Cias thâuv Bộ Tài chính fuô mênhx hâux lưv cxênhz tas nro nhiax txiax shông 2026, UBPX  tỉnh tưz tsa Ban Chox car thiaz Paz nênhs Thường trực paz hâux lưv Ban Chox car cấp tỉnh. Đros ntơư, 100% xã, phường tưz tsa Ban Chox car, tsênhr cov cxênhz jông siz luôs jok txix thâuv kho đuô têx đơn vị hành chính thiaz lês hâux lưv nov hâu oz cấp.

Trơưk tuôr xav, jias cxênhz tâu lês uô oz ntu. Ntu 1, txix hnuz xiaz 5/1 txos xiaz 10/3/2026, cxênhz mênhx têx zav ntơưv têx qơư uô nox, uô lax luôv tus khênhx tsik uô kôngz lông thiaz zus tsiax đêx, tổ hợp tác, qơư tôn giáo, njênhs chai yiaz đhâu têx hâux lưv nus đhâu têx chuôz zênhx điện tử (CAPI). Ntu 2, txix hnuz xiaz 1/3 txos 30/4/2026, cxênhz têx tsêr luôv, hội, hiệp hội, đơn vị xưv cxênhx tsik zos têz qơưk tus thiaz têx đơn vị txơưr trơưk chai.

Têx hâux lưv cxênhz tas nro nhiax txiax shông 2026 thôngz tỉnh tưz sâu mênhx têx zav cxênhz tâu ntơưv 40.837 đơn vị, muôx 2.379 tsêr luôv, HTX; 37.051 kror qơư uô nox uô hâuk, uô lax luôv tus khênhx; 50 kror qơư tôn giáo, njênhs chai yiaz thiaz 1.357 kror qơư uô hâux lưv ntâuz ntơưr, xưv cxênhx, hiệp hội. Txos nhiv no, tỉnh tưz sâu tas 2.253 kror qơư 36.388 cơ sở. Cxênhz tas têx qơư uô nox, uô lax luôv tus khênhx lês tiar uô ntêx 3 hnuz njuôk li tuôr xav, sâu mênhx ntơưv 36.560 kror qơư. Cxênhz tsêr luôv tiar uô ntêx 2 hnuz, tas nro 3.676 luz tsêr luôv; lês tiar 100% hâux lưv cxênhz têx qơư tôn giáo, njênhs chai yiaz, đơn vị xưv cxênhx tsik zos têz qơưk tsa thiaz têx hội, hiệp hội.

Hâur ntu lês nhâux lưv, Ban Chox car tỉnh tưz chox car, cxênhz yuôx, sox car; zôngv công nghệ thông tin paz max, tsa yênhx paz nênhs siz chos saz lax trực tuyến chia đơưk sai têx cêr phiv liv, paz têx nênhs lês hâux lưv cxênhz yuôx thiaz têx đơn vị kria mênhx. Đros cơ quan Sê thiaz têx đơn vị cik txos cxênhz yuôx, njuôk têx dữ liệu, cov têx zav cxênhz tâu tsênhz mênhx. Côngz xưv cxênhz yuôx mênhx dữ liệu cux tâu lês ntov đhâu têx paz nênhs sox car cias ntơưv qơư thiaz sox car trực tuyến thiaz têx zav cxênhz tâu mênhx thiaz cxix cxuô trơưk đraiv Trung ương zok.

Ndax no, Bộ trưởng Bộ Tài chính tưz puz ntơưr kruôk trâu 1 paz nênhs, 6 tus khênhx; Chủ tịch UBPX tỉnh puz ntơưr kruôk trâu 2 paz nênhs, 6 tus khênhx; Thống kê tỉnh puz ntơưr kruôk trâu 17 paz nênhs, 109 tus khênhx lês jông hâux lưv cxênhz yuôx tas nro nhiax txiax shông 2026./.