Lês Câuk luk số 58-KL/TW ntơưv Ban Bí thư, hnuz 31/1/2024, Ban Thường vụ Tỉnh ủy tưz tso tơưv Câuk luk số 1036-KL/TU lok sâuv tso chai hlôngr qơư “Ban hlôngr njêx muôs hội nênhs lâuk” cấp tỉnh, cấp huyện yênhx “Hội Nênhs lâuk” cấp tỉnh, cấp huyện. Ntơưv Đại hội, tưz fuô Quyết định số 2052/QĐ-UBPX hnuz xiaz 2/10/2024 lok sâuv tso chai tsa tơưv Hội Nênhs lâuk tỉnh Sơn La. 

29 shông cxiv tsa thiaz huôv tsar, txos nhiv no, Hội Nênhs lâuk tỉnh muôx 12 hội Nênhs lâuk cấp huyện, thành phố, 204 hội nênhs lâuk yêx xã, thị trấn đros trâu zuôr luôs 120.000 hội viên. Cxuô cấp hội tưz lês jông côngz xưv saz lax trâu cấp ủy, nov hâu puz huv trâu nênhs lâuk, yax hlo zos yêx nênhs lâuk zos zis pluôs, tsik muôx lênhx tưs tu, saiz shuôk. Tsa tơưv têx câu lạc bộ txux chi, sênhr chêr, thể thao; câu lạc bộ ntâu fâuv siz paz, paz trâu têx hội viên luz nênhx tâu jông đuô. Zaz zâuv hội viên lês têx cêr siz tưr cxiv tsa jêx jok yiaz, cxiv tsa luz nênhx muôx txux chi. Cxuô shông, muôx yax 90% têx hội viên tâu côngz “Nênhs lâuk lês tâu hâux lưv jông”, 90% têx zis hội viên txâuk chai zis nênhs uô ntêx lông lês hâux lưv thiaz zis nênhs muôx txux chi. Txix shông 2017 txos nhiv no, muôx 145 paz pơưs, tus khênhx tâu Trung ương Hội Nênhs lâuk Việt Nam muôz ntơưr kruôk, 300 paz pơưs, tus khênhx tâu Chủ tịch UBPX tỉnh thiaz cxuô cấp, cxuô ngành muôz ntơưr kruôk…

Muôx luk ntơưv Đại hội, đồng chí Lò Minh Hùng, Phó Bí thư Thường trực Tỉnh ủy cxiz cov Hội Nênhs lâuk tỉnh thiaz cxuô cấp hội tror lês jông Đảng, têz qơưk têx cêr chai trâu nênhs lâuk. Nthuôr huôv jông qơư sơưr ntơưv Hội hâur cêr siz tưr “Hur si pêx xênhv tu nênhs lâuk, nthuôr huôv qơư sơưr uô ntêx lông lês hâux lưv”, fiv huv hâux lưv hâur ntu nênhx yiaz. Moz siaz gruô hu cxuô tus khênhx, paz pơưs chia muôx ntâu faz tsưr ziv paz trâu nênhs lâuk njiz ntâu cêr phiv liv. Gruô hu nênhs lâuk côngv têx jias zaz zâuv, cêr siz tưr nhiav têz, nhiav qơư, nthuôr huôv jông zuk pênhr xưv, cxơưz paz cxiv tsa tỉnh Sơn La zênhv hnuz zênhv huôv tsar.

Đại hội tưz xair 23 đồng chí nhoz Ban Chấp hành Hội Nênhs lâuk ntu 2024-2029. 

Ndax jias no, Trung ương Hội tưz muôz côngz mênhx “Viv xưv cxênhx por hưv thiaz nthuôr huôv jông qơư sơưr ntơưv nênhs lâuk” trâu 20 đồng chí thơưx car ntơưv tỉnh.