Shông 2023, zos shông tiv 6 tỉnh Sơn La kriz jias xair tsov hax huv zos mair uô tơưv jêx jok tâu kruôk hâur tỉnh. Ntơư zos hâux lưv uô tsik tsês 2 shông tâu kriz iz jâus chia xair. Jias xair hax huv zos mair uô tơưv jêx jok tâu kruôk shông 2023, Hội đồng xair tsov tưz nhav tâu 67 zav ntâuz ntơưr ntơưv 42 kror qơư, tsêr luôv, tov kaz cxênhz yuôx muôx 66 ntâuz ntơưr ntơưv 42 đơn vị txâuk chai, li: 61 zav huv tu tâu jông kôngz lông, har jôngr, tsiax đêx thiaz đêx hâuk; 3 zav huv jông tâu uô tơưv; 2 zav huv txơưr.

Trơưk têx tiêu chí ntơưv Bộ Công Thương fuô mênhx thiaz cêr chai kriz jias xair tsov hax huv zos mair uô tơưv jêx jok tâu kruôk cấp tỉnh shông 2023, Hội đồng xair tsov tưz công nhav 30/66 zav huv zos mair uô tơưv jêx jok tâu kruôk zos huv jông hâur tỉnh, hâur ntơư: Huv xuôk têk uô tơưv muôx 1 zav; huv kôngz lông, har jôngr, tsiax đêx thiaz kar nox jông muôx 28 zav; hax huv txơưr 1 zav. Hâur têx huv tâu xair zos huv zos mair uô tơưv jêx jok tâu kruôk zos hov jông ntơưv tỉnh, Hội đồng tưz xair 10 zav huv zos mair uô tơưv jêx jok tâu kruôk cấp tỉnh muk txuv jias xair tsov cấp thax tsav tos kâuv têz shông 2024.

Trơưk Hội đồng xair tsov cxênhz tâu, têx hax huv côngv trâu shông 2023 tưz kria pâuz têx hax huv mair uô tơưv jêx jok zos hov jông hâur thax tsav tỉnh, ntâu zav huv cê zos xuôk têk uô tâu cê zos zôngv jông chuôz zênhx uô tơưv, đhâu ntơư ntiv huv hâur hnaz thiaz lo ntơưr trâu têx hax huv kria pâuz qơư uô tơưv, iz cxia huv zos txux chi jông tâu txuôs tsês.