Hnuz 10/5, Tỉnh đoàn, Hội Liên hiệp Thanh niên Việt Nam tỉnh tưz kriz Piz uô “Luz tsêr shir phaz” trâu cưr Vũ Linh Chi, tổ 3, phường Chiềng Sinh, thành phố Sơn La.

Hnuz 10/5, Hội Cựu chiến binh tỉnh Sơn La đros Làng Hữu nghị Việt Nam, Tsêr kho moz Quân Y 103 tưz njuôk moz plơưr, phaiz yuôx puz đơưz trâu 200 lưv lênhx pêx xênhv pluôs, ziv nênhs têz qơưk muôx chai paz, hội viên Hội Cựu chiến binh xã Xím Vàng, huyện Bắc Yên.

Hnuz xiaz 10/5, Sở Txux chi, Thể thao thiaz Nuôv zax tưz đros Sở Choz kria ntơưr kriz jias kria pâuz tsưr ziv uô luôv đêx, tir tar mê nhuôv zâuk pôngz đês tuôs tỉnh Sơn La shông 2025.

Hnuz xiaz 9/5, Hội Cựu thanh niên xung phong thành phố Sơn La tưz kriz jias saiz hloz 75 shông Hnuz cênhz cưv tsôngv TNXP Việt Nam (15/7/1950 – 15/7/2025), saiz hloz 135 shông Hnuz zus Chủ tịch Hồ Chí Minh (19/5/1890-19/5/2025). 

Hnuz xiaz 9/5, Công đoàn Khối UBPX tỉnh tưz kriz luôs hâux lưv “Uô tsâus txos nênhs lês nuv”. Jias no, muôx thơưx car LĐLĐ tỉnh; hlôngr njêx muôs 8 CĐCS tsêr luôv thiaz đoàn viên zos công đoàn khối saiz car.

Hnuz 9/5, Công an tỉnh Sơn La đros Hội Liên hiệp Thanh niên Việt Nam tỉnh Bình Dương, Ban thanh niên Bộ Tư lệnh Cảnh sát cơ động, Huyện đoàn Phù Yên, zok tsêr cơưv “Yar ntux trâu mê nhuôv zâuk” trâu Yar cơưv Tiểu học jok Suối Ó, xã Quang Huy, huyện Phù Yên.

Hnuz xiaz 8/5, Sở Dân tộc thiaz Tôn giáo tưz njiz njêx muôs Paz đại biểu tâu pêx xênhv njênhs lês tâu jông hâux lưv thax tsav thị xã Mộc Châu tưz muk cơưv shâuv tsưr ziv hâur tỉnh.

Hnuz xiaz 8/5, Ban Chox car shâuv siv phax tar ntux nas hiav thiaz nriar chơưv tiz nênhs huyện Bắc Yên kriz siv pir txưr ntơưv xã Mường Khoa. Jâus siv phax tar chia pâuz chox car, saiz car đros têx nênhs cik txos lol sâuv phax tar ntux nas hiav thiaz nriar chơưv tiz nênhs thax tsav.

Hnuz 8/5, ntơưv xã Chiềng Cọ, thành phố Sơn La, Hội Tuz kôngz tỉnh Sơn La tưz cxênhz Dự án “Kriz têx qơư huôv tsar kôngz lông đros trâu nuôv zax ndis têx qơư uô kôngz lông”.

Hnuz xiaz 7/5, Báo Sơn La tưz puz 100 triệu đaiv nhiax ntơưv Công ty cổ phần ETEK, Hà Nội, trâu Yar cơưv Mê nhuôv zâuk Hoa Phượng Đỏ, xã Bó Sinh, huyện Sông Mã.

Lês trơưk cêr siz tưr “Côngv têk paz pêx xênhv nhoz tsêr khâuz hlaz, tsêr ntuôs uô tsêr nhoz”, txix hâu shông txos nhiv no, xã Quang Minh, huyện Vân Hồ tưz cxênhz yuôx, sâu mênhx bê têx zis tâu chai paz chia paz uô tsêr.

