Đros ntơư, cxiv tsa têx tsov xav phaiz thax tsav, tuôr xav mênhx pêv zos chai; tso chai lês hâux lưv huôv tsar đrôngs trâu têx huyện Quỳnh Nhai, Phù Yên, Yên Châu. Chox car fuô lês zos hnuz nhôngs tênhv 3 zav hâux lưv têz qơưk; bax nhiax uô dự án cêr yêz muk chênhr Hòa Bình - Mộc Châu, ntu cêr nhoz thax tsav tỉnh Sơn La. Côngz xưv paz thiaz gruô hu têx tsêr luôv muôz nhiax uô nox hâur thax tsav tâu moz siaz fuô lês jông; hâur luz 7 hli, tưz nhav tâu 13 ntâuz ntơưr khov muôz nhiax lês dự án thiaz 10 ntâuz ntơưr khov cxiv kho dự án muôz nhiax lês. Xav 7 luz hli đhâu, tỉnh tưz paz cêr chai cxưx nhiax yiaz trâu 6 dự án, xav hur si nhiax chos lul zuôr luôs 128 tiv đaiv.