Jok Nghĩa Hưng nhoz trâu tơư tox Lũng Lô. Shông 1964, mnôngs trơưk Đảng lul gruô hu, 24 lênhx tuz, nxaik hluôk zos đảng viên, đoàn viên tsiv txiax ntơưv xã Liên Nghĩa, huyện Văn Giang, tỉnh Hưng Yên tưz tuôx cxiv tsa qơư uô nox yiaz chia tsa HTX Nghĩa Hưng, nhiv no zos jok Nghĩa Hưng, xã Mường Cơi, huyện Phù Yên, tỉnh Sơn La.

Đhâu 60 shông cxiv tsa thiaz huôv tsar, pêx xênhv jok Nghĩa Hưng tưz côngv đas jos, thôngx siaz hla đhâu puô tsar cêr phiv liv, cxiv tsa jok huôv tsar. Txos nhiv no, jok muôx 120 ziv, 468 lênhx pêx xênhv; chi bộ muôx 11 lênhx đồng chí đảng viên, 7 côngs pêx xênhv tưx saiz car…

Nghĩa Hưng yênhx luz jok uô ntêx nyuôk huôv tsar nhiax txiax đros trâu cxiv tsa jêx jok yiaz, muôx 60 ha poz cưk, 50 ha ntông nox txir zos lưk pax, thênhx caz, yax 1.900 tus tsiax lox, hưv yax 150 ha har jôngr. Jok tưz tsa tâu 1 HTX chos 28 ha ntông nox txir, 11 lênhx côngv uô nox, têx txir thênhx caz kaz jiz ntơưv HTX tưz txâuk chai OCOP 3 luz pax hnuz kuz cấp tỉnh.

Pêx xênhv hâur jok luz nênhx tưz huôv tsar, fênhx đraz iz lênhx pêx xênhv sâu tâu 42 triệu nhiax, jok tsik yuôr ziv pluôs, têx ziv uô nênhx tov thơưx, ziv bluô nux txênhz yax 60%. Hnuz 5/4/2023, jok Nghĩa Hưng tâu côngk nhav zos jêx jok jông fiv jav chia trâu cxuô kror qơư cơưv shâuv ntơưv huyện Phù Yên.