6 hli hâu shông, thax tsav đriv têz tỉnh Sơn La tưz tsưx truôx chính trị thiaz thax tsav nhoz njias to. Côngz xưv saiz car, por hưv txox cêr, ndêx chiv đriv têz tâu txuôs jông ntov chai. Têx tsôngv nênhs tưz kriz 22 jias đros oz chas têz siz chos cxênhz yuôx thiaz 200 jâus tưx cxênhz yuôx; kriz 892 jâus cxênhz yuôx thax tsav. Côngz xưv đros oz chas têz por hưv jông đriv têz uô tâu ntâu hâux lưv muôx kaz hâu. Tỉnh txuôs jông têx cêr chai siz chos lês, saz lax xor mông, đros têx tỉnh Hủa Phăn thiaz Luông Pha Bang siz khov cêr lax luôv; fuô lês têx cxênhx cxênhv saz lax siz khov tưz chos luk, paz bôngs cêr thôngx siaz siz trâus jông lok six zov chênhr Việt Nam - Lok Tsuôk. 

Têx đại biểu tưz moz siaz saz lax lok sâuv: Côngz xưv saiz car, por hưv txox cêr, ndêx chiv đriv têz thiaz hâux lưv siz khov đriv têz; cêr chai, tsưr ziv gruô hu cxưx nhiax huôv tsar vax tsêr, cêr muk lok trâu thax tsav đriv têz thiaz têx tỉnh Kâuv têz Lok Tsuôk; hâux lưv cxiv puôz trôngx lôngs zov chênhr Chiềng Khương (ntu 1); uô trơưk têx ndâux luk chos.

6 hli kaz shông, Ban Chox car côngz xưv đriv têz tỉnh tror fuô lês Đảng, Têz qơưk têx cêr chai lok sâuv côngz xưv đriv têz. Cxiv tsa, tsik so đros têx tỉnh Hủa Phăn thiaz Luông Pha Bang thôngx siaz siz khov jông; fuô lês muôx kaz hâu têx cxênhx cxênhv saz lax siz chos lês hâux lưv hâur tỉnh Sơn La thiaz têx tỉnh Kâuv têz Lok Tsuôk. Txuôs jông muôx kaz hâu côngz xưv đros oz chas têz côngv cxênhz yuôx đriv têz, tưx cxênhz yuôx đriv têz; đros têx tsôngv nênhs tir tar têx nênhs cxâuv. Moz siaz cxiv tsa, uô tiar Đề án huôv tsar nhiax txiax đriv têz hâur thax tsav tỉnh ntu 2026 -2030 thiaz 2030 -2035 nhav nxias uô jông thiaz lês tiar zos cêr tuôr xav ntơưv UBPX tỉnh.  

Fuô luk chox car Jias cơưv, đồng chí Đặng Ngọc Hậu, Phó Chủ tịch UBPX tỉnh, Thơưx Ban Chox car đriv têz tỉnh cxiz cov têx thành viên moz siaz hlôngr yiaz muôx kaz hâu saiz car têz qơưk lok sâuv côngz xưv đriv têz. Tsik so saiz car, por hưv jông txox cêr, ndêx chiv đriv têz thiaz saiz car têx tsưr ziv đriv têz zos chai. Fuô lês muôx kaz hâu têx hâux lưv đros oz chas têz por hưv jông thax tsav đriv têz; bax txưv uz no trâu jias đros têx tỉnh Hủa Phăn thiaz Luông Pha Bang saz lax; uô trơưk cxix cxuô têx saz lax siz khov tưz chos luk. Gruô hu thiaz sir zôngv muôx kaz hâu têx nhiax pênhr cxưx nhiax huôv tsar nhiax txiax- xã hội thax tsav đriv têz đros tsưx truôx đriv têz nhoz njias to, lês jông côngz xưv đros oz chas têz siz khov uô cxuô zav nuv, por hưv pêx xênhv luz nênhx hlôngr yiaz.  

Ndax jias no, Ban Chox car côngz xưv đriv têz tỉnh tưz xa Côngz mênhx “Viv xưv cxênhz đriv têz, thax tsav têz qơưk” ntơưv Bộ Ngoại giao trâu 9 tus khênhx.