Thể thao zos px siz tưr huôv tsar

Cêr siz tưr thể dục thể thao hâur tsôngv px têx shông đhâu no huôv tsar thôngz cxuô kror qơư, muôx chôngz px cuz siaz, tsik haik lâuk, hluôk, pox niav lok sik txir nênhx, uô hâux lưv đaz tsi. Têx môn thể thao cux zênhv hnuz zênhv cxix đuô, fiv huv yênhx kror qơư, li: Ntâuk bôngr, ndơưk bôngr, ntâuk ntir kaiz, ntâuk kê bôngr, bôngr trôngx… Nhiv no, thôngz tỉnh muôx yax 500 câu lạc bộ thể thao ntơưv cxuô qơư.

Tiểu khu Tà Lọong, thị trấn Nông trường Mộc Châu muôx Cêr siz tưr thể dục thể thao lok six lov jêv. Tix lâus Bàn Văn Giáp, Tiểu khu Trưởng, haik: Thể thao zos iz zav px jok Tà Lọong lok six cuz siaz shâuv, lar haik yax mak têx pox niav txir nênhx txix 14-45 shông. Tiểu khu muôx 16 paz nênhs ntâuk bôngr tơưr (8 paz txir nênhx thiaz 8 paz pox niav) muôx 160 lênhx; thâuv tưs cux muôx trơưr 7 paz txir nênhx ndơưk bôngr, 2 paz pox niav ndơưk bôngr, 4 paz nênhs ntâuk bôngr pa thiaz yax 20 lênhx ntâuk ntir kaiz. Tưz siz chos côngv nhiax txiax kho têx yar tiax jông, muôx 2 luz yar tiax ntâuk bôngr, 1 luz yar tiax puô ntâuz nhov, têx paz nênhs tuôx shâuv puôr lênhx jông siaz tưx côngv nhiax thiaz chuôz zênhx tsôngk yo trâu nhiak.

Têx câu lạc bộ thể thao zênhv hnuz zênhv tsar chôngz, puôr lênhx zos nhiak zênhv nhiak, hội viên siz chos côngv nhiax thiaz tưx cxơưv chuôz zênhx cơưv shâuv, ntâu cơ quan, đơn vị tưz cxưx nhiax uô yar tiax shâuv thể thao, yar tiax ndơưk bôngr, pak đêx luôv, paz hâux lưv siz tưr thể thao cxuô cấp. Thôngz tỉnh nhiv no muôx 563 krorr qơư paz max TDTT. Iz chas têx qơư zos tỉnh cxưx nhiax uô, têx cơ quan, đơn vị, xã, phường, thị trấn, Yar cơưv, xóm, jok, tổ px cux côngv nhiax uô: yar tiax ndơưk bôngr, ntâuk bôngr, ntâuk ntir kaiz, ntâuk kê bôngr, uô tsêr siz tưr TDTT ntơưv cxuô qơư.

Ngành Txux chi, Thể thao thiaz Nuôv zax puôz tiz huôv tsar cêr siz tưr thể thao hâur tsôngv px. Shông 2022, tưz tso yar 9 jias tưr TDTT cấp tỉnh, Đại hội TDTT tỉnh Sơn La jias tiv IX muôx 12 môn, tưr 84 hưv côngz mênhx, muôx 750 lênhx tuôx tưr cxuô môn uô ntêx uô kaz thiaz thâuv đại hội. Trơưk cxênhz shông 2022, px shâuv thể dục thể thao tsik so txênhz yax 28 %; têx ziv txâuk chai  ziv nênhs nhiav thể thao yax 23%.

Ntơưv Thành phố muôx ntâu zav TDTT tưr tâu jông. Pos Lù Thị Đoàn, Thơưx  Phòng Txux chi - Thông tin Thành phố haik: Thành phố nhiv no, muôx 102 câu lạc bộ thể thao, muôx ntâu bộ môn. Shông đhâu, Thành phố tưz tso yar kriz yax 10 jias tưr, ntâu jias siz tưr thể thao cấp xã, côngv trâu Đại hội TDTT tỉnh tâu kruôk coz tiv iz, 39 luz côngz mênhx cuz, 14 luz côngz mênhx nhiax, 9 luz côngz mênhx tôngx.

