Tu đas jos trâu nênhs muôx hnuz nhôngs, têx cấp Hội Nênhs muôx hnuz nhôngs hâur tỉnh đros têx tsêr kho moz, trung tâm y tế têx huyện, thị xã, thành phố kriz njuôk đas jos, phaiz đơưz yuôx trâu têx hội viên trâu Hnuz cênhz cưv Nênhs muôx hnuz nhôngs Việt Nam (6/6), Hnuz Ntiax têz Nênhs muôx hnuz nhôngs (1/10).

Txix thâuv hâu shông txos nhiv no, têx hâux lưv ntơưv cxuô tsêr nhiax, qơư tsês nhiax txuôs sir zôngv thôngz huyện Vân Hồ tror lês truôx njês, txâuk nhiax pênhr trâu pêx xênhv txaik.

Cias thâuv hâu shông, huyện Quỳnh Nhai tưz chox car cxuô xã kria Tuz kôngz zênhx max laix, hair liax, kho têx cưx lias tok đêx lok uô chiv blêx ntux yiaz.

Hmo 11/3, ntơưv Yar tiax lox 10/3, thành phố Buôn Ma Thuột, tỉnh Đắk Lắk tưz kriz Suôx câuv Jias tưr Tuz kôngz siz tưr shông 2025 đros trâu njiaz luk “Chos cà phê txơưx njê” muôx 4 paz tưr tuôx ntơưv têx tỉnh: Đắk Lắk, Bình Phước, Sơn La, Kon Tum. Ntơư zos iz hâur 17 hâux lưv zov chênhr hâur Hnuz grâuv pax Cà phê Buôn Ma Thuột jâus tiv 9 shông 2025.

Hnuz 11/3, Công an tỉnh Sơn La tưz kriz Jias kruôk hluôk nênhs, pox niav công an Sơn La nto công bê shông 2024. 

Hâur hli 2, têx tsêr kho moz hur si tỉnh tưz lês jông côngz xưv njuôk, kho moz trâu pêx xênhv.

Nhav nxias muôx txâuk đêx chos chiv blêx liax ntux yiaz shông no, UBPX huyện tưz chox car cxuô qơư kho, huk cưx liax, saiz car jông 252 kror qơư tâur đêx, cưx lias; gruô hu pêx xênhv côngv 4.814 hnuz đas jos thoz huk, luôx đrox tâu 98.457 m cưx liax thiaz huk 158.000m cưx lias, xav 7.871 m³ hmôngr ar...

Hnuz 10/3, Yar cơưv Cao đẳng Y tế Sơn La tưz chuôz kriz Jâus tưr sinh viên coz jâus tiv 16, shông cơưv 2024 - 2025.

Hnuz 9/3, ntơưv xã Nậm Giôn, huyện Mường La, Tỉnh đoàn Sơn La tưz kriz Jâus piz puôz kror qơư hluôs nênhs Tsêr txux chi hair nênhs Kháng.

Fuô lês cxiax cxênhv “Luz 3 hli đriv têz”, hnuz xiaz 7/3, Huyện đoàn Gia Lâm, Hà Nội tưz kriz jias njiz njêx muôs, krưr huv trâu shuv xênhz hla đhâu cêr txov nhêv cơưv coz hâur thax tsav huyện Bắc Yên.

Hnuz xiaz 7/3, Hội Liên hiệp Pox niav huyện Yên Châu tưz kriz jias tưr hnar tsôngk yo ntêr thiaz tsôngk hnar hair nênhs tsơưs jông trơưk njiaz luk “Pox niav Yên Châu njênhs njôngr- muôx đas jos jông gâux- txuôs jông pêx xênhv cxuô hair nênhs txux chi”.

Moz siaz choz kria lok sâuv vax huôv saiz car por trôngz, hiar txưr, Yar cơưv Tiểu học thiaz THCS Bình Minh, xã Cò Nòi, huyện Mai Sơn tưz cxiv tsa tsưr ziv “Ndêx chiv đriv Trường Sa” hâur yar cơưv, paz choz kria cênhz cưv nhiav têz nhiav qơư , cxơưz cêr truôx siaz, njênhs njôngr thiaz uô tiar phênhv shuôv por hưv truôx njês por trôngz, hiar txưr pêz Têz qơưk nhoz njias to trâu shuv xênhz.

