Ntơưv huyện Sông Mã muôx yax 62.000 ha har jôngr lâuk thiaz 8.000 ha jôngr chos. côngz xưv saiz car por hưv thiaz phax tar hluôr tơưk cuz jông puôr lênhx tâu cấp ủy, nov hâu thax tsav moz siaz txos. Hur si huyện tưz tsa 19 ban chox car cấp xã, thị trấn; tsa 302 tổ pêx xênhv por hưv, phax tar hluôr tơưk cuz jôngr đros trâu 3.299 thành viên.  Phaiz 10 paz kiểm lâm thax tsav đros cấp ủy, nov hâu thax tsav fuô lês côngz xưv por hưv, phax tar hluôr tơưk cuz jôngr; kriz cơưv shâuv, kria têx tsưr jôngr, pêx xênhv lok sâuv tsưr ziv phax tar tuô hluôr tơưk cuz jôngr…

... 

Ntơưv huyện Mai Sơn, qơư chos har jôngr đar 47.500 ha. Shông 2024, hur si huyện tưz chos tâu zuôr luôs 160 ha har jôngr thiaz 78.700 tsoz ntông njuôz. Cias thâuv hâu chaix ntux kruôr, cxuô thax tsav, đơn vị, tsưr jôngr hâur thax tsav huyện tưz cxiv tsa thiaz fuô lês têx tsưr ziv phax tar huôr tơưk cuz jôngr. Kriz chos luk côngz xưv saiz car, por hưv har jôngr txix li Chủ tịch UBPX 22/22 xã, thị trấn trâu Chủ tịch UBPX huyện; txix li 62 hâu jok trâu chủ tịch UBPX cấp xã thiaz txix li zuôr luôs 9.700 zis pêx xênhv hâur jok trâu hâu jok

.

Lês hâux lưv ntơưv 2 huyện, đồng chí Nguyễn Thành Công, Phó Chủ tịch UBPX tỉnh cxiz cov cấp ủy, nov hâu thiaz têx kiểm lâm hâur thax tsav moz siaz fuô lês têx faz tsưr ziv phax tar hluôr tơưk cuz jôngr đros trâu njiaz luk "phax tar zos hâux lưv zov chênhr"; jor uô hnuz uô hmo, bax tuô hluôr tơưk zos muôx yưv, tror muôz nhiax zuôr nzir têx chuôz zênhx tuoo hluôr tơưk, moz siaz txos trâu têx cêr chai paz têx nênhs hâux lưv; moz siaz paz trâu pêx xênhv muôx hâux lưv uô, cxaz nzir cêr pâuz, phênhv shuôv por hưv har jôngr.