Thể thao tưr jông sir jos cov tâu tưr cxuô qơư

Txix têx cêr siz tưr thể thao hâur tsôngv px tưz paz max xair tâu ntâu lênhx txơưx thể thao muk tưr cxuô qơư. Trung tâm Choz thiaz tưr TDTT taz tov zus thiaz kria têx hluôk tuz hluôk nxaik tỉnh bax tưr têx bộ môn: Muay, pencak silat, taekwondo, pox niav ndơưk bôngr, ntâuk kê bôngr, bôngr trôngx, boxing, kick boxing, ntir kaiz, đhia, tưr yêz câur. Zơưs Hồ Minh Sơn, Giám đốc Trung tâm haik: Trung tâm choz, kria nzir têx nênhs txơưx. Côngz xưv choz kriaáti njênhk trơưk yênhx thênhv 3 zav, têx hluôk txơưx tỉnh, txix ntơư uô jông kria tưr hâur têz qơưk thiaz ntiax têz.

Thể thao tưr siaz têx shông đhâu, tưz uô tâu ntâu zav. Cias shông 2022, tưz tưr 49 jias hâur thax tsav, thôngz têz qơưk thiaz ntĩa xtêz, tưr tâu 60 luz côngz mênhx cuz, 47 luz côngz mênhx nhiax, 100 luz côngz mênhx tôngx; muôx 50 lênhx txơưx cấp têz qơưk,15 txơưx, 35 lênhx cấp I (hâur ntơư tâu 3 luz côngz mênhx cuz Sea Games 31; 1 luz côngz mênhx cuz, 1 luz côngz mênhx nhiax tưr Pencak Silat coz ntiax; 1 luz côngz mênhx cuz coz châu Á; muôx 5 lênhx tưr U18 pox niav Việt Nam pox niav ndơưk bôngr pox niav U18 Đông Nam Á tâu côngz mênhx nhiax...). Hâur ntơư, têx “Têx hnuz kuz” thể thao tưr siaz tỉnh, lar haik li tus nxaik Puôz Ziz Quàng Thị Thu Nghĩa tưz tưr tâu ntâu côngz mênhx môn Pencak Silat: 4 luz côngz mênhx cuz coz ntiax têz, 2 luz côngz mênhx cuz châu Á; 1 luz côngz mênhx cuz SeaGame 22; đros trâu ntâu luz côngz mênhx cuz ntâu jias tưr têz qơưk.

Zơưs Đỗ Thế Công, Phó giám đốc Sở Txux chi, Thể thao thiaz nuôv zax, haik: Sở taz tov fuô lês siz luôs jok Đề án huôv tsar TDTT hâur tsôngv px ntu 2021-2030 thiaz Đề án huôv tsar thể thao tưr siaz tỉnh Sơn La ntu 2021-2030. Chia cxiv tsa têx chai trâu TDTT px, cov px muôx cêr lov jêv tsưx hưv đas jos. Iz chas ntơư, pov kaz choz kria têx nênhs txơưx thể thao ntơưv tỉnh, cov thể thao Sơn La uô ntêx hlo hâur têx tỉnh toxx siaz thiaz muôx nênhs txơưx trâu têz qơưka.

Txix cêr siz tưr thể thao cias hâur tsôngv px, tưz pov muôx lok six ntâu lênhx txơưx, choz kria muôx pâuk muôx njik chia tưr thể thao siaz đuô, cxơưz  thể thao Sơn La muôx njêx muôs côngv trâu têx qơư tưr ntiax têz. Tsênhv chênhz yax mak thể thao paz sơưr đơưk por hưv đas jos trơưk Zơưv Côngz Hôx kria: Yênhx lênhx pêx xênhv muôx đas jos zuôr chuôz jos trâu tas nro tsôngv nênhs, txix ntơư cxơưz Việt Nam “Pêx xênhv muôx jos, têz qơưk truôx njês” hla đhâu puô tsar cêr phiv liv.