Iz hâur têx cxênhx xưv trâu luôs oz chas têz pov njôngr tâu tỉnh Sơn La kriz lês hâur shông 2024 mak zos “Hnuz grâuv pax nuôv zax txux chi Sơn La - Hủa Phăn” nthuôr thâuv luz 3 hli. Iz chas têx hâux lưv cxơưz paz, siz khov huôv tsar nuôv zax, Sơn La tsênhv tsês tâu cêr ndo njôngr tsik plox hâur têx đại biểu thiaz pêx xênhv têz qơưk Lok Tsuôk siaz njưk đhâu têx cêr lês cxiax cxênhv nthuôr txux “Têx suôz cưr cxiax Sơn La - Hủa Phăn” zos hur si têx cưk txux, nênhs nthuôr txux Tsêr haik Cưr cxiax sênhr chêr tỉnh Sơn La thiaz tỉnh Hủa Phăn côngv nthuôr lês. Têx jax txux tâu nthuôr pov tsênhz txux chi Việt Nam thiaz Lok Tsuôk, đros cêr siz fiv, uô tâu iz tsa txux jông saiz txơưr hlo, muôx cêr siz trâus jông; kruôk txos cênhz cưv ntơưv oz luz tỉnh hâur têx shông đhâu.

Cưk txux nto côngz Đoàn Thế Hùng, Giám đốc Tsêr haik Cưr cxiax sênhr chêr  tỉnh Sơn La, thav pâuz: Têx shông đhâu, đơn vị hmôngr jông tâu tỉnh zok hâux lưv kriz lês têx cxiax cxênhv nthuôr txux ntơưv ntâu cxênhx xưv đros oz chas têz qơưk lox hloz ntơưv tỉnh, yax hlo mak têx cxiax cxênhv nthuôr lês ntơưv têz qơưk Lok Tsuôk. Uô ntêx iz cxiax cxênhv, pêz puôr lênhx tsês six hơưv hnuz nhôngs tsov xav, nus txos têx txux chi, cêr chox nox chox uô ntơưv pêx xênhv luôs tỉnh, txix ntơư cxiv tsa cêr xav têx caz cêr, xair tsov têx jax cưr cxiax sênhr chêr, tuôr xav yar nthuôr txux, tsôngk hnar thiaz kriz cơưv shâuv cov nzơưk. Trơưk xav mak zos fuô txos têx nênhs saiz têx njux đuôz jông yax, nto mông yax lok sâuv trôngx têz, txux chi, tiz nênhs, kruôk txos cêr thôngx siaz, siz trâus jông ntơưv oz luz têz qơưk, oz hair nênhs.

Shông 2022, cxiax cxênhv nthuôr txux “Têx suôz cưr cxiax Sơn La - Luông Pha Băng” thiaz “Têx txux chi Sơn La - Luông Pha Băng” tâu kriz lês ndax jâus saiz hloz 60 shông Hnuz kriz cêr siz khov siz thav Việt Nam-Lok Tsuôk (5/9/1962 - 5/9/2022), zos iz hâur têx cêr ndo njôngr trâu têx hâux lưv đros oz chas têz qơưk siz khov ntơưv tỉnh. Hâur 2 hmo nthuôr, têx cưk txux ntơưv Tsêr haik Cưr cxiax sênhr chêr tỉnh tưz kriz trâu trôngx têz ntơưv têz qơưk Lok Tsuôk ntâu jax txux jông thiaz muôx txiax njis. Ndo yax mak zos sênhr chêr lăm vông đros tuôr têk uô vox ndis Poz Ziz tênhx tus, uô tâu đaiv zênhx zav txux chi muôx cêr siz trâus jông.

Cưk txux Khánh Hòa, Phó Trưởng phòng Kriz lês nthuôr txux, Tsêr haik Cưr cxiax sênhr chêr, thav tiak: Iz cxiax cxênhv nthuôr txux ntơưv têz qơưk Lok Tsuôk puôr lênhx tâu cơưv shâuv têx njiaz luk, cêr nthuôr, paz trâu têx nênhs Lok Tsuôk saiz pov tâu têx cêr siz thôngx lok sâuv txux chi ntơưv oz luz têz qơưk. Đuô li, iz tus cưk txux, nênhs nthuôr lês ntơưv Tsêr haik Cưr cxiax thâuv côngv nthuôr txux trâu têz qơưk Lok Tsuôk puôr lênhx lês nzir qơư sơưr zos iz tus “Nênhs chox kria txux” txux chi nuôv zax, nqa muk đêz đar njux đuôz jông lok sâuv trôngx têz, tiz nênhs Sơn La txos trâu têx nênhs saiz.

Têx cxiax cxênhv nthuôr txux ntơưv tỉnh Sơn La puôr lênhx chia pêx xênhv têz qơưk Lok Tsuôk ndo njôngr trâu siaz njưk. Hâux lưv siz khov thiaz siz chos nthuôr txux chi ntơưv Sơn La thiaz têx tỉnh Kâuv têz qơưk Lok Tsuôk hâur ntu đhâu pov njôngr lok sik muôx txiax njis, zos cêr txux chi jông gri lok sâuv têx zav pov njôngr thiaz cêr chia siaz ntơưv oz luz têz qơưk tưz lês tsik tsês txix puôs thâuv tsênhv cxiv tsa têz qơưk. Đros ntơư, txix li hâux lưv lês têx cxiax cxênhv, cxênhx xưv siz thav ntơưv têx tỉnh têz qơưk Lok Tsuôk, Tsêr haik Cưr cxiax sênhr chêr tỉnh Sơn La muôx nzir ntâu zav txux jông hâur txux chi Lok Tsuôk, txix ntơư xaz nzir cov yênhx têx jax txux yiaz, jông fiv./.