Tưr đhia zênhx tưz muôx yax 200 tus vận động viên (VĐV) tuôx ntơưv 7 câu lạc bộ: Thuận Châu runners, R26, TBU runners; Mộc Châu running club thiaz têx câu lạc bộ txơưr thax tsav tỉnh Sơn La.

Cias tov kaz kriz đhia thâuv 5 six 30 phênhz, têx vận động viên (VĐV) tưz piz đhia ntơưv yar tiax xã, tsênhz mênhx hla trâu txox cêr chor nhov tưr thair. Đros trâu cêr ntêr 15 caik, txox cêr đhia muôx luôx juk cêr tiax tuk, ndê trôngz thiaz mâuz har phaz har tsuôs, taix khov muôx jos truôx khor thiaz tsưr ziv ndê trôngz ntơưv têx VĐV.

Têx VĐV hla đhâu 2 kro qơư chiv, xuz thơưx hla đhâu têx nduô cêr hla đhâu têx têz blêx njuôz xiaz thiaz têx jêx jok cênhz cưv. Nzir ntơư, zos đhia cov đhâu têx cêr đaz tuôs lax muk lok, li ndê đhâu har jôngr har shôngz thiaz têx trôngz têz cà phê. 

Txox cêr đhia tror đhia cov txos trôngz jok Cang, đhâu têx tsêr tsar pêx xênhv Poz Ziz đuz. Kror tsênhz ntơưv cêr đhia zos hla đhâu qơư Viba sâuv trôngz Khau Tú, đros trâu kror siaz 1.700 m, muôx kror ndis jông yax trâu têx VĐV.  Tov kaz hla đhâu kror qơư no, têx VĐV zuôr muk đhâu jok Cụ Cang, luz jok nto mông muôx  vơưs xaz kaz yax.

Têx VĐV bax cxix cxuô tsôngk hnar thiaz chuôz zênhx paz jos hla đhâu nduô cêr ntâu nxaz, ndê trôngz.

Suôx câuv, têx VĐV tror ndê trôngz Khau Tú 2 thiaz tror lok txos qơư piz đhia xuz thơưx. Đhia muôx zênhx tưz nhaz xênhz, tâu li cêr xav thiaz yênhx côngz jông gri.

Suôx câuv tưr đhia, Ban tổ chức choz zênhx tiv iz, oz, pêz trâu txir nênhx, pox niav VĐV đhia zênhx; choz zênhx trâu têx VĐV lok txos qơư paz 15 thiaz 25 cêr đhia txir nênhx, pox niav  choz côngz mênhx saiz đaz muôs trâu VĐV đhia tiar nduô cêr ; choz zênhx trâu VĐV muôx ntâu hnuz nhôngs muôx zênhx. 

Đhia muôx zênhx Trail Thuận Châu 2025 tsik zos hnuz gruôv pax thể thao, mak tsênhv zos jâus bôngs truôx cêr thôngx siaz, cov shâuv muôx jos trơưk zơưv Hloz Hôx lox hloz, đros ntơư siz chos yâu mông tox trôngz hâur pêk, txux chi jông txơưr hlo ntơưv Thuận Châu txos fôngx zưs hâur zuk thiaz luôs tỉnh.