Hnuz 6/5, Huyện ủy Mường La tưz kriz Cơưv cxênhz 10 shông lês Chỉ thị số 05-CT/TW ntơưv Bộ Chính trị lok sâuv sir jos cơưv shâuv thiaz uô trơưk siaz xav, hâux lưv, chux pưv Hồ Chí Minh thiaz cxênhz hur cxiax cxênhv siz tưr 79 hnuz hmo “Côngv têk kho tsêr đos đis, xâu nas”. Txuv jâus cơưv muôx thơưx car Ban Tuyên giáo thiaz Dân vận Tỉnh ủy.

Txix hnuz xiaz 3-6/5, paz nênhs tưx zênhv uô hâux lưv jông Yêz Bus siz hluz (thành phố Hồ Chí Minh) tưz đros Phòng Choz kria ntơưr huyện Bắc Yên,  Phòng Choz kria ntơưr huyện Thuận Châu siz chos krưr huv trâu shuv xênhz tox siaz muôx luz nênhx txov nhêv.

Fuô lês hâux lưv huôv tsar pêx xênhv số, cxơưz thêv nhiax tsik sir zôngv nhiax ntơưr, txos nhiv no, Thành phố tưz muôx 26.296/26.415 ziv nênhs sir zôngv xor tôngx txơưx njê, tâu 99,55%; chor nênhs muôx txix 14 shông tror sâuv muôx tài khoản sir zôngv hâur tsêr nhiax lok sik têx tổ chức tâu muôx vax huôv txơưr nto 70.042/82.774 lênhx, tâu 84,62%.

Hâur jias so 30/4 thiaz xiaz 1/5 (txix hnuz 30/4 - 4/5), tsôngv Cảnh sát Por hưv tsav yêz nhaz xênhz hur si tỉnh tưz gruô hu tsôngv nênhs, chuôz zênhx cxênhz yuôx, nhav nxiak por hưv tsav yêz thiaz tsav gox nhaz xênhz, tưz cxov tâu 583 lênhx tsav yêz tsik zos chai, bluô yax 1,7 tỷ nhiax, tuôr tsês 7 đaiv ntơưr tsav yêz; thuk 263 luz yêz.

Hmo 28/4, ntơưv Tiax nxa liệt sĩ thành phố Sơn La, Thành đoàn Sơn La tưz muk “Hlơưr shaz ndo txiax njis” têx Anh hùng liệt sĩ ndax jias saiz hloz 50 shông Hnuz Ntâuk zênhx tros kaz têz, têz qơưk thax zênhz (30/4/1975-30/4/2025).

Hnuz 29/4, huyện Phù Yên tưz krizJias cơưv fuô huyện Phù Yên uô tiar côngz xưv paz uô tsêr nhoz shông 2025.

Fuô lês tsưr ziv “Nov hâu uô hâux lưv huv pêx xênhv siaz ”, đros trâu hlôngr pâur số, UBPX xã Mường Hung, huyện Sông Mã, tưz tênhv chai uô hâux lưv txơưx fiv; bax cán bộ, công chức kria pêx xênhv pâuz sir zôngv, xa ntâuz ntơưr trâu têz qơưk kror qơư tu ntâuz ntơưr; paz đhos, kriz cov zôngv tâu tài khoản xênhv bê điện tử...

Uô trơưk hâux lưv cxiv tsa jêx jok yiaz, Đoàn thanh niên xã Púng Bánh, huyện Sốp Cộp, tsik so kriz “Hnuz tiv Sha tưx zênhv muk uô hâux lưv jông”, “Hnuz Chủ nhật chos ntông”…

Đhâu cxênhz yuôx, xã đriv têz Chiềng Khừa, thị xã Mộc Châu, muôx 6 ziv pêx xênhv tsênhv nhoz tsêr khâuz hlaz. Txos nhiv no, xã tưz đros Ủy ban MTTQ Việt Nam thị xã Mộc Châu thiaz têx nênhs siaz đơưz paz uô tâu 5 luz tsêr, kho tâu 1 luz tsêr, zôngv tas 330 triệu nhiax.