngz pêx xênhv thiaz kruô nuôv zax tuôx ndis shuôk lov jêv ntưk.

Txuv jâus no, têx mê nhuôv zâuk tsênhv tâu nthuôr têx cêr uô si li: Jak yuôx ntâu xiv trâu têx mnov, cok đuôz suôz jêz, por trôngz poz cxa khủng long … Iz chas ntơư tsênhv nthuôr txux chi hair nênhs Poz Ziz cias ntơưv Tsêr tsês puôr fênhx tỉnh, kria pâuz têx huv xuôk têk uô, tsôngk hnar cênhz cưv, muôx chôngz lênhx nhiav ndis shuôk shir phaz lus.