Fuô lês tsưr ziv hlôngr yiaz tsêr kho moz cơ sở têx hâux lưv, huyện Vân Hồ tưz gruô hu nhiax pênhr, cxưx nhiax cxiv puôz vax tsêr, zuôr chuôz zênhx njuôk kho moz yiaz, iz phênhv tưs hlôngr yiaz tsêr kho moz cơ sở hâux lưv njuôk, kho moz trâu pêx xênhv.

Lês cêr siz tưr côngv têk paz uô tsêr trâu pêx xênhv txov nhêv nhoz, xã Hua Nhàn, huyện Bắc Yên tưz hu pêx xênhv saz lax, fuô chai, gruô hu pêx xênhv lok sâuv chai paz uô tsêr trâu pêx xênhv txov nhêv nhoz; cxênhz yuôx, sâu mênhx bê têx ziv zuôr tsuv tâu paz trơưk đraiv cêr chai.

40 shông đrav ntêx, hnuz xiaz 2/3/1985, Tsêr puôr fênhx tỉnh Sơn La tâu cxiv tsa txix ntơưv Tsêr Puôr fênhx Thax tsav Tây Bắc, tov kaz no, zos Phòng Puôr fênhx tâu Ty Txux chi Sơn La saiz car. Đhâu 40 shông cxiv tsa thiaz huôv tsar, Tsêr puôr fênhx tỉnh Sơn La puôr lênhx tsi njênhk têx hâux lưv chính trị tâu zok, paz trâu xưv cxênhx txuôs jông, huôv tsar txiax njis, txux chi pêx xênhv cxuô hair nênhs Sơn La kror muôx gri.

Hnuz 26/2, Hội Chữ thập đỏ tỉnh Sơn La tưz đros Trung tâm Y tế huyện Mai Sơn siz chos kriz jias njuôk moz, kria por hưv đas jos thiaz puz đơưz yuôx nox trâu 200 lênhx zos ziv pluôs, ziv muôx côngz trâu têz qơưk, nênhs lâuk, nênhs trâus yuôx tuô đrox nhoz hâur xã Mường Chanh thiaz Chiềng Chung.

Hnuz 26/2, Zênhx đriv têz trôngx lôngs Chiềng Tương tưz đros xã Lóng Phiêng thiaz Chiềng Tương, huyện Yên Châu kriz “Hnuz grâuv pax hur si pêx xênhv por hưv têz qơưk” saiz hloz 66 shông Hnuz cênhz cưv Tuz lênhv đriv têz (3/3/1959 - 3/3/2025), 36 shông Hnuz hur si pêx xênhv por hưv têz qơưk (3/3/1989 - 3/3/2025).

Hâur shông 2024, huyện Mường La paz yax 500 triệu nhiax trâu 4 HTX yâu mông têx huv kôngz txir nox trâu têx qơư fuô mông txos trâu sơưr đơưk; 4 HTX tâu muôz ntơưr chênhr nhav VietGAP; paz HTX Kôngz txir jok Bâu cxiv tsa hnaz ntiv, ntơưr chiv thiaz HTX Kôngz txir thiaz Nuôv zax Ngọc Chiến bax tâu zok saiz mã QR-Code chia tâus tâu qơư uô tơưv huv.

Hâur luz 1 hli, sâu nhiax BHXH, BHYT, BH tsik muôx hâux lưv uô thôngz tỉnh tâu zuôr luôs 173 tỷ nhiax.

UBPX tỉnh Sơn La nhiv kruôr tso tơưv cêr chai công nhav thiaz puz Ntơưr công nhav yar cơưv txâuk chai têz qơưk shông cơưv 2024-2025 jias 2 trâu 37 yar cơưv hâur thax tsav tỉnh.