Nthuôr huôv jông qơư sơưr ntơưv pox niav hâur tsưx truôx thiaz huôv tsar txux chi hair nênhs, cxuô cơ sở hội tưz moz siaz fuô kria cxaz nzir cêr pâuz trâu cán bộ, hội viên; lês hâux lưv cxiv tsa luz nênhx vav mênhx, tso tsês têx cêr chai tsik jông đros trâu jias zaz zâuv “Cxiv tsa zis nênhs 5 tsik muôx, 3 hur”, cêr siz tưr “Cxiv tsa lênhx pox niav Việt Nam hâur ntu nênhx yiaz”. Tsưr ziv fuô kria zos hâur têx jias cơưv chi hội, câu lạc bộ, têx jias nthuôr txux chi, sênhr chêr, đhâu mạng xã hội zalo, facebook...

Pos Hà Thị Thân, Chủ tịch Hội Liên hiệp Pox niav huyện Vân Hồ, haik pâuz: Đhâu hâux lưv fuô kria tưz paz trâu têx hội viên, pox niav pâuz por hưv têx txux chi, txix ntơư sir zôngv tâu jông têx luk haik, ntơưr sâu, haik cưr cxiax cxuô hair nênhs thiaz nthuôr huôv tâu jông têx txux chi, li grâuv pax, tsôngk hnar đros trâu huôv tsar nuôv zax. Nhiv no, huyện Vân Hồ tsưx truôx 115 paz sênhr chêr jêx jok, tiểu khu, zov chênhr zos hội viên pox niav, moz siaz côngv têx jias sênhr chêr, paz tsưx truôx txux chi cênhz cưv thiaz kria trâu fâuv hluôs.

Iz chas ntơư, Hội Pox niav huyện tưz moz siaz cxiv tsa thiaz kriz đar têx qơư huôv tsar nhiax txiax, nuôv zax đros trâu por hưv têx txux chi, cênhz cưv. Siz chos kriz têx lớp kria txux chi trâu hội viên pox niav. Paz trâu pox niav tâu côngv têx jias kriz nzir tsưr ziv; paz txaik nhiax chia têx pox niav piz lês hâux lưv.

Muk shuôk muôv Chi Xênhv Lâux, nhoz jok Chiềng Đi 2, xã Vân Hồ luz thaz nzưr xơưk Hmôngz têx tsôngk hnar. Têx pax tiaz, yo đai trâu cxuô kror qơư chia trâu têx kruô xair. Muôv Chi thav kria: Pâuz tâu pêx xênhv cêr sir zôngv, kruô nuôv zax tuôx trâu Vân Hồ cux lok six nhiav zuôr tsôngk hnar Hmôngz thiaz hnar thaix đuôz, cur tưz muôz nhiax kriz luz thaz nzưr no chia muôs tsôngk hnar Hmôngz. Hâur têx jias grâuv pax, hnuz tsiaz, têx hnuz cur muôs tâu zuôr luôs 100 chêr, đhâu ntơư paz trâu zis nênhs sâu nju nhiax. Đros ntơư, cur tsênhv moz siaz kria trâu têx mê nhuôv cov pâuz xơưk zuk tsôngk hnar.

Txix li têx hâux lưv lês fiv huv, hội viên, tưz nthuôr huôv jông qơư sơưr lok sâuv por hưv, nthuôr huôv txux chi hair nênhs, cxơưz paz fuô kria têx txux chi, cênhz cưv jông ntơưv thax tsav txos trâu têx kruô nuôv zax. Txos nhiv no, luk haik, ntơưr sâu ntơưv cxuô hair nênhs tsơưs thax tsav huyện phênhv ntâu tsênhv tâu tsưx truôx; têx zav tsênhv tâu tsưx jông li: Đhia kênhx ntơưv cưr tix Hmôngz nhoz xã Vân Hồ, Lóng Luông; đhia shôngz ntơưv hair nênhs Poz ziz nhoz Chiềng Yên, Liên Hòa, Chiềng Khoa, Song Khủa, Xuân Nha, Tân Xuân; sênhr chêr ntơưv hair nênhs Cho nhoz Liên Hòa, Vân Hồ, Chiềng Yên, Suối Bàng...

Cxuô shông, huyện tưz tsưx truôx kriz têx jias grâuv pax li: Hnuz grâuv pax chaix pax txir đuôx tơưs xã Lóng Luông; Grâuv pax chaix pax lâus tơưs ntơưv xã Chiềng Khoa. Iz chas ntơư, têx cơ sở hội tsênhv kriz têx hnuz grâuv pax, cêr uô si hâur têx jias grâuv pax, txos tsiaz fiv huv trâu zuk thax tsav. Têx hâux lưv li, hiaz tơưz, xơưk tsôngk hnar cux tâu tsưx truôx. Ntâu zav cêr chai tsik jông ntơưv iz cxia hair nênhs tsơưs tsik muôx liv lok sâuv siz zuôr, plox tuôs cux tâu tso tsês.

Côngv têk por hưv thiaz nthuôr huôv têx txux chi, cênhz cưv, pox niav huyện Vân Hồ tưz nzaz nzơưv têx zav muôx txơưv chia paz max trâu huôv tsar nuôv zax, cxơưz paz cxuô hair nênhs luz nênhx tâu jông đuô.