Hâur phênhv đaz kruôk, txir đaz tưz hlơưr shaz trâu gâux njuôz Han, đros trâu têx jâuz mor li: graix tưv, chơưr xơưk, shaz, pax, txir, blôngx plênhz laz, txir txôngz njuôz,…chia zâuv gâux njuôz Han thiaz xênhz têz xênhz qơư lok đros nox hâuk, thor paz por hưv jêx jok uô nênhx njias to, lov jêv ntưk, pêx xênhv tâu nox tsâu hnar sor, muôx đas, muôx jos.

Phênhv nthuôr cêr lov jêv muôx têx hâux lưv txux chi, haik cưr cxiax, têx cêr uô si pêx xênhv tênhz tus, muôx chôngz pêx xênhv, kruô nuôv zax côngv tuôx ndis shuôk li: Tưr gruôv gox, tuô hnênhr, muk tơư nênhk, cxov ok; têx qar tsêr huv nthuôr muôs thax tsav têx kôngz, txir nox, txux chi, jâuz mor.

Hnuz grâuv pax tâu kriz yênhx shông chia txuôs jông thiaz huôv tsar txux chi cênhz cưv kror muôx gri, kria cxuô kror qơư pâuz thax tsav têx txux chi jông; nzaz xênhz txơưv, cêr muôx liv chia paz xã Mường Trai tsik tsês huôv tsar nuôv zax.