Jias no muôx đồng chí Hà Trung Chiến, Ủy viên Ban Thường vụ Tỉnh ủy, Phó Chủ tịch Thường trực UBPX tỉnh; têx đồng chí kuz thơưx car tỉnh; thơưx car Tsêr nhiax Hợp tác xã Việt Nam; Hiệp hội Tsêr nhiax pêx xênhv Việt Nam; thơưx car Tsêr nhiax Têz qơưk Việt Nam thax tsav 3; thơưx car iz cxia sở, ban, ngành ntơưv tỉnh; têx xã, phường thax tsav Mộc Châu; nênhs hlôngr njêx muôs iz cxia tsêr nhiax, pênhr nhiax txaik pêx xênhv hâur tỉnh thiaz oz chas tỉnh. 

Hâur 30 shông cxiv tsa thiaz huôv tsar, Tsêr nhiax tưz hla đhâu ntâu cêr txov nhêv, uô jông hâux lưv muôz nhiax txaik. Têx cán bộ, nhân viên puôr lênhx tsik tsês cơưv shâuv tsưr ziv uô hâux lưv yiaz, cxơưz cêr thôngx siaz, uô tiar phênhv shuôv, paz pêx xênhv tâu txaik nhiax pênhr tâu sai.

Txix iz Tsêr nhiax tsênhv muôx nhiax tsơưs hâu têx hnuz cxiv tsa, txos nhiv no, Tsêr nhiax tưz huôv tsar truôx njês xav hur si yax 1.500 tỷ nhiax; taz tov muôz txaik yax 1.300 tỷ nhiax; pênhr điều lệ tâu 45 tỷ nhiax; pênhr tưx muôx tâu 109 tỷ nhiax thiaz yax 10.000 thành viên.

Tsêr nhiax puôr lênhx txuôs jông tsưr ziv uô hâux lưv viv thành viên kror muôx liv. Muôz nhiax txaik chia uô lax luôv, huôv tsar kôngz lông, jêx jok; paz ziv nênhs, hợp tác xã, tsêr luôv zâu txaik pênhr chia kriz đar tsưr ziv uô nox, paz muôx hâux lưv uô, sâu nzir nhiax zôngv thiaz por hưv pêx xênhv luz nênhx hlôngr yiaz. Đhâu no, Tsêr nhiax tưz paz huôv tsar nhiax txiax- xã hội ntơưv thax tsav, cxiv tsa jêx jok yiaz, cxuz cêr yaiz pluôs truôx njês thiaz fuô lês cêr chai huôv tsar nhiax txiax tus khênhx trơưk Nghị quyết số 68-NQ/TW ntơưv Bộ Chính trị.

Đros moz siaz uô hâux lưv, Tsêr nhiax tsênhv fuô lês jông têx hâux lưv paz nênhs txov nhêv hâur thax tsav thiaz oz chas xã hla đhâu cêr phiv liv. Tsêr nhiax tưz paz yênhx tỷ đaiv đros nov hâu thax tsav cxiv puôz tiar 35 luz tsêr thôngx siaz; krưr huv trâu têx ziv nênhs thương binh, liệt sĩ, nênhs muôx côngz; paz côngz xưv tir, tar moz COVID-19; krưr nhiax cơưv ntơưr trâu yax 1.000 shuv xênhz hla đhâu cêr txov nhêv cơưv coz. Têx hâux lưv no cxơưz huôv tsar đêz đar kror muôx txiax njis, cxiv tsa đuôz Tsêr nhiax jê, uô tiar phênhv shuôv lês hâux lưv jông paz trâu pêx xênhv sơưr đơưk.

Fuô luk jias no, đồng chí Hà Trung Chiến phôngv côngz thiaz kruôk trâu Tsêr nhiax pêx xênhv Nông Trường Mộc Châu têx hâux lưv uô tâu hâur 30 shông đhâu. Đồng chí cxiz cov Tsêr nhiax tror uô hâux lưv nhaz xênhz, muôx kaz hâu, truôx njês; hlôngr yiaz tsưr ziv saiz car cêr pôngz nhiax, cxiv tsa Tsêr nhiax huôv tsar truôx njês, ndax ndênhk, mênhx pêv thiaz hlôngr yiaz. Đros ntơư, paz pênhr uô ntêx trâu hâux lưv huôv tsar kôngz lông, jêx jok, nhiax txiax, ziv nênhs chos kôngz txir nox, tsêr luôv lox zâu cxơưz tỉnh sâu nju nhiax txiax. Tsik tsês hlôngr pâur số, sir zôngv cêr txơưx fiv, chuôz zênhx jông thiaz hlôngr yiaz muôx phaz nzưr tsưr ziv saiz car, chox lês thiaz uô lax luôv. Tror uô tiar phênhv shuôv lês hâux lưv jông paz trâu pêx xênhv, côngv đas jos đros tỉnh uô tiar têx hâux lưv huôv tsar nhiax txiax- xã hội, cxiv tsa jêx jok yiaz, cxuz cêr yaiz pluôs truôx njês, paz nênhs txov nhêv hla đhâu cêr phiv liv thiaz por hưv pêx xênhv luz nênhx hlôngr yiaz.

Ndax jias no, UBPX tỉnh tưz puz Qix sik tưr trâu Tsêr nhiax pêx xênhv Nông Trường Mộc Châu viv lês jông cêr sik tưr shông 2025; Liên đoàn Lao động tỉnh puz Qix sik tưr trâu Công đoàn cơ sở Tsêr nhiax pêx xênhv Nông Trường Mộc Châu viv lês jông cxuô zav hâux lưv uô ntêx khối tsêr luôv shông 2025; Tsêr nhiax Hợp tác xã Việt Nam puz Côngz mênhx "Trêk blêx cuz" shông 2025 trâu Tsêr nhiax pêx xênhv Nông trường Mộc Châu.