Ntơưv jias saz lax, têx học viên tâu mnôngs lok sâuv hâux lưv zov chênhr hâur hâux lưv cơưv shâuv tsik tsês hâur ntu nênhx yiaz 4.0; cxiv tsa pênhr xưv tưx cơưv shâuv thiaz cơưv shâuv tsik tsês đros trâu njiaz luk zov chênhr zos choz kria mê nhuôv zâuk thiaz tsưr ziv choz kria Laulau Learning (cơưv trơưk tsưr ziv choz kria têx mê nhuôv muôx txix 1-9 shông) thiaz tsưr ziv SongDrawing Method (cok jax cưr cxiax)... Đros ntơư, moz siaz saz lax iz cxia njiaz luk lok sâuv: Cxiv tsa pênhr xưv tưx cơưv, cơưv shâuv tsik tsês txix li têx nênhs zov chênhr zos mê nhuôv zâuk; têx tsưr ziv choz kria jông taz tov sir zôngv ntơưv thax tsav; gruô hu têx mê nhuôv cơưv shâuv đhâu têx hâux lưv cơưv đrâuv sav thiax...

Hâur ntu zuôr txos, thành phố Sơn La zuôr zos thax tsav uô ntêx hlo ntơưv Việt Nam taz nhav cêr cxơưz paz huôv tsar choz kria ntơưr ntơưv Phần Lan. Jias saz lax zos hâux lưv uô ntêx hlo chia fuô lês tsưr ziv choz kria ntơưr Laulau Learning ntơưv Sơn La. Tsưr ziv choz kria ntơưr tâu saiz zos faz tsưr ziv jông zuôr paz cxiv tsa qơư cơưv shir phaz, lês tâu jông hâux lưv choz kria mê nhuôv zâuk, cxơưz paz cơưv shâuv tsik tsês cias hâur thơưx thênhv cơưv.